1 Et vidi quod aperuisset Agnus unum de septem sigillis, et audivi unum de quatuor animalibus, dicens tamquam vocem tonitrui: Veni, et vide. 2 Et vidi: et ecce equus albus, et qui sedebat super illum, habebat arcum, et data est ei corona, et exivit vincens ut vinceret. 3 Et cum aperuisset sigillum secundum, audivi secundum animal, dicens: Veni, et vide. 4 Et exivit alius equus rufus: et qui sedebat super illum, datum est ei ut sumeret pacem de terra, et ut invicem se interficiant, et datus est ei gladius magnus. 5 Et cum aperuisset sigillum tertium, audivi tertium animal, dicens: Veni, et vide. Et ecce equus niger: et qui sedebat super illum, habebat stateram in manu sua. 6 Et audivi tamquam vocem in medio quatuor animalium dicentium: Bilibris tritici denario et tres bilibres hordei denario, et vinum, et oleum ne læseris. 7 Et cum aperuisset sigillum quartum, audivi vocem quarti animalis dicentis: Veni, et vide. 8 Et ecce equus pallidus: et qui sedebat super eum, nomen illi Mors, et infernus sequebatur eum, et data est illi potestas super quatuor partes terræ, interficere gladio, fame, et morte, et bestiis terræ. 9 Et cum aperuisset sigillum quintum, vidi subtus altare animas interfectorum propter verbum Dei, et propter testimonium, quod habebant: 10 et clamabant voce magna, dicentes: Usquequo Domine (sanctus et verus), non judicas, et non vindicas sanguinem nostrum de iis qui habitant in terra? 11 Et datæ sunt illis singulæ stolæ albæ: et dictum est illis ut requiescerent adhuc tempus modicum donec compleantur conservi eorum, et fratres eorum, qui interficiendi sunt sicut et illi. 12 Et vidi cum aperuisset sigillum sextum: et ecce terræmotus magnus factus est, et sol factus est niger tamquam saccus cilicinus: et luna tota facta est sicut sanguis: 13 et stellæ de cælo ceciderunt super terram, sicut ficus emittit grossos suos cum a vento magno movetur: 14 et cælum recessit sicut liber involutus: et omnis mons, et insulæ de locis suis motæ sunt: 15 et reges terræ, et principes, et tribuni, et divites, et fortes, et omnis servus, et liber absconderunt se in speluncis, et in petris montium: 16 et dicunt montibus, et petris: Cadite super nos, et abscondite nos a facie sedentis super thronum, et ab ira Agni: 17 quoniam venit dies magnus iræ ipsorum: et quis poterit stare?
Revelation · Clementine Vulgate
Revelation 6 Clementine Vulgate
Audio: World English Bible (WEB), read by Winfred W. Henson · About the recordings
Cross references (17)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Revelation 6:5; Revelation 5:1; Revelation 6:7; Revelation 4:5–7; Revelation 5:5–7
- 2 Zechariah 6:3–8; Zechariah 1:8; Revelation 3:21; Psalm 45:3–5; Revelation 19:11–12
- 3 Revelation 4:7; Revelation 6:1
- 4 Zechariah 6:2; Matthew 10:34; Revelation 13:10; Revelation 17:6; Zechariah 1:8
- 5 Zechariah 6:2; Ezekiel 4:16; Zechariah 6:6; Revelation 6:1; Leviticus 26:26
- 6 Revelation 9:4; Revelation 4:6
- 7 Revelation 4:7; Revelation 6:3; Revelation 6:5; Revelation 6:1
- 8 Hosea 13:14; Jeremiah 15:2–3; Revelation 1:18; Zechariah 6:3; Ezekiel 14:13–21
- 9 Revelation 20:4; John 16:2; Revelation 1:9; Revelation 12:11–17; Revelation 2:13
- 10 Revelation 19:2; Revelation 11:18; Psalm 9:12; Revelation 16:5–7; Romans 12:19
- 11 Revelation 14:13; Revelation 7:9; Revelation 3:4–5; Revelation 7:14; Hebrews 11:40
- 12 Matthew 24:29; Joel 2:10; Acts 2:19–20; Mark 13:24–25; Joel 2:30–31
- 13 Isaiah 34:4; Matthew 24:29; Revelation 9:1; Revelation 8:10–12; Ezekiel 32:7
- 14 Isaiah 34:4; Revelation 16:20; 2 Peter 3:10; Hebrews 1:11–13; Psalm 102:26
- 15 Isaiah 2:19; Isaiah 2:21; Isaiah 24:21–22; Isaiah 2:10; Psalm 2:10–12
- 16 Luke 23:30; Hosea 10:8; Revelation 4:2; Revelation 20:11; 2 Thessalonians 1:7–9
- 17 Malachi 3:2; Psalm 76:7; Joel 2:11; Joel 2:31; Jeremiah 30:7
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences