Habakkuk · Westminster Leningrad Codex
Habakkuk 1 Westminster Leningrad Codex
Audio: World English Bible (WEB), read by Winfred W. Henson · About the recordings
Habakkuk is not in PT1904.
1 הַמַּשָׂא֙ אֲשֶׁ֣ר חָזָ֔ה חֲבַקּ֖וּק הַנָּבִֽיא׃
·
2 עַד־אָ֧נָה יְהוָ֛ה שִׁוַּ֖עְתִּי וְלֹ֣א תִשְׁמָ֑ע אֶזְעַ֥ק אֵלֶ֛יךָ חָמָ֖ס וְלֹ֥א תוֹשִֽׁיעַ׃
·
3 לָ֣מָּה תַרְאֵ֤נִי אָ֙וֶן֙ וְעָמָ֣ל תַּבִּ֔יט וְשֹׁ֥ד וְחָמָ֖ס לְנֶגְדִּ֑י וַיְהִ֧י רִ֦יב וּמָד֖וֹן יִשָּֽׂא׃
·
4 עַל־כֵּן֙ תָּפ֣וּג תּוֹרָ֔ה וְלֹֽא־יֵצֵ֥א לָנֶ֖צַח מִשְׁפָּ֑ט כִּ֤י רָשָׁע֙ מַכְתִּ֣יר אֶת־הַצַּדִּ֔יק עַל־כֵּ֛ן יֵצֵ֥א מִשְׁפָּ֖ט מְעֻקָּֽל׃
·
5 רְא֤וּ בַגּוֹיִם֙ וְֽהַבִּ֔יטוּ וְהִֽתַּמְּה֖וּ תְּמָ֑הוּ כִּי־פֹ֙עַל֙ פֹּעֵ֣ל בִּֽימֵיכֶ֔ם לֹ֥א תַאֲמִ֖ינוּ כִּ֥י יְסֻפָּֽר׃
·
6 כִּֽי־הִנְנִ֤י מֵקִים֙ אֶת־הַכַּשְׂדִּ֔ים הַגּ֖וֹי הַמַּ֣ר וְהַנִּמְהָ֑ר הַֽהוֹלֵךְ֙ לְמֶרְחֲבֵי־אֶ֔רֶץ לָרֶ֖שֶׁת מִשְׁכָּנ֥וֹת לֹּא־לֽוֹ׃
·
7 אָיֹ֥ם וְנוֹרָ֖א ה֑וּא מִמֶּ֕נּוּ מִשְׁפָּט֥וֹ וּשְׂאֵת֖וֹ יֵצֵֽא׃
·
8 וְקַלּ֨וּ מִנְּמֵרִ֜ים סוּסָ֗יו וְחַדּוּ֙ מִזְּאֵ֣בֵי עֶ֔רֶב וּפָ֖שׁוּ פָּֽרָשָׁ֑יו וּפָֽרָשָׁיו֙ מֵרָח֣וֹק יָבֹ֔אוּ יָעֻ֕פוּ כְּנֶ֖שֶׁר חָ֥שׁ לֶאֱכֽוֹל׃
·
9 כֻּלֹּה֙ לְחָמָ֣ס יָב֔וֹא מְגַמַּ֥ת פְּנֵיהֶ֖ם קָדִ֑ימָה וַיֶּאֱסֹ֥ף כַּח֖וֹל שֶֽׁבִי׃
·
10 וְהוּא֙ בַּמְּלָכִ֣ים יִתְקַלָּ֔ס וְרֹזְנִ֖ים מִשְׂחָ֣ק ל֑וֹ ה֚וּא לְכָל־מִבְצָ֣ר יִשְׂחָ֔ק וַיִּצְבֹּ֥ר עָפָ֖ר וַֽיִּלְכְּדָֽהּ׃
·
11 אָ֣ז חָלַ֥ף ר֛וּחַ וַֽיַּעֲבֹ֖ר וְאָשֵׁ֑ם ז֥וּ כֹח֖וֹ לֵאלֹהֽוֹ׃
·
12 הֲל֧וֹא אַתָּ֣ה מִקֶּ֗דֶם יְהוָ֧ה אֱלֹהַ֛י קְדֹשִׁ֖י לֹ֣א נָמ֑וּת יְהוָה֙ לְמִשְׁפָּ֣ט שַׂמְתּ֔וֹ וְצ֖וּר לְהוֹכִ֥יחַ יְסַדְתּֽוֹ׃
·
13 טְה֤וֹר עֵינַ֙יִם֙ מֵרְא֣וֹת רָ֔ע וְהַבִּ֥יט אֶל־עָמָ֖ל לֹ֣א תוּכָ֑ל לָ֤מָּה תַבִּיט֙ בּֽוֹגְדִ֔ים תַּחֲרִ֕ישׁ בְּבַלַּ֥ע רָשָׁ֖ע צַדִּ֥יק מִמֶּֽנּוּ׃
·
14 וַתַּעֲשֶׂ֥ה אָדָ֖ם כִּדְגֵ֣י הַיָּ֑ם כְּרֶ֖מֶשׂ לֹא־מֹשֵׁ֥ל בּֽוֹ׃
·
15 כֻּלֹּה֙ בְּחַכָּ֣ה הֵֽעֲלָ֔ה יְגֹרֵ֣הוּ בְחֶרְמ֔וֹ וְיַאַסְפֵ֖הוּ בְּמִכְמַרְתּ֑וֹ עַל־כֵּ֖ן יִשְׂמַ֥ח וְיָגִֽיל׃
·
16 עַל־כֵּן֙ יְזַבֵּ֣חַ לְחֶרְמ֔וֹ וִֽיקַטֵּ֖ר לְמִכְמַרְתּ֑וֹ כִּ֤י בָהֵ֙מָּה֙ שָׁמֵ֣ן חֶלְק֔וֹ וּמַאֲכָל֖וֹ בְּרִאָֽה׃
·
17 הַ֥עַל כֵּ֖ן יָרִ֣יק חֶרְמ֑וֹ וְתָמִ֛יד לַהֲרֹ֥ג גּוֹיִ֖ם לֹ֥א יַחְמֽוֹל׃ ס
·
People & places in this chapter
From this site's family tree and Bible maps, only where those guides cite this chapter.
People
Habakkuk
The prophet who received the burden of his book in a vision.
Cited in the guide: Habakkuk 1:1; Habakkuk 3:1
Cross references (16)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Nahum 1:1; Isaiah 22:1
- 2 Psalm 22:1–2; Psalm 13:1–2; Lamentations 3:8; Jeremiah 14:9; Psalm 94:3
- 3 Psalm 55:9–11; Jeremiah 9:2–6; Micah 7:1–4; Ecclesiastes 5:8; Jeremiah 20:8
- 4 Psalm 94:20–21; Isaiah 1:21–23; Psalm 119:126; Job 21:7; Ezekiel 9:9
- 5 Acts 13:40–41; Isaiah 29:14; Lamentations 4:12; Jeremiah 5:12–13; Jeremiah 9:25–26
- 6 2 Kings 24:2; 2 Chronicles 36:6; Jeremiah 5:15; 2 Chronicles 36:17; Jeremiah 4:6
- 7 Jeremiah 39:5–9; Jeremiah 52:9–11; Isaiah 18:7; Deuteronomy 5:27; Deuteronomy 5:19
- 8 Jeremiah 4:13; Zephaniah 3:3; Deuteronomy 28:49; Hosea 8:1; Ezekiel 17:3
- 9 Jeremiah 25:9; Psalm 139:18; Job 29:18; Habakkuk 2:5–13; Judges 7:12
- 10 2 Chronicles 36:6; 2 Chronicles 36:10; Jeremiah 32:24; Isaiah 14:16; Jeremiah 33:4
- 11 Daniel 5:20; Daniel 4:30–34; Daniel 5:3–4; Jeremiah 4:11–12
- 12 Deuteronomy 32:4; Psalm 90:2; Deuteronomy 33:27; Jeremiah 46:28; Jeremiah 30:11
- 13 Psalm 5:4–5; Psalm 34:15–16; Jeremiah 12:1–2; Habakkuk 1:3–4; Proverbs 31:8–9
- 15 Amos 4:2; Jeremiah 16:16; Psalm 10:9; John 21:6–11; Ezekiel 35:15
- 16 Daniel 4:30; Habakkuk 1:11; Ezekiel 28:3; Deuteronomy 8:17; Isaiah 37:24
- 17 Isaiah 14:6; Jeremiah 25:9–26; Ezekiel 25:1–17; Jeremiah 52:1–34; Habakkuk 2:17
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences