Song of Songs · Clementine Vulgate
Song of Songs 7 Clementine Vulgate
Audio: World English Bible (WEB), read by Winfred W. Henson · About the recordings
Song of Songs is not in PT1904.
1 [Sponsa Quid videbis in Sulamite, nisi choros castrorum? Chorus Quam pulchri sunt gressus tui in calceamentis, filia principis ! Juncturæ femorum tuorum sicut monilia quæ fabricata sunt manu artificis.
·
2 Umbilicus tuus crater tornatilis, numquam indigens poculis. Venter tuus sicut acervus tritici vallatus liliis.
·
3 Duo ubera tua sicut duo hinnuli, gemelli capreæ.
·
4 Collum tuum sicut turris eburnea; oculi tui sicut piscinæ in Hesebon quæ sunt in porta filiæ multitudinis. Nasus tuus sicut turris Libani, quæ respicit contra Damascum.
·
5 Caput tuum ut Carmelus; et comæ capitis tui sicut purpura regis vincta canalibus.
·
6 Sponsus Quam pulchra es, et quam decora, carissima, in deliciis !
·
7 Statura tua assimilata est palmæ, et ubera tua botris.
·
8 Dixi: Ascendam in palmam, et apprehendam fructus ejus; et erunt ubera tua sicut botri vineæ, et odor oris tui sicut malorum.
·
9 Guttur tuum sicut vinum optimum, dignum dilecto meo ad potandum, labiisque et dentibus illius ad ruminandum.
·
10 Sponsa Ego dilecto meo, et ad me conversio ejus.
·
11 Veni, dilecte mi, egrediamur in agrum, commoremur in villis.
·
12 Mane surgamus ad vineas: videamus si floruit vinea, si flores fructus parturiunt, si floruerunt mala punica; ibi dabo tibi ubera mea.
·
13 Mandragoræ dederunt odorem in portis nostris omnia poma: nova et vetera, dilecte mi, servavi tibi.]
·
Cross references (13)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Psalm 45:13; Colossians 2:19; Daniel 2:32; Ephesians 6:15; Exodus 28:15
- 2 Romans 7:4; Jeremiah 1:5; Psalm 45:16; Proverbs 3:8; Song of Songs 5:14
- 3 Song of Songs 4:5; Song of Songs 6:6
- 4 Song of Songs 4:4; Song of Songs 4:8–9; Psalm 144:12; 1 Kings 22:39; 1 Kings 9:19
- 5 Isaiah 35:2; Song of Songs 4:1; Psalm 68:24; Genesis 32:26; Song of Songs 5:11
- 6 Song of Songs 4:10; Song of Songs 1:15–16; Psalm 45:11; Song of Songs 2:14; Isaiah 62:4–5
- 7 Song of Songs 4:5; Ephesians 4:13; Isaiah 66:10; Ephesians 3:17; Psalm 92:12
- 8 2 Corinthians 2:14; John 14:21–23; Song of Songs 4:16–5:1; Song of Songs 2:3; Song of Songs 1:3
- 9 Song of Songs 5:16; Isaiah 62:8–9; Zechariah 9:15–17; Acts 16:30–34; Hebrews 13:15
- 10 Psalm 45:11; Song of Songs 6:3; Song of Songs 2:16; Galatians 2:20; John 17:24
- 11 Song of Songs 4:8; Song of Songs 2:10–13; Song of Songs 1:4
- 12 Song of Songs 6:11; Ephesians 6:24; Song of Songs 7:6; 1 Thessalonians 3:5–6; 2 Corinthians 13:5
- 13 Genesis 30:14; Matthew 13:52; 1 Corinthians 2:9; 1 Corinthians 8:8–9; Romans 15:25–27
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences