Saltar al texto

Nahúm · Vulgata Clementina

Nahúm 2 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Nahúm 1–3 · Sobre las grabaciones

1 [Ascendit qui dispergat coram te, qui custodiat obsidionem: contemplare viam, conforta lumbos, robora virtutem valde. 2 Quia reddidit Dominus superbiam Jacob, sicut superbiam Israël; quia vastatores dissipaverunt eos, et propagines eorum corruperunt. 3 Clypeus fortium ejus ignitus, viri exercitus in coccineis; igneæ habenæ currus in die præparationis ejus, et agitatores consopiti sunt. 4 In itineribus conturbati sunt; quadrigæ collisæ sunt in plateis: aspectus eorum quasi lampades, quasi fulgura discurrentia. 5 Recordabitur fortium suorum; ruent in itineribus suis: velociter ascendent muros ejus, et præparabitur umbraculum. 6 Portæ fluviorum apertæ sunt, et templum ad solum dirutum. 7 Et miles captivus abductus est, et ancillæ ejus minabantur gementes ut columbæ, murmurantes in cordibus suis. 8 Et Ninive quasi piscina aquarum aquæ ejus; ipsi vero fugerunt. State, state ! et non est qui revertatur. 9 Diripite argentum, diripite aurum: et non est finis divitiarum ex omnibus vasis desiderabilibus. 10 Dissipata est, et scissa, et dilacerata; et cor tabescens, et dissolutio geniculorum, et defectio in cunctis renibus, et facies omnium eorum sicut nigredo ollæ. 11 Ubi est habitaculum leonum, et pascua catulorum leonum, ad quam ivit leo ut ingrederetur illuc catulus leonis, et non est qui exterreat? 12 Leo cepit sufficienter catulis suis, et necavit leænis suis, et implevit præda speluncas suas, et cubile suum rapina. 13 Ecce ego ad te, dicit Dominus exercituum, et succendam usque ad fumum quadrigas tuas, et leunculos tuos comedet gladius, et exterminabo de terra prædam tuam, et non audietur ultra vox nuntiorum tuorum.]

Referencias cruzadas (13)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 1 Joel 3:9–11; 2 Crónicas 25:8; Jeremías 51:20–23; Jeremías 51:11–12; Jeremías 50:23
  2. 2 Salmo 80:12–13; Ezequiel 37:23; Sofonías 3:11; Isaías 60:15; Oseas 10:1
  3. 3 Ezequiel 23:14–15; Isaías 63:1–3; Zacarías 1:8; Zacarías 11:2; Zacarías 6:2
  4. 4 Jeremías 4:13; Ezequiel 26:10; Nahúm 3:2–3; Isaías 66:15; Daniel 11:40
  5. 5 Jeremías 46:12; Jeremías 51:27–28; Isaías 21:5; Jeremías 50:29; Isaías 5:27
  6. 6 Isaías 45:1–2; 2 Pedro 3:10–11
  7. 7 Isaías 59:11; Isaías 38:14; Isaías 32:12; Lucas 23:27; Lucas 23:48
  8. 8 Apocalipsis 17:1; Isaías 47:13; Jeremías 46:5; Nahúm 3:17; Jeremías 50:16
  9. 9 Ezequiel 26:12; Daniel 11:8; Jeremías 25:34; Jeremías 51:56; Nahúm 2:12–13
  10. 10 Joel 2:6; Daniel 5:6; Salmo 22:14; Jeremías 30:6; Isaías 13:7–8
  11. 11 Isaías 5:29; Jeremías 2:15; Sofonías 3:3; Ezequiel 19:2–8; Job 4:10–11
  12. 12 Jeremías 51:34; Isaías 10:6–14; Salmo 17:12
  13. 13 Salmo 46:9; Jeremías 21:13; Nahúm 3:5; 2 Reyes 19:23; Isaías 49:24–25

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias