1 Et factum est in undecimo anno, prima mensis: factus est sermo Domini ad me, dicens: 2 [Fili hominis, pro eo quod dixit Tyrus de Jerusalem: Euge, confractæ sunt portæ populorum, conversa est ad me: implebor; deserta est: 3 propterea hæc dicit Dominus Deus: Ecce ego super te, Tyre, et ascendere faciam ad te gentes multas, sicut ascendit mare fluctuans. 4 Et dissipabunt muros Tyri, et destruent turres ejus: et radam pulverem ejus de ea, et dabo eam in limpidissimam petram. 5 Siccatio sagenarum erit in medio maris, quia ego locutus sum, ait Dominus Deus: et erit in direptionem gentibus. 6 Filiæ quoque ejus quæ sunt in agro, gladio interficientur: et scient quia ego Dominus.] 7 [Quia hæc dicit Dominus Deus: Ecce ego adducam ad Tyrum Nabuchodonosor regem Babylonis ab aquilone, regem regum, cum equis, et curribus, et equitibus, et cœtu, populoque magno. 8 Filias tuas quæ sunt in agro, gladio interficiet, et circumdabit te munitionibus, et comportabit aggerem in gyro, et elevabit contra te clypeum: 9 et vineas et arietes temperabit in muros tuos, et turres tuas destruet in armatura sua. 10 Inundatione equorum ejus operiet te pulvis eorum: a sonitu equitum, et rotarum, et curruum, movebuntur muri tui, cum ingressus fuerit portas tuas quasi per introitum urbis dissipatæ. 11 Ungulis equorum suorum conculcabit omnes plateas tuas: populum tuum gladio cædet, et statuæ tuæ nobiles in terram corruent. 12 Vastabunt opes tuas, diripient negotiationes tuas, et destruent muros tuos, et domos tuas præclaras subvertent: et lapides tuos, et ligna tua, et pulverem tuum in medio aquarum ponent. 13 Et quiescere faciam multitudinem canticorum tuorum: et sonitus cithararum tuarum non audietur amplius. 14 Et dabo te in limpidissimam petram, siccatio sagenarum eris, nec ædificaberis ultra, quia ego locutus sum, ait Dominus Deus. 15 Hæc dicit Dominus Deus Tyro: Numquid non a sonitu ruinæ tuæ, et gemitu interfectorum tuorum, cum occisi fuerint in medio tui, commovebuntur insulæ? 16 Et descendent de sedibus suis omnes principes maris, et auferent exuvias suas, et vestimenta sua varia abjicient, et induentur stupore: in terra sedebunt, et attoniti super repentino casu tuo admirabuntur: 17 et assumentes super te lamentum, dicent tibi: Quomodo peristi, quæ habitas in mari, urbs inclyta, quæ fuisti fortis in mari cum habitatoribus tuis, quos formidabant universi? 18 Nunc stupebunt naves in die pavoris tui, et turbabuntur insulæ in mari, eo quod nullus egrediatur ex te. 19 Quia hæc dicit Dominus Deus: Cum dedero te urbem desolatam, sicut civitates quæ non habitantur; et adduxero super te abyssum, et operuerint te aquæ multæ; 20 et detraxero te cum his qui descendunt in lacum ad populum sempiternum; et collocavero te in terra novissima sicut solitudines veteres, cum his qui deducuntur in lacum, ut non habiteris; porro cum dedero gloriam in terra viventium: 21 in nihilum redigam te, et non eris: et requisita non invenieris ultra in sempiternum, dicit Dominus Deus.]
Ezequiel 26 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Referencias cruzadas (21)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Ezequiel 20:1; Jeremías 39:2; Ezequiel 1:2; Ezequiel 8:1
- 2 Isaías 23:1–18; Ezequiel 36:2; Joel 3:4; Jeremías 25:22; Amós 1:9–10
- 3 Jeremías 51:42; Isaías 5:30; Miqueas 4:11; Ezequiel 27:32–34; Ezequiel 38:3
- 4 Amós 1:10; Isaías 23:11; Ezequiel 26:9; Zacarías 9:3; Levítico 14:41–45
- 5 Ezequiel 29:19; Ezequiel 27:32; Ezequiel 26:19; Ezequiel 25:7; Ezequiel 47:10
- 6 Ezequiel 16:46; Ezequiel 26:8; Ezequiel 25:5; Jeremías 49:2; Ezequiel 25:7
- 7 Daniel 2:37; Esdras 7:12; Nahúm 2:3–4; Ezequiel 23:24; Jeremías 52:32
- 8 Ezequiel 21:22; Jeremías 6:6; Jeremías 32:24; Jeremías 52:4; 2 Samuel 20:15
- 9 2 Crónicas 26:15
- 10 Ezequiel 27:28; Jeremías 47:3; Ezequiel 26:15; Josué 6:5; Jeremías 4:13
- 11 Isaías 5:28; Isaías 26:5; Habacuc 1:8; Jeremías 43:13; Jeremías 51:27
- 12 Isaías 23:8; Zacarías 9:3–4; 2 Crónicas 32:27; Amós 5:11; Isaías 32:12
- 13 Isaías 23:16; Jeremías 7:34; Isaías 14:11; Isaías 24:8–9; Jeremías 16:9
- 14 Job 12:14; Malaquías 1:4; Números 23:19; Isaías 14:27; Deuteronomio 13:16
- 15 Ezequiel 27:35; Jeremías 49:21; Ezequiel 26:18; Ezequiel 31:16; Hebreos 12:26–27
- 16 Ezequiel 32:10; Oseas 11:10; Job 8:22; Jonás 3:6; Salmo 35:26
- 17 Isaías 14:12; Ezequiel 19:1; 2 Samuel 1:25–27; Ezequiel 19:14; Apocalipsis 18:9–10
- 18 Isaías 23:5–7; Ezequiel 26:15; Isaías 41:5; Ezequiel 27:28–30; Ezequiel 27:35
- 19 Ezequiel 26:3; Isaías 8:7–8; Apocalipsis 17:15; Daniel 11:40; Daniel 9:26
- 20 Salmo 27:13; Lucas 10:15; Ezequiel 32:18–32; Zacarías 2:8; Ezequiel 28:25–26
- 21 Ezequiel 27:36; Apocalipsis 18:21; Ezequiel 28:19; Salmo 37:36; Ezequiel 26:14–16
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias