1 Accidit autem ut moreretur Naas rex filiorum Ammon, et regnaret filius ejus pro eo. 2 Dixitque David: Faciam misericordiam cum Hanon filio Naas: præstitit enim mihi pater ejus gratiam. Misitque David nuntios ad consolandum eum super morte patris sui. Qui cum pervenissent in terram filiorum Ammon ut consolarentur Hanon, 3 dixerunt principes filiorum Ammon ad Hanon: Tu forsitan putas, quod David honoris causa in patrem tuum miserit qui consolentur te: nec animadvertis quod ut explorent, et investigent, et scrutentur terram tuam, venerint ad te servi ejus. 4 Igitur Hanon pueros David decalvavit, et rasit, et præcidit tunicas eorum a natibus usque ad pedes, et dimisit eos. 5 Qui cum abiissent, et hoc mandassent David, misit in occursum eorum (grandem enim contumeliam sustinuerant) et præcepit ut manerent in Jericho, donec cresceret barba eorum, et tunc reverterentur. 6 Videntes autem filii Ammon quod injuriam fecissent David, tam Hanon quam reliquus populus, miserunt mille talenta argenti, ut conducerent sibi de Mesopotamia, et de Syria Maacha, et de Soba currus et equites. 7 Conduxeruntque triginta duo millia curruum, et regem Maacha cum populo ejus. Qui cum venissent, castrametati sunt e regione Medaba. Filii quoque Ammon congregati de urbibus suis venerunt ad bellum. 8 Quod cum audisset David, misit Joab, et omnem exercitum virorum fortium: 9 egressique filii Ammon, direxerunt aciem juxta portam civitatis; reges autem, qui ad auxilium ejus venerant, separatim in agro steterunt. 10 Igitur Joab, intelligens bellum ex adverso et post tergum contra se fieri, elegit viros fortissimos de universo Israël, et perrexit contra Syrum. 11 Reliquam autem partem populi dedit sub manu Abisai fratris sui: et perrexerunt contra filios Ammon. 12 Dixitque: Si vicerit me Syrus, auxilio eris mihi: si autem superaverint te filii Ammon, ero tibi in præsidium. 13 Confortare, et agamus viriliter pro populo nostro, et pro urbibus Dei nostri: Dominus autem, quod in conspectu suo bonum est, faciet. 14 Perrexit ergo Joab et populus qui cum eo erat, contra Syrum ad prælium: et fugavit eos. 15 Porro filii Ammon videntes quod fugisset Syrus, ipsi quoque fugerunt Abisai fratrem ejus, et ingressi sunt civitatem: reversusque est etiam Joab in Jerusalem. 16 Videns autem Syrus quod cecidisset coram Israël, misit nuntios, et adduxit Syrum, qui erat trans fluvium: Sophach autem princeps militiæ Adarezer erat dux eorum. 17 Quod cum nuntiatum esset David, congregavit universum Israël, et transivit Jordanem, irruitque in eos et direxit ex adverso aciem, illis contra pugnantibus. 18 Fugit autem Syrus Israël, et interfecit David de Syris septem millia curruum, et quadraginta millia peditum, et Sophach exercitus principem. 19 Videntes autem servi Adarezer se ab Israël esse superatos, transfugerunt ad David, et servierunt ei: noluitque ultra Syria auxilium præbere filiis Ammon.
1 Chronicles · Clementine Vulgate
1 Chronicles 19 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Shobach
Commander of Hadadezer's army, who led the Arameans from beyond the Euphrates to Helam and was struck down there by David.
Cited in the guide: 2 Samuel 10:16; 2 Samuel 10:18; 1 Chronicles 19:16
Cross references (19)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 2 Samuel 10:1–19; 1 Samuel 12:12; 1 Samuel 11:1–2
- 2 1 Samuel 30:26; Deuteronomy 23:3–6; Genesis 19:37–38; Ecclesiastes 9:15; 2 Samuel 9:7
- 3 Genesis 42:9–18; 1 Samuel 29:4; 1 Kings 12:8–11; Judges 1:23–24; Joshua 2:1–3
- 4 2 Samuel 10:4–5; Jeremiah 41:5; Isaiah 20:4; 2 Chronicles 36:16; Isaiah 15:2
- 5 Judges 16:22; Joshua 6:24–26; Matthew 18:31; 1 Kings 16:34
- 6 1 Chronicles 18:5; 2 Samuel 10:6; Genesis 34:30; 1 Chronicles 18:9; 2 Chronicles 27:5
- 7 Numbers 21:30; Joshua 13:9; Joshua 13:16; Judges 4:3; 2 Samuel 10:6
- 8 2 Samuel 23:8–39; 1 Chronicles 11:10–47; 1 Chronicles 11:6
- 9 1 Kings 20:1; 2 Samuel 18:4; Isaiah 28:6; 2 Chronicles 13:3; Joel 2:5
- 10 Judges 20:42–43; 2 Samuel 10:9–14; Joshua 8:22
- 11 1 Chronicles 18:12; 1 Chronicles 19:9; 1 Chronicles 11:20
- 12 Philippians 1:27–28; Nehemiah 4:20; Ecclesiastes 4:9–12; Galatians 6:2
- 13 Psalm 27:14; Nehemiah 4:14; Joshua 10:25; 2 Samuel 10:12; 1 Corinthians 16:13
- 14 2 Chronicles 13:5–16; 1 Kings 20:13; 1 Kings 20:28–30; Jeremiah 46:15–16; 1 Kings 20:19–21
- 15 Leviticus 26:7; Romans 8:31
- 16 2 Samuel 10:16; Zechariah 14:1–3; Psalm 2:1; Isaiah 8:9; Micah 4:11–12
- 17 1 Chronicles 19:9; Isaiah 22:6–7
- 18 2 Samuel 10:18; Psalm 46:11; 1 Chronicles 19:13–14; Psalm 18:32; Psalm 33:16
- 19 2 Samuel 10:19; 1 Kings 20:12; Isaiah 10:8; Genesis 14:4–5; Psalm 18:44
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences