1 [Væ terræ cymbalo alarum, quæ est trans flumina Æthiopiæ, 2 qui mittit in mare legatos, et in vasis papyri super aquas. Ite, angeli veloces, ad gentem convulsam et dilaceratam; ad populum terribilem, post quem non est alius; ad gentem exspectantem et conculcatam, cujus diripuerunt flumina terram ejus. 3 Omnes habitatores orbis, qui moramini in terra, cum elevatum fuerit signum in montibus, videbitis, et clangorem tubæ audietis. 4 Quia hæc dicit Dominus ad me: Quiescam et considerabo in loco meo, sicut meridiana lux clara est, et sicut nubes roris in die messis. 5 Ante messem enim totus effloruit, et immatura perfectio germinabit; et præcidentur ramusculi ejus falcibus, et quæ derelicta fuerint abscindentur et excutientur. 6 Et relinquentur simul avibus montium et bestiis terræ; et æstate perpetua erunt super eum volucres, et omnes bestiæ terræ super illum hiemabunt. 7 In tempore illo deferetur munus Domino exercituum a populo divulso et dilacerato, a populo terribili, post quem non fuit alius; a gente exspectante, exspectante et conculcata, cujus diripuerunt flumina terram ejus; ad locum nominis Domini exercituum, montem Sion.]
Isaiah 18 Clementine Vulgate
Audio: World English Bible (WEB), read by Winfred W. Henson · About the recordings
Cross references (7)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Zephaniah 3:10; 2 Kings 19:9; Ezekiel 30:4–5; Zephaniah 2:12; Psalm 63:7
- 2 Isaiah 18:7; Genesis 10:8–9; 2 Chronicles 16:8; 2 Chronicles 12:2–4; 2 Chronicles 14:9
- 3 Isaiah 5:26; Matthew 13:16; Isaiah 26:11; Micah 6:9; Matthew 13:9
- 4 Hosea 5:15; Isaiah 26:21; Isaiah 18:7; Isaiah 12:6; Psalm 132:13–14
- 5 Isaiah 17:10–11; Song of Songs 2:15; Song of Songs 2:13; Ezekiel 17:6–10
- 6 Jeremiah 7:33; Ezekiel 32:4–6; Ezekiel 39:17–20; Isaiah 14:19; Jeremiah 15:3
- 7 Zephaniah 3:10; Acts 8:27–28; Zechariah 14:16–17; Isaiah 18:4; Isaiah 45:14
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences