1 Et vidi quod aperuisset Agnus unum de septem sigillis, et audivi unum de quatuor animalibus, dicens tamquam vocem tonitrui: Veni, et vide. 2 Et vidi: et ecce equus albus, et qui sedebat super illum, habebat arcum, et data est ei corona, et exivit vincens ut vinceret. 3 Et cum aperuisset sigillum secundum, audivi secundum animal, dicens: Veni, et vide. 4 Et exivit alius equus rufus: et qui sedebat super illum, datum est ei ut sumeret pacem de terra, et ut invicem se interficiant, et datus est ei gladius magnus. 5 Et cum aperuisset sigillum tertium, audivi tertium animal, dicens: Veni, et vide. Et ecce equus niger: et qui sedebat super illum, habebat stateram in manu sua. 6 Et audivi tamquam vocem in medio quatuor animalium dicentium: Bilibris tritici denario et tres bilibres hordei denario, et vinum, et oleum ne læseris. 7 Et cum aperuisset sigillum quartum, audivi vocem quarti animalis dicentis: Veni, et vide. 8 Et ecce equus pallidus: et qui sedebat super eum, nomen illi Mors, et infernus sequebatur eum, et data est illi potestas super quatuor partes terræ, interficere gladio, fame, et morte, et bestiis terræ. 9 Et cum aperuisset sigillum quintum, vidi subtus altare animas interfectorum propter verbum Dei, et propter testimonium, quod habebant: 10 et clamabant voce magna, dicentes: Usquequo Domine (sanctus et verus), non judicas, et non vindicas sanguinem nostrum de iis qui habitant in terra? 11 Et datæ sunt illis singulæ stolæ albæ: et dictum est illis ut requiescerent adhuc tempus modicum donec compleantur conservi eorum, et fratres eorum, qui interficiendi sunt sicut et illi. 12 Et vidi cum aperuisset sigillum sextum: et ecce terræmotus magnus factus est, et sol factus est niger tamquam saccus cilicinus: et luna tota facta est sicut sanguis: 13 et stellæ de cælo ceciderunt super terram, sicut ficus emittit grossos suos cum a vento magno movetur: 14 et cælum recessit sicut liber involutus: et omnis mons, et insulæ de locis suis motæ sunt: 15 et reges terræ, et principes, et tribuni, et divites, et fortes, et omnis servus, et liber absconderunt se in speluncis, et in petris montium: 16 et dicunt montibus, et petris: Cadite super nos, et abscondite nos a facie sedentis super thronum, et ab ira Agni: 17 quoniam venit dies magnus iræ ipsorum: et quis poterit stare?
Apocalipsis · Vulgata Clementina
Apocalipsis 6 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Referencias cruzadas (17)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Apocalipsis 6:5; Apocalipsis 5:1; Apocalipsis 6:7; Apocalipsis 4:5–7; Apocalipsis 5:5–7
- 2 Zacarías 6:3–8; Zacarías 1:8; Apocalipsis 3:21; Salmo 45:3–5; Apocalipsis 19:11–12
- 3 Apocalipsis 4:7; Apocalipsis 6:1
- 4 Zacarías 6:2; Mateo 10:34; Apocalipsis 13:10; Apocalipsis 17:6; Zacarías 1:8
- 5 Zacarías 6:2; Ezequiel 4:16; Zacarías 6:6; Apocalipsis 6:1; Levítico 26:26
- 6 Apocalipsis 9:4; Apocalipsis 4:6
- 7 Apocalipsis 4:7; Apocalipsis 6:3; Apocalipsis 6:5; Apocalipsis 6:1
- 8 Oseas 13:14; Jeremías 15:2–3; Apocalipsis 1:18; Zacarías 6:3; Ezequiel 14:13–21
- 9 Apocalipsis 20:4; Juan 16:2; Apocalipsis 1:9; Apocalipsis 12:11–17; Apocalipsis 2:13
- 10 Apocalipsis 19:2; Apocalipsis 11:18; Salmo 9:12; Apocalipsis 16:5–7; Romanos 12:19
- 11 Apocalipsis 14:13; Apocalipsis 7:9; Apocalipsis 3:4–5; Apocalipsis 7:14; Hebreos 11:40
- 12 Mateo 24:29; Joel 2:10; Hechos 2:19–20; Marcos 13:24–25; Joel 2:30–31
- 13 Isaías 34:4; Mateo 24:29; Apocalipsis 9:1; Apocalipsis 8:10–12; Ezequiel 32:7
- 14 Isaías 34:4; Apocalipsis 16:20; 2 Pedro 3:10; Hebreos 1:11–13; Salmo 102:26
- 15 Isaías 2:19; Isaías 2:21; Isaías 24:21–22; Isaías 2:10; Salmo 2:10–12
- 16 Lucas 23:30; Oseas 10:8; Apocalipsis 4:2; Apocalipsis 20:11; 2 Tesalonicenses 1:7–9
- 17 Malaquías 3:2; Salmo 76:7; Joel 2:11; Joel 2:31; Jeremías 30:7
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias