Ezekiel 25 Clementine Vulgate
Audio: World English Bible (WEB), read by Winfred W. Henson · About the recordings
Ezekiel is not in PT1904.
1 Et factus est sermo Domini ad me, dicens:
·
2 Fili hominis, pone faciem tuam contra filios Ammon, et prophetabis de eis.
·
3 Et dices filiis Ammon: [Audite verbum Domini Dei. Hæc dicit Dominus Deus: Pro eo quod dixisti: Euge, euge, super sanctuarium meum, quia pollutum est; et super terram Israël, quoniam desolata est; et super domum Juda, quoniam ducti sunt in captivitatem:
·
4 idcirco ego tradam te filiis orientalibus in hæreditatem: et collocabunt caulas suas in te, et ponent in te tentoria sua: ipsi comedent fruges tuas, et ipsi bibent lac tuum.
·
5 Daboque Rabbath in habitaculum camelorum, et filios Ammon in cubile pecorum: et scietis quia ego Dominus.
·
6 Quia hæc dicit Dominus Deus: Pro eo quod plausisti manu et percussisti pede, et gavisa es ex toto affectu super terram Israël,
·
7 idcirco ecce ego extendam manum meam super te, et tradam te in direptionem gentium, et interficiam te de populis, et perdam de terris, et conteram: et scies quia ego Dominus.]
·
8 [Hæc dicit Dominus Deus: Pro eo quod dixerunt Moab et Seir: Ecce sicut omnes gentes, domus Juda:
·
9 idcirco ecce ego aperiam humerum Moab de civitatibus, de civitatibus, inquam, ejus, et de finibus ejus, inclytas terræ Bethiesimoth, et Beelmeon, et Cariathaim,
·
10 filiis orientis cum filiis Ammon, et dabo eam in hæreditatem, ut non sit ultra memoria filiorum Ammon in gentibus.
·
11 Et in Moab faciam judicia, et scient quia ego Dominus.]
·
12 [Hæc dicit Dominus Deus: Pro eo quod fecit Idumæa ultionem ut se vindicaret de filiis Juda, peccavitque delinquens, et vindictam expetivit de eis:
·
13 idcirco hæc dicit Dominus Deus: Extendam manum meam super Idumæam, et auferam de ea hominem et jumentum, et faciam eam desertam ab austro: et qui sunt in Dedan, gladio cadent.
·
14 Et dabo ultionem meam super Idumæam per manum populi mei Israël: et facient in Edom juxta iram meam et furorem meum, et scient vindictam meam, dicit Dominus Deus.]
·
15 [Hæc dicit Dominus Deus: Pro eo quod fecerunt Palæstini vindictam, et ulti se sunt toto animo, interficientes, et implentes inimicitias veteres,
·
16 propterea hæc dicit Dominus Deus: Ecce ego extendam manum meam super Palæstinos, et interficiam interfectores, et perdam reliquias maritimæ regionis,
·
17 faciamque in eis ultiones magnas, arguens in furore: et scient quia ego Dominus, cum dedero vindictam meam super eos.]
·
Cross references (16)
Related passages for each verse, from the Treasury of Scripture Knowledge as collected and ranked by readers at OpenBible.info.
- 2 Jeremiah 49:1–6; Amos 1:13–15; Ezekiel 6:2; Zephaniah 2:8–11; Ezekiel 21:2
- 3 Ezekiel 36:2; Proverbs 17:5; Psalm 70:2–3; Proverbs 24:17–18; Ezekiel 25:6
- 4 Deuteronomy 28:33; Judges 6:33; Isaiah 1:7; 1 Kings 4:30; Deuteronomy 28:51
- 5 Ezekiel 21:20; 2 Samuel 12:26; Isaiah 17:2; Isaiah 32:14; Ezekiel 38:23
- 6 Obadiah 12; Zephaniah 2:8; Zephaniah 2:10; Ezekiel 36:5; Ezekiel 25:15
- 7 Zephaniah 1:4; Ezekiel 25:16; Ezekiel 6:14; Ezekiel 25:13; Amos 1:14–15
- 8 Jeremiah 48:1–47; Jeremiah 25:21; Isaiah 15:1–9; Isaiah 63:1–6; Isaiah 25:10
- 9 Joshua 13:17; Jeremiah 48:23; Numbers 32:37–38; Joshua 13:19–20; Numbers 33:49
- 10 Ezekiel 21:32; Ezekiel 25:4; Isaiah 23:16; Psalm 83:3–6
- 11 Jeremiah 9:25–26; Jeremiah 48:1–47; Ezekiel 5:10; Ezekiel 25:17; Jeremiah 25:21
- 12 Jeremiah 49:7–22; Psalm 137:7; Ezekiel 25:8; Obadiah 10–16; Amos 1:11–12
- 13 Ezekiel 29:8; Jeremiah 25:23; Malachi 1:3–4; Jeremiah 49:7–8; Habakkuk 3:3
- 14 Genesis 27:29; Isaiah 11:14; Psalm 58:10–11; Jeremiah 49:2; Isaiah 63:1–6
- 15 Ezekiel 25:6; Isaiah 14:29–31; Jeremiah 25:20; Zechariah 9:5–8; Ezekiel 25:12
- 16 1 Samuel 30:14; Zephaniah 2:4–15; Jeremiah 47:1–7; Ezekiel 25:13; 2 Samuel 15:18
- 17 Ezekiel 25:14; Ezekiel 25:11; Ezekiel 5:15; Psalm 9:16; Ezekiel 6:7
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences