Ezekiel 4 Clementine Vulgate
Audio: World English Bible (WEB), read by Winfred W. Henson · About the recordings
Ezekiel is not in PT1904.
1 Et tu, fili hominis, sume tibi laterem, et pones eum coram te, et describes in eo civitatem Jerusalem.
·
2 Et ordinabis adversus eam obsidionem, et ædificabis munitiones, et comportabis aggerem, et dabis contra eam castra, et pones arietes in gyro.
·
3 Et tu sume tibi sartaginem ferream, et pones eam in murum ferreum inter te et inter civitatem: et obfirmabis faciem tuam ad eam, et erit in obsidionem, et circumdabis eam: signum est domui Israël.
·
4 Et tu dormies super latus tuum sinistrum, et pones iniquitates domus Israël super eo, numero dierum quibus dormies super illud: et assumes iniquitatem eorum.
·
5 Ego autem dedi tibi annos iniquitatis eorum, numero dierum trecentos et nonaginta dies: et portabis iniquitatem domus Israël.
·
6 Et cum compleveris hæc, dormies super latus tuum dexterum secundo, et assumes iniquitatem domus Juda quadraginta diebus: diem pro anno, diem, inquam, pro anno, dedi tibi.
·
7 Et ad obsidionem Jerusalem convertes faciem tuam, et brachium tuum erit extentum: et prophetabis adversus eam.
·
8 Ecce circumdedi te vinculis: et non te convertes a latere tuo in latus aliud, donec compleas dies obsidionis tuæ.
·
9 Et tu, sume tibi frumentum, et hordeum, et fabam, et lentem, et milium, et viciam: et mittes ea in vas unum, et facies tibi panes numero dierum quibus dormies super latus tuum: trecentis et nonaginta diebus comedes illud.
·
10 Cibus autem tuus, quo vesceris, erit in pondere viginti stateres in die: a tempore usque ad tempus comedes illud.
·
11 Et aquam in mensura bibes, sextam partem hin: a tempore usque ad tempus bibes illud.
·
12 Et quasi subcinericium hordeaceum comedes illud, et stercore quod egreditur de homine operies illud in oculis eorum.
·
13 Et dixit Dominus: Sic comedent filii Israël panem suum pollutum inter gentes ad quas ejiciam eos. Et dixi:
·
14 A, a, a, Domine Deus, ecce anima mea non est polluta: et morticinum, et laceratum a bestiis non comedi ab infantia mea usque nunc, et non est ingressa in os meum omnis caro immunda.
·
15 Et dixit ad me: Ecce dedi tibi fimum boum pro stercoribus humanis, et facies panem tuum in eo.
·
16 Et dixit ad me: Fili hominis, ecce ego conteram baculum panis in Jerusalem, et comedent panem in pondere et in sollicitudine, et aquam in mensura et in angustia bibent,
·
17 ut deficientibus pane et aqua, corruat unusquisque ad fratrem suum, et contabescant in iniquitatibus suis.
·
Cross references (16)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Hosea 1:2–9; Isaiah 20:2–4; Hosea 12:10; Jeremiah 27:2–22; Jeremiah 25:15–38
- 2 Ezekiel 21:22; Jeremiah 6:6; Luke 19:42–44; Jeremiah 52:4; Jeremiah 39:1–2
- 3 Isaiah 8:18; Ezekiel 12:6; Isaiah 20:3; Ezekiel 12:11; Ezekiel 24:24–27
- 4 Leviticus 16:22; Numbers 18:1; Leviticus 10:17; Isaiah 53:11–12; Ezekiel 4:8
- 5 Numbers 14:34; Isaiah 53:6
- 6 Numbers 14:34; Daniel 12:11–12; Daniel 9:24–26; Revelation 11:2–3; Revelation 13:5
- 7 Isaiah 52:10; Ezekiel 21:2; Ezekiel 6:2; Ezekiel 4:3
- 8 Ezekiel 3:25
- 9 Ezekiel 4:13; Isaiah 28:25; Ezekiel 4:16
- 10 Leviticus 26:26; Ezekiel 45:12; Ezekiel 4:16; Isaiah 3:1; Ezekiel 14:13
- 11 John 3:34; Ezekiel 4:16; Isaiah 5:13
- 12 Isaiah 36:12; Genesis 18:6
- 13 Hosea 9:3–4; Daniel 1:8
- 14 Acts 10:14; Ezekiel 9:8; Deuteronomy 14:3; Ezekiel 20:49; Isaiah 65:4
- 16 Ezekiel 5:16; Isaiah 3:1; Leviticus 26:26; Ezekiel 4:10–11; Psalm 105:16
- 17 Leviticus 26:39; Ezekiel 24:23; Ezekiel 33:10
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences