Ezekiel 45 Clementine Vulgate
Audio: World English Bible (WEB), read by Winfred W. Henson · About the recordings
Ezekiel is not in PT1904.
1 Cumque cœperitis terram dividere sortito, separate primitias Domino, sanctificatum de terra, longitudine viginti quinque millia, et latitudine decem millia: sanctificatum erit in omni termino ejus per circuitum.
·
2 Et erit ex omni parte sanctificatum quingentos per quingentos, quadrifariam per circuitum, et quinquaginta cubitis in suburbana ejus per gyrum.
·
3 Et a mensura ista mensurabis longitudinem viginti quinque millium, et latitudinem decem millium: et in ipso erit templum, Sanctumque sanctorum.
·
4 Sanctificatum de terra erit sacerdotibus ministris sanctuarii, qui accedunt ad ministerium Domini: et erit eis locus in domos, et in sanctuarium sanctitatis.
·
5 Viginti quinque autem millia longitudinis, et decem millia latitudinis erunt Levitis qui ministrant domui: ipsi possidebunt viginti gazophylacia.
·
6 Et possessionem civitatis dabitis quinque millia latitudinis, et longitudinis viginti quinque millia, secundum separationem sanctuarii, omni domui Israël.
·
7 Principi quoque hinc et inde in separationem sanctuarii, et in possessionem civitatis, contra faciem separationis sanctuarii, et contra faciem possessionis urbis, a latere maris usque ad mare, et a latere orientis usque ad orientem: longitudinis autem juxta unamquamque partem, a termino occidentali usque ad terminum orientalem.
·
8 De terra erit ei possessio in Israël, et non depopulabuntur ultra principes populum meum: sed terram dabunt domui Israël secundum tribus eorum.
·
9 Hæc dicit Dominus Deus: Sufficiat vobis, principes Israël: iniquitatem et rapinas intermittite, et judicium et justitiam facite: separate confinia vestra a populo meo, ait Dominus Deus.
·
10 Statera justa, et ephi justum, et batus justus erit vobis.
·
11 Ephi et batus æqualia et unius mensuræ erunt, ut capiat decimam partem cori batus, et decimam partem cori ephi: juxta mensuram cori erit æqua libratio eorum.
·
12 Siclus autem viginti obolos habet: porro viginti sicli, et viginti quinque sicli, et quindecim sicli, mnam faciunt.
·
13 Et hæ sunt primitiæ quas tolletis: sextam partem ephi de coro frumenti, et sextam partem ephi de coro hordei.
·
14 Mensura quoque olei, batus olei, decima pars cori est: et decem bati corum faciunt, quia decem bati implent corum.
·
15 Et arietem unum de grege ducentorum, de his quæ nutriunt Israël, in sacrificium, et in holocaustum, et in pacifica, ad expiandum pro eis, ait Dominus Deus.
·
16 Omnis populus terræ tenebitur primitiis his principi in Israël.
·
17 Et super principem erunt holocausta, et sacrificium, et libamina, in solemnitatibus, et in calendis, et in sabbatis, et in universis solemnitatibus domus Israël: ipse faciet pro peccato sacrificium, et holocaustum, et pacifica, ad expiandum pro domo Israël.
·
18 Hæc dicit Dominus Deus: In primo mense, una mensis, sumes vitulum de armento immaculatum, et expiabis sanctuarium.
·
19 Et tollet sacerdos de sanguine quod erit pro peccato, et ponet in postibus domus, et in quatuor angulis crepidinis altaris, et in postibus portæ atrii interioris.
·
20 Et sic facies in septima mensis, pro unoquoque qui ignoravit, et errore deceptus est: et expiabis pro domo.
·
21 In primo mense, quartadecima die mensis, erit vobis Paschæ solemnitas: septem diebus azyma comedentur.
·
22 Et faciet princeps in die illa, pro se et pro universo populo terræ, vitulum pro peccato.
·
23 Et in septem dierum solemnitate faciet holocaustum Domino, septem vitulos et septem arietes immaculatos, quotidie septem diebus: et pro peccato hircum caprarum quotidie.
·
24 Et sacrificium ephi per vitulum, et ephi per arietem faciet, et olei hin per singula ephi.
·
25 Septimo mense, quintadecima die mensis, in solemnitate, faciet sicut supra dicta sunt per septem dies, tam pro peccato quam pro holocausto, et in sacrificio, et in oleo.
·
Cross references (23)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Ezekiel 48:29; Zechariah 14:20–21; Numbers 34:13; Ezekiel 45:2–7; Leviticus 25:23
- 2 Ezekiel 42:16–20; Ezekiel 27:28
- 3 Ezekiel 48:10
- 4 Ezekiel 43:19; Ezekiel 40:45; Numbers 16:5; Ezekiel 44:28; Ezekiel 48:10–11
- 5 Ezekiel 48:13; Nehemiah 10:38–39; Ezekiel 48:10; Ezekiel 48:20; 1 Chronicles 9:26–33
- 6 Ezekiel 48:15–18; Ezekiel 48:30–35
- 7 Ezekiel 48:21; Ezekiel 46:16–18; Ezekiel 34:24; Ezekiel 37:24; Luke 1:32–33
- 8 Ezekiel 46:18; Isaiah 11:3–5; Ezekiel 22:27; Joshua 11:23; Jeremiah 23:5
- 9 Zechariah 8:16; Jeremiah 22:3; Isaiah 1:17; Ezekiel 44:6; Micah 2:9
- 10 Amos 8:4–6; Micah 6:10–11; Leviticus 19:35–36; Proverbs 20:10; Proverbs 11:1
- 11 Isaiah 5:10
- 12 Exodus 30:13; Numbers 3:47; Leviticus 27:25
- 15 Leviticus 1:4; Leviticus 6:30; Malachi 1:8; Colossians 1:21; 2 Corinthians 5:19–21
- 16 Isaiah 16:1; Exodus 30:14–15
- 17 Isaiah 66:23; Ezekiel 46:4–12; 2 Chronicles 31:3; Numbers 28:1–29; 2 Chronicles 30:24
- 18 Leviticus 16:16; Exodus 12:2; Leviticus 16:33; Ezekiel 43:22; Leviticus 22:20
- 19 Ezekiel 43:20; Ezekiel 43:14; Leviticus 16:18–20; Ezekiel 43:17
- 20 Psalm 19:12; Leviticus 16:20; Ezekiel 45:18; Ezekiel 45:15; Leviticus 4:27–35
- 21 Leviticus 23:5–8; 1 Corinthians 5:7–8; Numbers 28:16–25; Deuteronomy 16:1–8; Numbers 9:2–14
- 22 Leviticus 4:14; 2 Corinthians 5:21; Matthew 20:28; Matthew 26:26–28
- 23 Job 42:8; Leviticus 23:8; Numbers 23:1–2; Numbers 29:5; Numbers 28:15–31
- 24 Ezekiel 46:5–7; Numbers 28:12–15
- 25 Leviticus 23:33–43; Numbers 29:12–38; 2 Chronicles 5:3; Nehemiah 8:14–18; Deuteronomy 16:13–15
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences