Jonah 4 Clementine Vulgate
Audio: World English Bible (WEB), read by Winfred W. Henson · About the recordings
Jonah is not in PT1904.
1 Et afflictus est Jonas afflictione magna, et iratus est:
·
2 et oravit ad Dominum, et dixit: Obsecro, Domine, numquid non hoc est verbum meum cum adhuc essem in terra mea? propter hoc præoccupavi ut fugerem in Tharsis: scio enim quia tu Deus clemens et misericors es, patiens et multæ miserationis, et ignoscens super malitia.
·
3 Et nunc, Domine, tolle, quæso, animam meam a me, quia melior est mihi mors quam vita.
·
4 Et dixit Dominus: Putasne bene irasceris tu?
·
5 Et egressus est Jonas de civitate, et sedit contra orientem civitatis: et fecit sibimet umbraculum ibi, et sedebat subter illud in umbra, donec videret quid accideret civitati.
·
6 Et præparavit Dominus Deus hederam, et ascendit super caput Jonæ, ut esset umbra super caput ejus, et protegeret eum (laboraverat enim): et lætatus est Jonas super hedera lætitia magna.
·
7 Et paravit Deus vermen ascensu diluculi in crastinum: et percussit hederam, et exaruit.
·
8 Et cum ortus fuisset sol, præcepit Dominus vento calido et urenti: et percussit sol super caput Jonæ, et æstuabat: et petivit animæ suæ ut moreretur, et dixit: Melius est mihi mori quam vivere.
·
9 Et dixit Dominus ad Jonam: Putasne bene irasceris tu super hedera? Et dixit: Bene irascor ego usque ad mortem.
·
10 Et dixit Dominus: Tu doles super hederam in qua non laborasti, neque fecisti ut cresceret; quæ sub una nocte nata est, et sub una nocte periit:
·
11 et ego non parcam Ninive, civitati magnæ, in qua sunt plus quam centum viginti millia hominum qui nesciunt quid sit inter dexteram et sinistram suam, et jumenta multa?
·
Cross references (10)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Jonah 4:9; Luke 15:28; Matthew 20:15; Jonah 4:4; Luke 7:39
- 2 Psalm 86:15; Exodus 34:6–7; Numbers 14:18–19; Joel 2:13–14; Psalm 145:8
- 3 1 Kings 19:4; Ecclesiastes 7:1; Jeremiah 20:14–18; Numbers 11:15; Numbers 20:3
- 4 Matthew 20:15; Jonah 4:9; Psalm 106:32–33; Micah 6:3; James 1:19–20
- 5 1 Kings 19:9; Isaiah 57:17; 1 Kings 19:13; Jeremiah 17:15–16; Genesis 19:27–28
- 6 Psalm 103:10–14; Esther 5:9; Luke 10:20; 1 Corinthians 7:30; Jonah 1:17
- 7 Joel 1:12; Psalm 90:5–6; Isaiah 40:6–8; Job 1:21; Psalm 102:10
- 8 Psalm 121:6; Jonah 4:3; Ezekiel 19:12; Isaiah 49:10; Revelation 3:19
- 9 Judges 16:16; Job 5:2; Genesis 4:5–14; Job 40:4–5; Job 18:4
- 11 Matthew 18:33; Luke 15:28–32; Psalm 36:6; Jonah 1:2; Psalm 145:8–9
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences