Skip to the text

Revelation · Patriarchal Text (Antoniades 1904/1912)

Revelation 9 Patriarchal Text (Antoniades 1904/1912)

Leer en español
About PT
  • Orthodox
  • NT: Byzantine text
  • New Testament only
  • Original language
  • 1912
  • Public domain

Audio: World English Bible (WEB), read by Winfred W. Henson · About the recordings

Notes on this text (3)
PT Patriarchal Text (Antoniades 1904/1912)
PT1904 Patriarchal Text 1904 (accented, eBible edition)
1 και ο πεμπτος αγγελος εσαλπισεν· και ειδον αστερα εκ του ουρανου πεπτωκοτα εις την γην, και εδοθη αυτω η κλεις του φρεατος της αβυσσου,
1 Καὶ ὁ πέμπτος ἄγγελος ἐσάλπισε· καὶ εἶδον ἀστέρα ἐκ τοῦ οὐρανοῦ πεπτωκότα εἰς τὴν γῆν, καὶ ἐδόθη αὐτῷ ἡ κλεὶς τοῦ φρέατος τῆς ἀβύσσου,
2 [και ηνοιξεν το φρεαρ της αβυσσου,] και ανεβη καπνος εκ του φρεατος ως καπνος καμινου καιομενης, και εσκοτισθη ο ηλιος και ο αηρ εκ του καπνου του φρεατος.
2 [καὶ ἤνοιξε τὸ φρέαρ τῆς ἀβύσσου,] καὶ ἀνέβη καπνὸς ἐκ τοῦ φρέατος ὡς καπνὸς καμίνου καιομένης, καὶ ἐσκοτίσθη ὁ ἥλιος καὶ ὁ ἀὴρ ἐκ τοῦ καπνοῦ τοῦ φρέατος.
3 και εκ του καπνου εξηλθον ακριδες εις την γην, και εδοθη αυταις εξουσια ως εχουσιν εξουσιαν οι σκορπιοι της γης·
3 καὶ ἐκ τοῦ καπνοῦ ἐξῆλθον ἀκρίδες εἰς τὴν γῆν, καὶ ἐδόθη αὐταῖς ἐξουσία ὡς ἔχουσιν ἐξουσίαν οἱ σκορπίοι τῆς γῆς·
4 και ερρεθη αυταις ινα μη αδικησωσιν τον χορτον της γης ουδε παν χλωρον ουδε παν δενδρον, ει μη τους ανθρωπους οιτινες ουκ εχουσιν την σφραγιδα του θεου επι των μετωπων αυτων.
4 καὶ ἐρρέθη αὐταῖς ἵνα μὴ ἀδικήσωσι τὸν χόρτον τῆς γῆς οὐδὲ πᾶν χλωρὸν οὐδὲ πᾶν δένδρον, εἰ μὴ τοὺς ἀνθρώπους οἵτινες οὐκ ἔχουσι τὴν σφραγῖδα τοῦ Θεοῦ ἐπὶ τῶν μετώπων αὐτῶν.
5 και εδοθη αυταις ινα μη αποκτεινωσιν αυτους, αλλ ινα βασανισθωσιν μηνας πεντε· και ο βασανισμος αυτων ως βασανισμος σκορπιου, οταν παιση ανθρωπον.
5 καὶ ἐδόθη αὐταῖς ἵνα μὴ ἀποκτείνωσιν αὐτούς, ἀλλ᾽ ἵνα βασανισθῶσι μῆνας πέντε· καὶ ὁ βασανισμὸς αὐτῶν ὡς βασανισμὸς σκορπίου, ὅταν παίσῃ ἄνθρωπον.
6 και εν ταις ημεραις εκειναις ζητησουσιν οι ανθρωποι τον θανατον και ου μη ευρησουσιν αυτον, και επιθυμησουσιν αποθανειν, και φευξεται απ αυτων ο θανατος.
6 καὶ ἐν ταῖς ἡμέραις ἐκείναις ζητήσουσιν οἱ ἄνθρωποι τὸν θάνατον καὶ οὐ μὴ εὑρήσουσιν αὐτόν, καὶ ἐπιθυμήσουσιν ἀποθανεῖν, καὶ φεύξεται ἀπ᾽ αὐτῶν ὁ θάνατος.
7 και τα ομοιωματα των ακριδων ομοια ιπποις ητοιμασμενοις εις πολεμον, και επι τας κεφαλας αυτων ως στεφανοι ομοιοι χρυσιω, και τα προσωπα αυτων ως προσωπα ανθρωπων,
7 καὶ τὰ ὁμοιώματα τῶν ἀκρίδων ὅμοια ἵπποις ἡτοιμασμένοις εἰς πόλεμον, καὶ ἐπὶ τὰς κεφαλὰς αὐτῶν ὡς στέφανοι ὅμοιοι χρυσίῳ, καὶ τὰ πρόσωπα αὐτῶν ὡς πρόσωπα ἀνθρώπων,
8 και ειχον τριχας ως τριχας γυναικων, και οι οδοντες αυτων ως λεοντων ησαν,
8 καὶ εἶχον τρίχας ὡς τρίχας γυναικῶν, καὶ οἱ ὀδόντες αὐτῶν ὡς λεόντων ἦσαν,
9 και ειχον θωρακας ως θωρακας σιδηρους, και η φωνη των πτερυγων αυτων ως φωνη αρματων ιππων πολλων τρεχοντων εις πολεμον.
9 καὶ εἶχον θώρακας ὡς θώρακας σιδηροῦς, καὶ ἡ φωνὴ τῶν πτερύγων αὐτῶν ὡς φωνὴ ἁρμάτων ἵππων πολλῶν τρεχόντων εἰς πόλεμον.
10 και εχουσιν ουρας ομοιας σκορπιοις και κεντρα, και εν ταις ουραις αυτων εξουσιαν [εχουσιν] του αδικησαι τους ανθρωπους μηνας πεντε.
10 καὶ ἔχουσιν οὐρὰς ὁμοίας σκορπίοις καὶ κέντρα, καὶ ἐν ταῖς οὐραῖς αὐτῶν ἐξουσίαν [ἔχουσι] τοῦ ἀδικῆσαι τοὺς ἀνθρώπους μῆνας πέντε.
11 εχουσιν βασιλεα επ αυτων [τον] αγγελον της αβυσσου· ονομα αυτω εβραιστι αβαδδων, εν δε τη ελληνικη ονομα εχει απολλυων.
11 ἔχουσι βασιλέα ἐπ᾽ αὐτῶν [τὸν] ἄγγελον τῆς ἀβύσσου· ὄνομα αὐτῷ Ἑβραϊστὶ Ἀβαδδών, ἐν δὲ τῇ Ἑλληνικῇ ὄνομα ἔχει Ἀπολλύων.
12 η ουαι η μια απηλθεν· ιδου ερχονται ετι δυο ουαι μετα ταυτα.
12 Ἡ οὐαὶ ἡ μία ἀπῆλθεν· ἰδοὺ ἔρχονται ἔτι δύο οὐαὶ μετὰ ταῦτα.
13 και ο εκτος αγγελος εσαλπισεν· και ηκουσα φωνην μιαν εκ των τεσσαρων κερατων του θυσιαστηριου του χρυσου του ενωπιον του θεου,
13 Καὶ ὁ ἕκτος ἄγγελος ἐσάλπισε· καὶ ἤκουσα φωνὴν μίαν ἐκ τῶν τεσσάρων κεράτων τοῦ θυσιαστηρίου τοῦ χρυσοῦ τοῦ ἐνώπιον τοῦ Θεοῦ,
14 λεγοντος τω εκτω αγγελω· ο εχων την σαλπιγγα, λυσον τους τεσσαρας αγγελους τους δεδεμενους επι τω ποταμω τω μεγαλω ευφρατη.
14 λέγοντος τῷ ἕκτῳ ἀγγέλῳ· ὁ ἔχων τὴν σάλπιγγα, λῦσον τοὺς τέσσαρας ἀγγέλους τοὺς δεδεμένους ἐπὶ τῷ ποταμῷ τῷ μεγάλῳ Εὐφράτῃ.
15 και ελυθησαν οι τεσσαρες αγγελοι οι ητοιμασμενοι εις την ωραν και [εις] την ημεραν και μηνα και ενιαυτον, ινα αποκτεινωσιν το τριτον των ανθρωπων.
15 καὶ ἐλύθησαν οἱ τέσσαρες ἄγγελοι οἱ ἡτοιμασμένοι εἰς τὴν ὥραν καὶ [εἰς] τὴν ἡμέραν καὶ μῆνα καὶ ἐνιαυτόν, ἵνα ἀποκτείνωσι τὸ τρίτον τῶν ἀνθρώπων.
16 και ο αριθμος των στρατευματων του ιππου [δυο] μυριαδες μυριαδων· ηκουσα τον αριθμον αυτων.
16 καὶ ὁ ἀριθμὸς τῶν στρατευμάτων τοῦ ἵππου [δύο] μυριάδες μυριάδων· ἤκουσα τὸν ἀριθμὸν αὐτῶν.
17 [και] ουτως ειδον τους ιππους εν τη ορασει και τους καθημενους επ αυτων, εχοντας θωρακας πυρινους και υακινθινους και θειωδεις· και αι κεφαλαι των ιππων ως κεφαλαι λεοντων, και εκ των στοματων αυτων εκπορευεται πυρ και καπνος και θειον.
17 [καὶ] οὕτως εἶδον τοὺς ἵππους ἐν τῇ ὁράσει καὶ τοὺς καθημένους ἐπ᾽ αὐτῶν, ἔχοντας θώρακας πυρίνους καὶ ὑακινθίνους καὶ θειώδεις· καὶ αἱ κεφαλαὶ τῶν ἵππων ὡς κεφαλαὶ λεόντων, καὶ ἐκ τῶν στομάτων αὐτῶν ἐκπορεύεται πῦρ καὶ καπνὸς καὶ θεῖον.
18 απο των τριων πληγων τουτων απεκτανθησαν το τριτον των ανθρωπων, εκ του πυρος και του καπνου και του θειου του εκπορευομενου εκ των στοματων αυτων.
18 ἀπὸ τῶν τριῶν πληγῶν τούτων ἀπεκτάνθησαν τὸ τρίτον τῶν ἀνθρώπων, ἐκ τοῦ πυρὸς καὶ τοῦ καπνοῦ καὶ τοῦ θείου τοῦ ἐκπορευομένου ἐκ τῶν στομάτων αὐτῶν.
19 η γαρ εξουσια των ιππων εν τω στοματι αυτων εστιν και εν ταις ουραις αυτων· αι γαρ ουραι αυτων ομοιαι οφεσιν, εχουσαι κεφαλας, και εν αυταις αδικουσιν.
19 ἡ γὰρ ἐξουσία τῶν ἵππων ἐν τῷ στόματι αὐτῶν ἐστι καὶ ἐν ταῖς οὐραῖς αὐτῶν· αἱ γὰρ οὐραὶ αὐτῶν ὅμοιαι ὄφεσιν, ἔχουσαι κεφαλάς, καὶ ἐν αὐταῖς ἀδικοῦσι.
20 και οι λοιποι των ανθρωπων, οι ουκ απεκτανθησαν εν ταις πληγαις ταυταις, ου μετενοησαν εκ των εργων των χειρων αυτων, ινα μη προσκυνησωσιν τα δαιμονια και τα ειδωλα τα χρυσα και τα αργυρα και τα χαλκα και τα λιθινα και τα ξυλινα, α ουτε βλεπειν δυναται ουτε ακουειν ουτε περιπατειν,
20 καὶ οἱ λοιποὶ τῶν ἀνθρώπων, οἳ οὐκ ἀπεκτάνθησαν ἐν ταῖς πληγαῖς ταύταις, οὐ μετενόησαν ἐκ τῶν ἔργων τῶν χειρῶν αὐτῶν, ἵνα μὴ προσκυνήσωσι τὰ δαιμόνια καὶ τὰ εἴδωλα τὰ χρυσᾶ καὶ τὰ ἀργυρᾶ καὶ τὰ χαλκᾶ καὶ τὰ λίθινα καὶ τὰ ξύλινα, ἃ οὔτε βλέπειν δύναται οὔτε ἀκούειν οὔτε περιπατεῖν,
21 και ου μετενοησαν εκ των φονων αυτων ουτε εκ των φαρμακειων αυτων ουτε εκ της πορνειας αυτων ουτε εκ των κλεμματων αυτων.
21 καὶ οὐ μετενόησαν ἐκ τῶν φόνων αὐτῶν οὔτε ἐκ τῶν φαρμακειῶν αὐτῶν οὔτε ἐκ τῆς πορνείας αὐτῶν οὔτε ἐκ τῶν κλεμμάτων αὐτῶν.
Cross references (21)

Related passages for each verse, from the Treasury of Scripture Knowledge as collected and ranked by readers at OpenBible.info.

  1. 1 Revelation 8:10; Romans 10:7; Revelation 9:2; 2 Timothy 3:1–5; Revelation 1:18
  2. 2 Joel 2:10; Genesis 19:28; Joel 2:2; Isaiah 14:31; Joel 2:30
  3. 3 Revelation 9:5; Joel 1:4; Deuteronomy 8:15; Joel 2:25; 1 Kings 12:11
  4. 4 Ezekiel 9:4; Revelation 7:2–4; Revelation 14:1; Exodus 12:23; Revelation 8:7
  5. 5 Revelation 9:10; Job 2:6; Revelation 9:3; Daniel 5:18–22; Revelation 13:5
  6. 6 Luke 23:30; Jeremiah 8:3; Revelation 6:16; Isaiah 2:19; Hosea 10:8
  7. 7 Daniel 7:8; Nahum 3:17; Daniel 7:4; Joel 2:4–5
  8. 8 Joel 1:6; 1 Peter 3:3; 1 Corinthians 11:14–15; 2 Kings 9:30; 1 Timothy 2:9
  9. 9 Joel 2:5–8; Revelation 9:17; Job 39:25; Nahum 2:4–5; Job 40:18
  10. 10 Revelation 9:5; Revelation 9:3; Revelation 9:19
  11. 11 Job 26:6; Revelation 9:1–2; John 16:11; John 8:44; John 14:30
  12. 12 Revelation 11:14; Revelation 8:13–9:2; Revelation 9:13–21
  13. 13 Revelation 8:3–5; Exodus 30:2–3; Revelation 9:1; Hebrews 9:24; Hebrews 10:21
  14. 14 Revelation 16:12; Genesis 2:14; Revelation 9:15; 2 Samuel 8:3; Jeremiah 51:63
  15. 15 Revelation 9:18; Revelation 8:7; Revelation 8:9; Revelation 8:11–12; Revelation 9:10
  16. 16 Revelation 7:4; Psalm 68:17; Daniel 7:10; Ezekiel 38:4; Revelation 5:11
  17. 17 Revelation 9:18; Revelation 14:10; 1 Chronicles 12:8; Revelation 21:8; Revelation 19:20
  18. 18 Revelation 9:17; Revelation 9:15
  19. 19 Isaiah 9:15; Revelation 9:10; Ephesians 4:14
  20. 20 Daniel 5:23; Deuteronomy 31:29; 1 Timothy 4:1; Romans 1:21–23; Revelation 9:21
  21. 21 Revelation 21:8; Revelation 17:5; Revelation 22:15; 2 Corinthians 12:21; Revelation 17:2

Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences