1 [Væ qui descendunt in Ægyptum ad auxilium, in equis sperantes, et habentes fiduciam super quadrigis, quia multæ sunt; et super equitibus, quia prævalidi nimis; et non sunt confisi super Sanctum Israël, et Dominum non requisierunt ! 2 Ipse autem sapiens adduxit malum, et verba sua non abstulit; et consurget contra domum pessimorum, et contra auxilium operantium iniquitatem. 3 Ægyptus homo, et non deus; et equi eorum caro, et non spiritus; et Dominus inclinabit manum suam, et corruet auxiliator, et cadet cui præstatur auxilium, simulque omnes consumentur. 4 Quia hæc dicit Dominus ad me: Quomodo si rugiat leo et catulus leonis super prædam suam; et cum occurrerit ei multitudo pastorum, a voce eorum non formidabit, et a multitudine eorum non pavebit: sic descendet Dominus exercituum ut prælietur super montem Sion et super collem ejus. 5 Sicut aves volantes, sic proteget Dominus exercituum Jerusalem, protegens et liberans, transiens et salvans. 6 Convertimini, sicut in profundum recesseratis, filii Israël. 7 In die enim illa abjiciet vir idola argenti sui, et idola auri sui, quæ fecerunt vobis manus vestræ in peccatum. 8 Et cadet Assur in gladio non viri, et gladius non hominis vorabit eum: et fugiet non a facie gladii, et juvenes ejus vectigales erunt. 9 Et fortitudo ejus a terrore transibit, et pavebunt fugientes principes ejus, dixit Dominus: cujus ignis est in Sion et caminus ejus in Jerusalem.]
Isaiah 31 Clementine Vulgate
Audio: World English Bible (WEB), read by Winfred W. Henson · About the recordings
Cross references (9)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Psalm 20:7; Jeremiah 17:5; Deuteronomy 17:16; Jeremiah 2:13; Isaiah 36:9
- 2 Numbers 23:19; Isaiah 45:7; 1 Corinthians 1:21–29; Amos 3:6; Zephaniah 3:8
- 3 Isaiah 9:17; Ezekiel 20:33–34; Ezekiel 28:9; Jeremiah 15:6; Psalm 33:17
- 4 Hosea 11:10; Amos 3:8; Zechariah 2:5; Isaiah 42:13; Zechariah 12:8
- 5 Psalm 91:4; Psalm 37:40; Isaiah 38:6; Isaiah 37:35; Exodus 19:4
- 6 Jeremiah 3:22; Jeremiah 3:14; Jeremiah 3:10; Isaiah 55:7; Hosea 9:9
- 7 Isaiah 30:22; Isaiah 2:20; Ezekiel 36:25; Deuteronomy 7:25; Hosea 14:8
- 8 Isaiah 14:25; Genesis 49:15; Isaiah 37:7; Isaiah 10:16–19; 2 Kings 19:34–37
- 9 Malachi 4:1; Isaiah 29:6; Zechariah 2:5; Deuteronomy 32:37; Isaiah 10:17
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences