1 Hoc est quod possederunt filii Israël in terra Chanaan, quam dederunt eis Eleazar sacerdos, et Josue filius Nun, et principes familiarum per tribus Israël: 2 sorte omnia dividentes, sicut præceperat Dominus in manu Moysi, novem tribubus, et dimidiæ tribui. 3 Duabus enim tribubus, et dimidiæ, dederat Moyses trans Jordanem possessionem: absque Levitis, qui nihil terræ acceperunt inter fratres suos: 4 sed in eorum successerunt locum filii Joseph in duas divisi tribus, Manasse et Ephraim: nec acceperunt Levitæ aliam in terra partem, nisi urbes ad habitandum, et suburbana earum ad alenda jumenta et pecora sua. 5 Sicut præceperat Dominus Moysi, ita fecerunt filii Israël, et diviserunt terram. 6 Accesserunt itaque filii Juda ad Josue in Galgala, locutusque est ad eum Caleb filius Jephone Cenezæus: Nosti quid locutus sit Dominus ad Moysen hominem Dei de me et te in Cadesbarne. 7 Quadraginta annorum eram quando misit me Moyses famulus Domini de Cadesbarne, ut considerarem terram, nuntiavique ei quod mihi verum videbatur. 8 Fratres autem mei, qui ascenderant mecum, dissolverunt cor populi: et nihilominus ego secutus sum Dominum Deum meum. 9 Juravitque Moyses in die illo, dicens: Terra, quam calcavit pes tuus, erit possessio tua, et filiorum tuorum in æternum: quia secutus es Dominum Deum meum. 10 Concessit ergo Dominus vitam mihi, sicut pollicitus est, usque in præsentem diem. Quadraginta et quinque anni sunt, ex quo locutus est Dominus verbum istud ad Moysen, quando ambulabat Israël per solitudinem: hodie octoginta quinque annorum sum, 11 sic valens ut eo valebam tempore quando ad explorandum missus sum: illius in me temporis fortitudo usque hodie perseverat, tam ad bellandum quam ad gradiendum. 12 Da ergo mihi montem istum, quem pollicitus est Dominus, te quoque audiente, in quo Enacim sunt, et urbes magnæ atque munitæ: si forte sit Dominus mecum, et potuero delere eos, sicut promisit mihi. 13 Benedixitque ei Josue, et tradidit ei Hebron in possessionem: 14 atque ex eo fuit Hebron Caleb filio Jephone Cenezæo usque in præsentem diem, quia secutus est Dominum Deum Israël. 15 Nomen Hebron ante vocabatur Cariath Arbe: Adam maximus ibi inter Enacim situs est: et terra cessavit a præliis.
Joshua 14 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Arba
Called the greatest man among the Anakim and the father of Anak, after whom Hebron was formerly named Kiriath-arba.
Cited in the guide: Joshua 14:15; Joshua 15:13; Joshua 21:11
Cross references (15)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Numbers 34:17–29
- 2 Numbers 33:54; Numbers 34:13; Numbers 26:55–56; Proverbs 16:33; Matthew 25:34
- 3 Joshua 13:14; Numbers 32:29–42; Deuteronomy 3:12–17; Joshua 13:32–33; Joshua 13:8
- 4 Genesis 48:5; 1 Chronicles 5:1–2; Numbers 35:2–8; 1 Chronicles 6:54–81; Joshua 21:2–42
- 5 Joshua 21:2; Numbers 35:1–2
- 6 Numbers 14:30; Numbers 14:24; Numbers 13:6; Joshua 14:14; Numbers 14:6
- 7 Numbers 13:6; Numbers 13:26–33; Numbers 14:6–10; Numbers 13:16–20
- 8 Numbers 14:24; Deuteronomy 1:36; Numbers 13:31; Joshua 14:14; Revelation 14:4
- 9 Joshua 1:3; Deuteronomy 1:36; Numbers 14:22–24; Numbers 13:22
- 10 Numbers 14:30; Numbers 14:33–34; Joshua 11:18
- 11 Deuteronomy 34:7; Psalm 103:5; Deuteronomy 31:2; Psalm 90:10
- 12 Hebrews 11:33; Philippians 4:13; Numbers 13:33; Numbers 13:28; Joshua 15:14
- 13 Judges 1:20; Joshua 22:6; 1 Chronicles 6:55–56; Joshua 10:36–37; Joshua 15:13
- 14 1 Corinthians 15:58; Joshua 14:8–9
- 15 Joshua 11:23; Genesis 23:2; Joshua 15:13; Judges 3:11; Judges 5:31
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences