1 Et ostendit mihi Dominus Jesum sacerdotem magnum, stantem coram angelo Domini: et Satan stabat a dextris ejus ut adversaretur ei. 2 Et dixit Dominus ad Satan: Increpet Dominus in te, Satan ! et increpet Dominus in te, qui elegit Jerusalem ! numquid non iste torris est erutus de igne? 3 Et Jesus erat indutus vestibus sordidis, et stabat ante faciem angeli. 4 Qui respondit, et ait ad eos qui stabant coram se, dicens: Auferte vestimenta sordida ab eo. Et dixit ad eum: Ecce abstuli a te iniquitatem tuam, et indui te mutatoriis. 5 Et dixit: Ponite cidarim mundam super caput ejus. Et posuerunt cidarim mundam super caput ejus, et induerunt eum vestibus: et angelus Domini stabat. 6 Et contestabatur angelus Domini Jesum, dicens: 7 [Hæc dicit Dominus exercituum: Si in viis meis ambulaveris, et custodiam meam custodieris, tu quoque judicabis domum meam, et custodies atria mea, et dabo tibi ambulantes de his qui nunc hic assistunt. 8 Audi, Jesu sacerdos magne, tu et amici tui, qui habitant coram te, quia viri portendentes sunt: ecce enim ego adducam servum meum Orientem. 9 Quia ecce lapis quem dedi coram Jesu: super lapidem unum septem oculi sunt: ecce ego cælabo sculpturam ejus, ait Dominus exercituum, et auferam iniquitatem terræ illius in die una. 10 In die illa, dicit Dominus exercituum, vocabit vir amicum suum subter vitem et subter ficum.]
Zacarías 3 Vulgata Clementina
Referencias cruzadas (10)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Lucas 22:31; 1 Pedro 5:8; Apocalipsis 12:9–10; Salmo 109:6; Job 2:1–8
- 2 Amós 4:11; Judas 23; Judas 9; Romanos 8:33; 1 Juan 3:8
- 3 Isaías 64:6; Apocalipsis 19:8; Esdras 9:15; Apocalipsis 7:13–14; 2 Crónicas 30:18–20
- 4 Isaías 61:10; Lucas 15:22; Ezequiel 36:25; Apocalipsis 7:14; Apocalipsis 19:7–8
- 5 Zacarías 6:11; Job 29:14; Éxodo 29:6; Apocalipsis 4:10; Apocalipsis 5:8–14
- 6 Éxodo 23:20–21; Jeremías 11:7; Isaías 63:9; Génesis 22:15–16; Oseas 12:4
- 7 Mateo 19:28; 2 Timoteo 4:1–2; Génesis 26:5; Ezequiel 44:15–16; 1 Timoteo 6:13–14
- 8 Isaías 11:1; Jeremías 23:5; Zacarías 6:12; Isaías 42:1; Jeremías 33:15
- 9 Zacarías 4:10; Jeremías 50:20; Apocalipsis 5:6; Isaías 28:16; Jeremías 31:34
- 10 1 Reyes 4:25; Miqueas 4:4; Zacarías 2:11; Juan 1:45–48; Oseas 2:18
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias