Skip to the text

Lamentations · Clementine Vulgate

Lamentations 1 Clementine Vulgate

Leer en español
About VUL
  • Catholic
  • OT: Latin Vulgate
  • NT: Latin Vulgate
  • Catholic (73 books)
  • Original language
  • 1598
  • Public domain

Audio: World English Bible (WEB), read by Winfred W. Henson · About the recordings

Lamentations is not in PT1904.

VUL Clementine Vulgate
PT1904 Patriarchal Text 1904 (accented, eBible edition)
1 Prologus Et factum est, postquam in captivitatem redactus est Israël, et Jerusalem deserta est, sedit Jeremias propheta flens, et planxit lamentatione hac in Jerusalem: et amaro animo suspirans et ejulans, dixit: [Aleph Quomodo sedet sola civitas plena populo ! Facta est quasi vidua domina gentium; princeps provinciarum facta est sub tributo.
·
2 Beth Plorans ploravit in nocte, et lacrimæ ejus in maxillis ejus: non est qui consoletur eam ex omnibus caris ejus; omnes amici ejus spreverunt eam, et facti sunt ei inimici.
·
3 Ghimel Migravit Judas propter afflictionem, et multitudinem servitutis; habitavit inter gentes, nec invenit requiem: omnes persecutores ejus apprehenderunt eam inter angustias.
·
4 Daleth Viæ Sion lugent, eo quod non sint qui veniant ad solemnitatem: omnes portæ ejus destructæ, sacerdotes ejus gementes; virgines ejus squalidæ, et ipsa oppressa amaritudine.
·
5 He Facti sunt hostes ejus in capite; inimici ejus locupletati sunt: quia Dominus locutus est super eam propter multitudinem iniquitatum ejus. Parvuli ejus ducti sunt in captivitatem ante faciem tribulantis.
·
6 Vau Et egressus est a filia Sion omnis decor ejus; facti sunt principes ejus velut arietes non invenientes pascua, et abierunt absque fortitudine ante faciem subsequentis.
·
7 Zain Recordata est Jerusalem dierum afflictionis suæ, et prævaricationis, omnium desiderabilium suorum, quæ habuerat a diebus antiquis, cum caderet populus ejus in manu hostili, et non esset auxiliator: viderunt eam hostes, et deriserunt sabbata ejus.
·
8 Heth Peccatum peccavit Jerusalem, propterea instabilis facta est; omnes qui glorificabant eam spreverunt illam, quia viderunt ignominiam ejus: ipsa autem gemens conversa est retrorsum.
·
9 Teth Sordes ejus in pedibus ejus, nec recordata est finis sui; deposita est vehementer, non habens consolatorem. Vide, Domine, afflictionem meam, quoniam erectus est inimicus.
·
10 Jod Manum suam misit hostis ad omnia desiderabilia ejus, quia vidit gentes ingressas sanctuarium suum, de quibus præceperas ne intrarent in ecclesiam tuam.
·
11 Caph Omnis populus ejus gemens, et quærens panem; dederunt pretiosa quæque pro cibo ad refocillandam animam. Vide, Domine, et considera quoniam facta sum vilis !
·
12 Lamed O vos omnes qui transitis per viam, attendite, et videte si est dolor sicut dolor meus ! quoniam vindemiavit me, ut locutus est Dominus, in die iræ furoris sui.
·
13 Mem De excelso misit ignem in ossibus meis, et erudivit me: expandit rete pedibus meis, convertit me retrorsum; posuit me desolatam, tota die mœrore confectam.
·
14 Nun Vigilavit jugum iniquitatum mearum; in manu ejus convolutæ sunt, et impositæ collo meo. Infirmata est virtus mea: dedit me Dominus in manu de qua non potero surgere.
·
15 Samech Abstulit omnes magnificos meos Dominus de medio mei; vocavit adversum me tempus ut contereret electos meos. Torcular calcavit Dominus virgini filiæ Juda.
·
16 Ain Idcirco ego plorans, et oculus meus deducens aquas, quia longe factus est a me consolator, convertens animam meam. Facti sunt filii mei perditi, quoniam invaluit inimicus.
·
17 Phe Expandit Sion manus suas; non est qui consoletur eam. Mandavit Dominus adversum Jacob in circuitu ejus hostes ejus; facta est Jerusalem quasi polluta menstruis inter eos.
·
18 Sade Justus est Dominus, quia os ejus ad iracundiam provocavi. Audite, obsecro, universi populi, et videte dolorem meum: virgines meæ et juvenes mei abierunt in captivitatem.
·
19 Coph Vocavi amicos meos, et ipsi deceperunt me; sacerdotes mei et senes mei in urbe consumpti sunt, quia quæsierunt cibum sibi ut refocillarent animam suam.
·
20 Res Vide, Domine, quoniam tribulor: conturbatus est venter meus, subversum est cor meum in memetipsa, quoniam amaritudine plena sum. Foris interfecit gladius, et domi mors similis est.
·
21 Sin Audierunt quia ingemisco ego, et non est qui consoletur me; omnes inimici mei audierunt malum meum, lætati sunt quoniam tu fecisti: adduxisti diem consolationis, et fient similes mei.
·
22 Thau Ingrediatur omne malum eorum coram te: et vindemia eos, sicut vindemiasti me propter omnes iniquitates meas: multi enim gemitus mei, et cor meum mœrens.]
·
Cross references (22)

Related passages for each verse, from the Treasury of Scripture Knowledge as collected and ranked by readers at OpenBible.info.

  1. 1 Isaiah 3:26; Ezra 4:20; 1 Kings 4:21; Revelation 18:16–17; Isaiah 54:4
  2. 2 Psalm 6:6; Micah 7:5; Jeremiah 30:14; Ezekiel 23:22–25; Jeremiah 22:20–22
  3. 3 Lamentations 2:9; Lamentations 4:18–19; 2 Kings 25:21; 2 Kings 25:11; 2 Chronicles 36:20–21
  4. 4 Joel 1:8–13; Jeremiah 9:11; Lamentations 2:6–7; Jeremiah 14:2; Isaiah 24:4–6
  5. 5 Psalm 90:7–8; Jeremiah 39:9; Ezekiel 9:9; Deuteronomy 32:15–27; Jeremiah 30:14–15
  6. 6 Ezekiel 24:25; Ezekiel 24:21; Psalm 44:9–11; Deuteronomy 32:30; Psalm 50:2
  7. 7 Psalm 79:4; Deuteronomy 4:34–37; Psalm 42:4; Psalm 77:5–9; Lamentations 2:15–16
  8. 8 Lamentations 1:20–22; Isaiah 59:2–13; Lamentations 1:11; Jeremiah 13:26; Jeremiah 13:22
  9. 9 Deuteronomy 32:29; Isaiah 47:7; Psalm 25:18; Lamentations 1:17; Ecclesiastes 4:1
  10. 10 Deuteronomy 23:3; Jeremiah 51:51; Psalm 74:4–8; Isaiah 64:10–11; Lamentations 1:7
  11. 11 Jeremiah 52:6; Lamentations 2:12; Jeremiah 38:9; 1 Samuel 30:11–12; Deuteronomy 28:52–57
  12. 12 Luke 23:28–31; Daniel 9:12; Jeremiah 18:16; Jeremiah 30:24; Lamentations 4:6–11
  13. 13 Habakkuk 3:16; Job 30:30; Ezekiel 17:20; Job 19:6; Psalm 22:14
  14. 14 Isaiah 47:6; Deuteronomy 28:48; Ezekiel 25:7; Ezekiel 25:4; Jeremiah 28:14
  15. 15 Isaiah 63:3; Isaiah 28:18; Malachi 4:3; Luke 21:24; Revelation 14:19–20
  16. 16 Psalm 119:136; Lamentations 1:2; Jeremiah 13:17; Lamentations 3:48–49; Jeremiah 14:17
  17. 17 Jeremiah 4:31; Isaiah 1:15; Lamentations 1:9; 2 Kings 25:1; 2 Kings 24:2–4
  18. 18 Psalm 119:75; 1 Samuel 12:14–15; Zephaniah 3:5; Lamentations 1:12; Jeremiah 12:1
  19. 19 Lamentations 1:11; Lamentations 2:20; Lamentations 1:2; Job 19:13–19; Jeremiah 27:13–15
  20. 20 Lamentations 2:11; Ezekiel 7:15; Proverbs 28:13; Deuteronomy 32:25; Isaiah 16:11
  21. 21 Lamentations 1:8; Jeremiah 50:11; Lamentations 1:22; Lamentations 2:15; Lamentations 1:16
  22. 22 Revelation 6:10; Jeremiah 8:18; Psalm 109:14–15; Nehemiah 4:4–5; Ephesians 3:13

Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences