Lamentations · Clementine Vulgate
Lamentations 2 Clementine Vulgate
Audio: World English Bible (WEB), read by Winfred W. Henson · About the recordings
Lamentations is not in PT1904.
1 [Aleph Quomodo obtexit caligine in furore suo Dominus filiam Sion; projecit de cælo in terram inclytam Israël, et non est recordatus scabelli pedum suorum in die furoris sui !
·
2 Beth Præcipitavit Dominus, nec pepercit omnia speciosa Jacob: destruxit in furore suo munitiones virginis Juda, et dejecit in terram; polluit regnum et principes ejus.
·
3 Ghimel Confregit in ira furoris sui omne cornu Israël; avertit retrorsum dexteram suam a facie inimici, et succendit in Jacob quasi ignem flammæ devorantis in gyro.
·
4 Daleth Tetendit arcum suum quasi inimicus, firmavit dexteram suam quasi hostis, et occidit omne quod pulchrum erat visu in tabernaculo filiæ Sion; effudit quasi ignem indignationem suam.
·
5 He Factus est Dominus velut inimicus, præcipitavit Israël: præcipitavit omnia mœnia ejus, dissipavit munitiones ejus, et replevit in filia Juda humiliatum et humiliatam.
·
6 Vau Et dissipavit quasi hortum tentorium suum; demolitus est tabernaculum suum. Oblivioni tradidit Dominus in Sion festivitatem et sabbatum; et in opprobrium, et in indignationem furoris sui, regem et sacerdotem.
·
7 Zain Repulit Dominus altare suum; maledixit sanctificationi suæ: tradidit in manu inimici muros turrium ejus. Vocem dederunt in domo Domini sicut in die solemni.
·
8 Heth Cogitavit Dominus dissipare murum filiæ Sion; tetendit funiculum suum, et non avertit manum suam a perditione: luxitque antemurale, et murus pariter dissipatus est.
·
9 Teth Defixæ sunt in terra portæ ejus, perdidit et contrivit vectes ejus; regem ejus et principes ejus in gentibus: non est lex, et prophetæ ejus non invenerunt visionem a Domino.
·
10 Jod Sederunt in terra, conticuerunt senes filiæ Sion; consperserunt cinere capita sua, accincti sunt ciliciis: abjecerunt in terram capita sua virgines Jerusalem.
·
11 Caph Defecerunt præ lacrimis oculi mei, conturbata sunt viscera mea; effusum est in terra jecur meum super contritione filiæ populi mei, cum deficeret parvulus et lactens in plateis oppidi.
·
12 Lamed Matribus suis dixerunt: Ubi est triticum et vinum? cum deficerent quasi vulnerati in plateis civitatis, cum exhalarent animas suas in sinu matrum suarum.
·
13 Mem Cui comparabo te, vel cui assimilabo te, filia Jerusalem? cui exæquabo te, et consolabor te, virgo, filia Sion? magna est enim velut mare contritio tua: quis medebitur tui?
·
14 Nun Prophetæ tui viderunt tibi falsa et stulta; nec aperiebant iniquitatem tuam, ut te ad pœnitentiam provocarent; viderunt autem tibi assumptiones falsas, et ejectiones.
·
15 Samech Plauserunt super te manibus omnes transeuntes per viam; sibilaverunt et moverunt caput suum super filiam Jerusalem: Hæccine est urbs, dicentes, perfecti decoris, gaudium universæ terræ?
·
16 Phe Aperuerunt super te os suum omnes inimici tui: sibilaverunt, et fremuerunt dentibus, et dixerunt: Devorabimus: en ista est dies quam exspectabamus; invenimus, vidimus.
·
17 Ain Fecit Dominus quæ cogitavit; complevit sermonem suum, quem præceperat a diebus antiquis: destruxit, et non pepercit, et lætificavit super te inimicum, et exaltavit cornu hostium tuorum.
·
18 Sade Clamavit cor eorum ad Dominum super muros filiæ Sion: Deduc quasi torrentem lacrimas per diem et noctem; non des requiem tibi, neque taceat pupilla oculi tui.
·
19 Coph Consurge, lauda in nocte, in principio vigiliarum; effunde sicut aquam cor tuum ante conspectum Domini: leva ad eum manus tuas pro anima parvulorum tuorum, qui defecerunt in fame in capite omnium compitorum.
·
20 Res Vide, Domine, et considera quem vindemiaveris ita. Ergone comedent mulieres fructum suum, parvulos ad mensuram palmæ? si occiditur in sanctuario Domini sacerdos et propheta?
·
21 Sin Jacuerunt in terra foris puer et senex; virgines meæ et juvenes mei ceciderunt in gladio: interfecisti in die furoris tui, percussisti, nec misertus es.
·
22 Thau Vocasti quasi ad diem solemnem, qui terrerent me de circuitu; et non fuit in die furoris Domini qui effugeret, et relinqueretur: quos educavi et enutrivi, inimicus meus consumpsit eos.]
·
Cross references (22)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Psalm 132:7; 1 Chronicles 28:2; Ezekiel 28:14–16; Lamentations 3:43–44; Revelation 12:7–9
- 2 Psalm 89:39–40; Lamentations 2:17; Lamentations 3:43; Isaiah 25:12; Isaiah 43:28
- 3 Psalm 74:11; Psalm 75:5; Isaiah 42:25; Psalm 75:10; Psalm 89:46
- 4 Jeremiah 7:20; Ezekiel 24:25; Isaiah 42:25; Jeremiah 21:5; Job 6:4
- 5 Lamentations 2:2; Jeremiah 30:14; 2 Kings 25:9; Jeremiah 52:13; Lamentations 2:4
- 6 Zephaniah 3:18; Lamentations 1:4; Lamentations 4:16; Lamentations 4:20; Malachi 2:9
- 7 Psalm 74:3–8; Amos 2:5; Ezekiel 24:21; Psalm 78:59–61; Jeremiah 52:13
- 8 2 Kings 21:13; Isaiah 3:26; Jeremiah 14:2; Isaiah 34:11; Jeremiah 5:10
- 9 Ezekiel 7:26; Hosea 3:4; Psalm 74:9; Nehemiah 1:3; Micah 3:6–7
- 10 Isaiah 3:26; Job 2:12–13; Isaiah 15:3; Ezekiel 7:18; Lamentations 1:4
- 11 Lamentations 1:20; Job 16:13; Lamentations 1:16; Jeremiah 4:19; Psalm 6:7
- 12 Ezekiel 30:24; Isaiah 53:12
- 13 Lamentations 1:12; Jeremiah 30:12–15; 2 Samuel 5:20; Jeremiah 8:22; Jeremiah 14:17
- 14 Jeremiah 5:31; Isaiah 58:1; Ezekiel 22:28; Ezekiel 22:25; Micah 3:5–7
- 15 Jeremiah 18:16; Psalm 48:2; Psalm 50:2; Jeremiah 19:8; Ezekiel 25:6
- 16 Psalm 35:21; Lamentations 3:46; Psalm 37:12; Job 16:9–10; Psalm 56:2
- 17 Ezekiel 5:11; Psalm 89:42; Lamentations 2:1–2; Leviticus 26:14–46; Deuteronomy 28:15–68
- 18 Psalm 119:145; Lamentations 3:48–49; Lamentations 2:8; Psalm 119:136; Lamentations 1:16
- 19 Psalm 62:8; Isaiah 26:9; Psalm 119:147–148; Psalm 142:2; Mark 1:35
- 20 Lamentations 4:10; Jeremiah 19:9; Psalm 78:64; Lamentations 4:13; Exodus 32:11
- 21 Zechariah 11:6; 2 Chronicles 36:17; Lamentations 3:43; Jeremiah 13:14; Jeremiah 18:21
- 22 Jeremiah 6:25; Psalm 31:13; Jeremiah 20:3; Jeremiah 16:2–4; Isaiah 24:17–18
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences