1 [Væ terræ cymbalo alarum, quæ est trans flumina Æthiopiæ, 2 qui mittit in mare legatos, et in vasis papyri super aquas. Ite, angeli veloces, ad gentem convulsam et dilaceratam; ad populum terribilem, post quem non est alius; ad gentem exspectantem et conculcatam, cujus diripuerunt flumina terram ejus. 3 Omnes habitatores orbis, qui moramini in terra, cum elevatum fuerit signum in montibus, videbitis, et clangorem tubæ audietis. 4 Quia hæc dicit Dominus ad me: Quiescam et considerabo in loco meo, sicut meridiana lux clara est, et sicut nubes roris in die messis. 5 Ante messem enim totus effloruit, et immatura perfectio germinabit; et præcidentur ramusculi ejus falcibus, et quæ derelicta fuerint abscindentur et excutientur. 6 Et relinquentur simul avibus montium et bestiis terræ; et æstate perpetua erunt super eum volucres, et omnes bestiæ terræ super illum hiemabunt. 7 In tempore illo deferetur munus Domino exercituum a populo divulso et dilacerato, a populo terribili, post quem non fuit alius; a gente exspectante, exspectante et conculcata, cujus diripuerunt flumina terram ejus; ad locum nominis Domini exercituum, montem Sion.]
Isaías 18 Vulgata Clementina
Referencias cruzadas (7)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Sofonías 3:10; 2 Reyes 19:9; Ezequiel 30:4–5; Sofonías 2:12; Salmo 63:7
- 2 Isaías 18:7; Génesis 10:8–9; 2 Crónicas 16:8; 2 Crónicas 12:2–4; 2 Crónicas 14:9
- 3 Isaías 5:26; Mateo 13:16; Isaías 26:11; Miqueas 6:9; Mateo 13:9
- 4 Oseas 5:15; Isaías 26:21; Isaías 18:7; Isaías 12:6; Salmo 132:13–14
- 5 Isaías 17:10–11; Cantar de los Cantares 2:15; Cantar de los Cantares 2:13; Ezequiel 17:6–10
- 6 Jeremías 7:33; Ezequiel 32:4–6; Ezequiel 39:17–20; Isaías 14:19; Jeremías 15:3
- 7 Sofonías 3:10; Hechos 8:27–28; Zacarías 14:16–17; Isaías 18:4; Isaías 45:14
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias