Skip to the text

Ezekiel · Clementine Vulgate

Ezekiel 30 Clementine Vulgate

Leer en español
About VUL
  • Catholic
  • OT: Latin Vulgate
  • NT: Latin Vulgate
  • Catholic (73 books)
  • Original language
  • 1598
  • Public domain

Audio: World English Bible (WEB), read by Winfred W. Henson · About the recordings

1 Et factum est verbum Domini ad me, dicens: 2 Fili hominis, propheta, et dic: [Hæc dicit Dominus Deus: Ululate: Væ, væ diei ! 3 quia juxta est dies, et appropinquat dies Domini, dies nubis: tempus gentium erit. 4 Et veniet gladius in Ægyptum, et erit pavor in Æthiopia, cum ceciderint vulnerati in Ægypto, et ablata fuerit multitudo illius, et destructa fundamenta ejus. 5 Æthiopia, et Libya, et Lydi, et omne reliquum vulgus, et Chub, et filii terræ fœderis, cum eis gladio cadent. 6 Hæc dicit Dominus Deus: Et corruent fulcientes Ægyptum, et destruetur superbia imperii ejus: a turre Syenes gladio cadent in ea, ait Dominus Deus exercituum. 7 Et dissipabuntur in medio terrarum desolatarum, et urbes ejus in medio civitatum desertarum erunt: 8 et scient quia ego Dominus, cum dedero ignem in Ægypto, et attriti fuerint omnes auxiliatores ejus. 9 In die illa egredientur nuntii a facie mea in trieribus ad conterendam Æthiopiæ confidentiam: et erit pavor in eis in die Ægypti, quia absque dubio veniet. 10 Hæc dicit Dominus Deus: Cessare faciam multitudinem Ægypti in manu Nabuchodonosor regis Babylonis. 11 Ipse et populus ejus cum eo, fortissimi gentium, adducentur ad disperdendam terram: et evaginabunt gladios suos super Ægyptum, et implebunt terram interfectis. 12 Et faciam alveos fluminum aridos, et tradam terram in manus pessimorum: et dissipabo terram et plenitudinem ejus manu alienorum: ego Dominus locutus sum. 13 Hæc dicit Dominus Deus: Et disperdam simulacra, et cessare faciam idola de Memphis: et dux de terra Ægypti non erit amplius, et dabo terrorem in terra Ægypti. 14 Et disperdam terram Phathures, et dabo ignem in Taphnis, et faciam judicia in Alexandria. 15 Et effundam indignationem meam super Pelusium, robur Ægypti, et interficiam multitudinem Alexandriæ. 16 Et dabo ignem in Ægypto: quasi parturiens dolebit Pelusium, et Alexandria erit dissipata, et in Memphis angustiæ quotidianæ. 17 Juvenes Heliopoleos et Bubasti gladio cadent, et ipsæ captivæ ducentur. 18 Et in Taphnis nigrescet dies, cum contrivero ibi sceptra Ægypti, et defecerit in ea superbia potentiæ ejus: ipsam nubes operiet, filiæ autem ejus in captivitatem ducentur. 19 Et judicia faciam in Ægypto: et scient quia ego Dominus.] 20 Et factum est in undecimo anno, in primo mense, in septima mensis: factum est verbum Domini ad me, dicens: 21 [Fili hominis, brachium Pharaonis regis Ægypti confregi, et ecce non est obvolutum ut restitueretur ei sanitas, ut ligaretur pannis, et fasciaretur linteolis, ut recepto robore posset tenere gladium. 22 Propterea hæc dicit Dominus Deus: Ecce ego ad Pharaonem regem Ægypti, et comminuam brachium ejus forte, sed confractum: et dejiciam gladium de manu ejus, 23 et dispergam Ægyptum in gentibus, et ventilabo eos in terris. 24 Et confortabo brachia regis Babylonis, daboque gladium meum in manu ejus, et confringam brachia Pharaonis, et gement gemitibus interfecti coram facie ejus. 25 Et confortabo brachia regis Babylonis, et brachia Pharaonis concident: et scient quia ego Dominus, cum dedero gladium meum in manu regis Babylonis, et extenderit eum super terram Ægypti. 26 Et dispergam Ægyptum in nationes, et ventilabo eos in terras: et scient quia ego Dominus.]

Cross references (25)

Related passages for each verse, from the Treasury of Scripture Knowledge as collected and ranked by readers at OpenBible.info.

  1. 2 Isaiah 13:6; Ezekiel 21:12; Joel 1:11; Joel 1:5; Isaiah 15:2
  2. 3 Obadiah 15; Joel 2:1–2; Isaiah 24:21–23; Zephaniah 1:7; Zechariah 14:3–19
  3. 4 Ezekiel 29:19; Ezekiel 29:8; Exodus 15:14–16; Isaiah 19:16–17; Revelation 18:9–10
  4. 5 Jeremiah 25:20; Ezekiel 27:10; Jeremiah 25:24; Isaiah 18:1; Nahum 3:8–9
  5. 6 Ezekiel 29:10; Isaiah 20:3–6; Isaiah 31:3; Nahum 3:9; Job 9:13
  6. 7 Ezekiel 29:12; Jeremiah 25:18–26; Ezekiel 32:18–32; Jeremiah 46:1–28
  7. 8 Ezekiel 29:6; Amos 1:7; Amos 1:12; Ezekiel 30:16; Ezekiel 22:31
  8. 9 Isaiah 18:1–2; Ezekiel 32:9–10; Isaiah 23:5; Ezekiel 27:35; Amos 4:2
  9. 10 Ezekiel 29:19; Ezekiel 32:11–16; Ezekiel 29:4–5; Ezekiel 30:24–25
  10. 11 Ezekiel 28:7; Zephaniah 1:17–18; Ezekiel 31:12; Ezekiel 39:4; Habakkuk 1:6–9
  11. 12 Ezekiel 29:3; Nahum 1:4; Ezekiel 28:10; Isaiah 44:27; Isaiah 19:4–10
  12. 13 Zechariah 10:11; Jeremiah 2:16; Jeremiah 46:14; Jeremiah 46:25; Zephaniah 2:11
  13. 14 Jeremiah 46:25; Ezekiel 29:14; Psalm 78:43; Psalm 78:12; Nahum 3:8
  14. 15 Psalm 11:6; Nahum 1:6; Revelation 16:1
  15. 16 Ezekiel 30:8–9; Ezekiel 28:18
  16. 17 Genesis 41:45
  17. 18 Ezekiel 30:3; Jeremiah 2:16; Ezekiel 29:15; Isaiah 10:27; Isaiah 5:30
  18. 19 Revelation 17:1; Ezekiel 30:14; Ezekiel 5:8; Ezekiel 25:11; Psalm 9:16
  19. 20 Ezekiel 29:17; Ezekiel 26:1; Ezekiel 29:1; Ezekiel 1:2; Ezekiel 31:1
  20. 21 Jeremiah 30:13; Jeremiah 46:11; Psalm 37:17; Jeremiah 48:25; Psalm 10:15
  21. 22 Psalm 37:17; Jeremiah 37:7; Ezekiel 29:3; 2 Kings 24:7; Ezekiel 34:16
  22. 23 Ezekiel 30:26; Ezekiel 30:17–18; Ezekiel 29:12–13
  23. 24 Zephaniah 2:12; Ezekiel 30:25; Nehemiah 6:9; Isaiah 45:1; Isaiah 45:5
  24. 25 Ezekiel 39:21–22; Ezekiel 32:15; Ezekiel 38:23; Ezekiel 30:19; Ezekiel 38:16
  25. 26 Daniel 11:42; Ezekiel 29:12; Ezekiel 6:13; Ezekiel 30:17–18; Ezekiel 30:23

Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences