Saltar al texto

Nehemías · Vulgata Clementina

Nehemías 5 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

1 Et factus est clamor populi et uxorum ejus magnus adversus fratres suos Judæos. 2 Et erant qui dicerent: Filii nostri et filiæ nostræ multæ sunt nimis: accipiamus pro pretio eorum frumentum, et comedamus, et vivamus. 3 Et erant qui dicerent: Agros nostros, et vineas, et domus nostras opponamus, et accipiamus frumentum in fame. 4 Et alii dicebant: Mutuo sumamus pecunias in tributa regis, demusque agros nostros et vineas: 5 et nunc sicut carnes fratrum nostrorum, sic carnes nostræ sunt: et sicut filii eorum, ita et filii nostri: ecce nos subjugamus filios nostros et filias nostras in servitutem, et de filiabus nostris sunt famulæ, nec habemus unde possint redimi: et agros nostros et vineas nostras alii possident. 6 Et iratus sum nimis cum audissem clamorem eorum secundum verba hæc: 7 cogitavitque cor meum mecum, et increpavi optimates et magistratus, et dixi eis: Usurasne singuli a fratribus vestris exigitis? Et congregavi adversum eos concionem magnam, 8 et dixi eis: Nos, ut scitis, redemimus fratres nostros Judæos, qui venditi fuerant gentibus secundum possibilitatem nostram: et vos igitur vendetis fratres vestros, et redimemus eos? Et siluerunt, nec invenerunt quid responderent. 9 Dixique ad eos: Non est bona res quam facitis: quare non in timore Dei nostri ambulastis, ne exprobretur nobis a gentibus inimicis nostris? 10 Et ego, et fratres mei, et pueri mei commodavimus plurimis pecuniam et frumentum. Non repetamus in commune istud: æs alienum concedamus quod debetur nobis. 11 Reddite eis hodie agros suos, et vineas suas, et oliveta sua, et domos suas: quin potius et centesimum pecuniæ, frumenti, vini et olei, quam exigere soletis ab eis, date pro illis. 12 Et dixerunt: Reddemus, et ab eis nihil quæremus: sicque faciemus ut loqueris. Et vocavi sacerdotes, et adjuravi eos ut facerent juxta quod dixeram. 13 Insuper excussi sinum meum, et dixi: Sic excutiat Deus omnem virum qui non compleverit verbum istud, de domo sua, et de laboribus suis: sic excutiatur, et vacuus fiat. Et dixit universa multitudo: Amen: et laudaverunt Deum. Fecit ergo populus sicut erat dictum. 14 A die autem illa, qua præceperat rex mihi ut essem dux in terra Juda, ab anno vigesimo usque ad annum trigesimum secundum Artaxerxis regis per annos duodecim, ego et fratres mei annonas quæ ducibus debebantur non comedimus. 15 Duces autem primi, qui fuerant ante me, gravaverunt populum, et acceperunt ab eis in pane, et vino, et pecunia, quotidie siclos quadraginta: sed et ministri eorum depresserunt populum. Ego autem non feci ita propter timorem Dei: 16 quin potius in opere muri ædificavi, et agrum non emi, et omnes pueri mei congregati ad opus erant. 17 Judæi quoque et magistratus centum quinquaginta viri, et qui veniebant ad nos de gentibus quæ in circuitu nostro sunt, in mensa mea erant. 18 Parabatur autem mihi per dies singulos bos unus, arietes sex electi, exceptis volatilibus, et inter dies decem vina diversa, et alia multa tribuebam: insuper et annonas ducatus mei non quæsivi: valde enim attenuatus erat populus. 19 Memento mei, Deus meus, in bonum, secundum omnia quæ feci populo huic.

Referencias cruzadas (19)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 1 Isaías 5:7; Deuteronomio 15:7–11; Levítico 25:35–37; Job 34:28; Job 31:38–39
  2. 2 Salmo 128:2–4; Malaquías 2:2; Génesis 41:57; Salmo 127:3–5; Génesis 43:8
  3. 3 Levítico 25:35–39; Malaquías 3:8–11; Deuteronomio 15:7; Génesis 47:15–25
  4. 4 Esdras 4:13; Esdras 4:20; 1 Reyes 9:21; Esdras 7:24; Nehemías 9:37
  5. 5 2 Reyes 4:1; Levítico 25:39–43; Génesis 37:27; Isaías 58:7; Éxodo 21:1–11
  6. 6 Nehemías 13:25; Éxodo 11:8; Efesios 4:26; Números 16:15; Nehemías 13:8
  7. 7 Levítico 25:36; Deuteronomio 23:19–20; Éxodo 22:25; Ezequiel 22:12; 2 Crónicas 19:6–7
  8. 8 Levítico 25:47–49; Deuteronomio 24:7; Mateo 25:15; 2 Corintios 8:12; 1 Corintios 8:11
  9. 9 Levítico 25:36; Proverbios 18:5; Romanos 2:24; 1 Pedro 2:12; 2 Samuel 12:14
  10. 10 2 Corintios 6:1; Éxodo 22:25–27; Ezequiel 18:13; 1 Corintios 9:12–18; Miqueas 2:1
  11. 11 Isaías 58:6; Levítico 6:4–5; Lucas 3:8; 1 Samuel 12:3; Nehemías 5:3–4
  12. 12 Esdras 10:5; Jeremías 34:8–10; Nehemías 10:29; Esdras 10:12; 2 Crónicas 6:22–23
  13. 13 Hechos 18:6; 1 Crónicas 16:36; Mateo 10:14; Zacarías 5:3–4; Deuteronomio 27:14–26
  14. 14 Nehemías 13:6; 1 Corintios 9:18; 2 Tesalonicenses 3:8–9; 1 Corintios 9:4–15; Esdras 4:13–14
  15. 15 Nehemías 5:9; Isaías 50:10; Proverbios 16:6; 2 Corintios 11:9; Job 31:23
  16. 16 Gálatas 6:9; 1 Tesalonicenses 2:5–6; 1 Corintios 15:58; Hechos 20:33–35; Filipenses 2:20–21
  17. 17 1 Reyes 18:19; 1 Pedro 4:9–10; 2 Samuel 9:7; Romanos 12:13; Isaías 32:8
  18. 18 1 Reyes 4:22–23; Salmo 37:21; Salmo 37:26; Nehemías 5:14–15
  19. 19 Nehemías 13:31; Salmo 106:4; Nehemías 13:14; Nehemías 13:22; Jeremías 29:11

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias