1 Et factus est clamor populi et uxorum ejus magnus adversus fratres suos Judæos. 2 Et erant qui dicerent: Filii nostri et filiæ nostræ multæ sunt nimis: accipiamus pro pretio eorum frumentum, et comedamus, et vivamus. 3 Et erant qui dicerent: Agros nostros, et vineas, et domus nostras opponamus, et accipiamus frumentum in fame. 4 Et alii dicebant: Mutuo sumamus pecunias in tributa regis, demusque agros nostros et vineas: 5 et nunc sicut carnes fratrum nostrorum, sic carnes nostræ sunt: et sicut filii eorum, ita et filii nostri: ecce nos subjugamus filios nostros et filias nostras in servitutem, et de filiabus nostris sunt famulæ, nec habemus unde possint redimi: et agros nostros et vineas nostras alii possident. 6 Et iratus sum nimis cum audissem clamorem eorum secundum verba hæc: 7 cogitavitque cor meum mecum, et increpavi optimates et magistratus, et dixi eis: Usurasne singuli a fratribus vestris exigitis? Et congregavi adversum eos concionem magnam, 8 et dixi eis: Nos, ut scitis, redemimus fratres nostros Judæos, qui venditi fuerant gentibus secundum possibilitatem nostram: et vos igitur vendetis fratres vestros, et redimemus eos? Et siluerunt, nec invenerunt quid responderent. 9 Dixique ad eos: Non est bona res quam facitis: quare non in timore Dei nostri ambulastis, ne exprobretur nobis a gentibus inimicis nostris? 10 Et ego, et fratres mei, et pueri mei commodavimus plurimis pecuniam et frumentum. Non repetamus in commune istud: æs alienum concedamus quod debetur nobis. 11 Reddite eis hodie agros suos, et vineas suas, et oliveta sua, et domos suas: quin potius et centesimum pecuniæ, frumenti, vini et olei, quam exigere soletis ab eis, date pro illis. 12 Et dixerunt: Reddemus, et ab eis nihil quæremus: sicque faciemus ut loqueris. Et vocavi sacerdotes, et adjuravi eos ut facerent juxta quod dixeram. 13 Insuper excussi sinum meum, et dixi: Sic excutiat Deus omnem virum qui non compleverit verbum istud, de domo sua, et de laboribus suis: sic excutiatur, et vacuus fiat. Et dixit universa multitudo: Amen: et laudaverunt Deum. Fecit ergo populus sicut erat dictum. 14 A die autem illa, qua præceperat rex mihi ut essem dux in terra Juda, ab anno vigesimo usque ad annum trigesimum secundum Artaxerxis regis per annos duodecim, ego et fratres mei annonas quæ ducibus debebantur non comedimus. 15 Duces autem primi, qui fuerant ante me, gravaverunt populum, et acceperunt ab eis in pane, et vino, et pecunia, quotidie siclos quadraginta: sed et ministri eorum depresserunt populum. Ego autem non feci ita propter timorem Dei: 16 quin potius in opere muri ædificavi, et agrum non emi, et omnes pueri mei congregati ad opus erant. 17 Judæi quoque et magistratus centum quinquaginta viri, et qui veniebant ad nos de gentibus quæ in circuitu nostro sunt, in mensa mea erant. 18 Parabatur autem mihi per dies singulos bos unus, arietes sex electi, exceptis volatilibus, et inter dies decem vina diversa, et alia multa tribuebam: insuper et annonas ducatus mei non quæsivi: valde enim attenuatus erat populus. 19 Memento mei, Deus meus, in bonum, secundum omnia quæ feci populo huic.
Nehemiah 5 Clementine Vulgate
Audio: World English Bible (WEB), read by Winfred W. Henson · About the recordings
Cross references (19)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Isaiah 5:7; Deuteronomy 15:7–11; Leviticus 25:35–37; Job 34:28; Job 31:38–39
- 2 Psalm 128:2–4; Malachi 2:2; Genesis 41:57; Psalm 127:3–5; Genesis 43:8
- 3 Leviticus 25:35–39; Malachi 3:8–11; Deuteronomy 15:7; Genesis 47:15–25
- 4 Ezra 4:13; Ezra 4:20; 1 Kings 9:21; Ezra 7:24; Nehemiah 9:37
- 5 2 Kings 4:1; Leviticus 25:39–43; Genesis 37:27; Isaiah 58:7; Exodus 21:1–11
- 6 Nehemiah 13:25; Exodus 11:8; Ephesians 4:26; Numbers 16:15; Nehemiah 13:8
- 7 Leviticus 25:36; Deuteronomy 23:19–20; Exodus 22:25; Ezekiel 22:12; 2 Chronicles 19:6–7
- 8 Leviticus 25:47–49; Deuteronomy 24:7; Matthew 25:15; 2 Corinthians 8:12; 1 Corinthians 8:11
- 9 Leviticus 25:36; Proverbs 18:5; Romans 2:24; 1 Peter 2:12; 2 Samuel 12:14
- 10 2 Corinthians 6:1; Exodus 22:25–27; Ezekiel 18:13; 1 Corinthians 9:12–18; Micah 2:1
- 11 Isaiah 58:6; Leviticus 6:4–5; Luke 3:8; 1 Samuel 12:3; Nehemiah 5:3–4
- 12 Ezra 10:5; Jeremiah 34:8–10; Nehemiah 10:29; Ezra 10:12; 2 Chronicles 6:22–23
- 13 Acts 18:6; 1 Chronicles 16:36; Matthew 10:14; Zechariah 5:3–4; Deuteronomy 27:14–26
- 14 Nehemiah 13:6; 1 Corinthians 9:18; 2 Thessalonians 3:8–9; 1 Corinthians 9:4–15; Ezra 4:13–14
- 15 Nehemiah 5:9; Isaiah 50:10; Proverbs 16:6; 2 Corinthians 11:9; Job 31:23
- 16 Galatians 6:9; 1 Thessalonians 2:5–6; 1 Corinthians 15:58; Acts 20:33–35; Philippians 2:20–21
- 17 1 Kings 18:19; 1 Peter 4:9–10; 2 Samuel 9:7; Romans 12:13; Isaiah 32:8
- 18 1 Kings 4:22–23; Psalm 37:21; Psalm 37:26; Nehemiah 5:14–15
- 19 Nehemiah 13:31; Psalm 106:4; Nehemiah 13:14; Nehemiah 13:22; Jeremiah 29:11
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences