1 Et vidi alium angelum fortem descendentem de cælo amictum nube, et iris in capite ejus, et facies ejus erat ut sol, et pedes ejus tamquam columnæ ignis: 2 et habebat in manu sua libellum apertum: et posuit pedem suum dextrum super mare, sinistrum autem super terram: 3 et clamavit voce magna, quemadmodum cum leo rugit. Et cum clamasset, locuta sunt septem tonitrua voces suas. 4 Et cum locuta fuissent septem tonitrua voces suas, ego scripturus eram: et audivi vocem de cælo dicentem mihi: Signa quæ locuta sunt septem tonitrua: et noli ea scribere. 5 Et angelus, quem vidi stantem super mare et super terram, levavit manum suam ad cælum: 6 et juravit per viventem in sæcula sæculorum, qui creavit cælum, et ea quæ in eo sunt: et terram, et ea quæ in ea sunt: et mare, et ea quæ in eo sunt: Quia tempus non erit amplius: 7 sed in diebus vocis septimi angeli, cum cœperit tuba canere, consummabitur mysterium Dei sicut evangelizavit per servos suos prophetas. 8 Et audivi vocem de cælo iterum loquentem mecum, et dicentem: Vade, et accipe librum apertum de manu angeli stantis super mare, et super terram. 9 Et abii ad angelum, dicens ei, ut daret mihi librum. Et dixit mihi: Accipe librum, et devora illum: et faciet amaricari ventrem tuum, sed in ore tuo erit dulce tamquam mel. 10 Et accepi librum de manu angeli, et devoravi illum: et erat in ore meo tamquam mel dulce, et cum devorassem eum, amaricatus est venter meus: 11 et dixit mihi: Oportet te iterum prophetare gentibus, et populis, et linguis, et regibus multis.
Revelation · Clementine Vulgate
Revelation 10 Clementine Vulgate
Audio: World English Bible (WEB), read by Winfred W. Henson · About the recordings
Cross references (11)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Ezekiel 1:28; Matthew 17:2; Revelation 1:15–16; Revelation 5:2; Daniel 10:6
- 2 Revelation 10:5; Ezekiel 2:9–10; Revelation 10:8–10; Revelation 5:1–5; Matthew 28:18
- 3 Isaiah 31:4; Revelation 4:5; Joel 3:16; Amos 1:2; Proverbs 19:12
- 4 Daniel 12:4; Daniel 8:26; Daniel 12:9; Revelation 22:10; Deuteronomy 29:29
- 5 Daniel 12:7; Deuteronomy 32:40; Revelation 10:2; Revelation 14:7; Acts 14:15
- 6 Revelation 4:11; Revelation 4:9; Revelation 16:17
- 7 Ephesians 3:3–9; Romans 16:25; Luke 24:44–47; Amos 3:7; Acts 3:21
- 8 Revelation 10:2; Revelation 10:4–5; Isaiah 30:21
- 9 Ezekiel 3:1–3; Jeremiah 15:16; Ezekiel 2:8; Job 23:12; Ezekiel 3:14
- 10 Ezekiel 3:3; Psalm 119:103; Proverbs 16:24; Psalm 19:10; Psalm 104:34
- 11 Ezekiel 37:4; Jeremiah 1:9–10; Revelation 14:6; Revelation 17:15; Revelation 11:9
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences