1 Factum est autem post hæc ut moreretur rex filiorum Ammon, et regnavit Hanon filius ejus pro eo. 2 Dixitque David: Faciam misericordiam cum Hanon filio Naas, sicut fecit pater ejus mecum misericordiam. Misit ergo David, consolans eum per servos suos super patris interitu. Cum autem venissent servi David in terram filiorum Ammon, 3 dixerunt principes filiorum Ammon ad Hanon dominum suum: Putas quod propter honorem patris tui miserit David ad te consolatores, et non ideo ut investigaret, et exploraret civitatem, et everteret eam, misit David servos suos ad te? 4 Tulit itaque Hanon servos David, rasitque dimidiam partem barbæ eorum et præscidit vestes eorum medias usque ad nates, et dimisit eos. 5 Quod cum nuntiatum esset David, misit in occursum eorum: erant enim viri confusi turpiter valde, et mandavit eis David: Manete in Jericho donec crescat barba vestra, et tunc revertimini. 6 Videntes autem filii Ammon quod injuriam fecissent David, miserunt, et conduxerunt mercede Syrum Rohob, et Syrum Soba, viginti millia peditum, et a rege Maacha mille viros, et ab Istob duodecim millia virorum. 7 Quod cum audisset David, misit Joab et omnem exercitum bellatorum. 8 Egressi sunt ergo filii Ammon, et direxerunt aciem ante ipsum introitum portæ: Syrus autem Soba, et Rohob, et Istob, et Maacha, seorsum erant in campo. 9 Videns igitur Joab quod præparatum esset adversum se prælium et ex adverso et post tergum, elegit ex omnibus electis Israël, et instruxit aciem contra Syrum: 10 reliquam autem partem populi tradidit Abisai fratri suo, qui direxit aciem adversus filios Ammon. 11 Et ait Joab: Si prævaluerint adversum me Syri, eris mihi in adjutorium: si autem filii Ammon prævaluerint adversum te, auxiliabor tibi. 12 Esto vir fortis, et pugnemus pro populo nostro et civitate Dei nostri: Dominus autem faciet quod bonum est in conspectu suo. 13 Iniit itaque Joab, et populus qui erat cum eo, certamen contra Syros: qui statim fugerunt a facie ejus. 14 Filii autem Ammon videntes quia fugissent Syri, fugerunt et ipsi a facie Abisai, et ingressi sunt civitatem: reversusque est Joab a filiis Ammon, et venit Jerusalem. 15 Videntes igitur Syri quoniam corruissent coram Israël, congregati sunt pariter. 16 Misitque Adarezer, et eduxit Syros qui erant trans fluvium, et adduxit eorum exercitum: Sobach autem, magister militiæ Adarezer, erat princeps eorum. 17 Quod cum nuntiatum esset David, contraxit omnem Israëlem, et transivit Jordanem, venitque in Helam: et direxerunt aciem Syri ex adverso David, et pugnaverunt contra eum. 18 Fugeruntque Syri a facie Israël, et occidit David de Syris septingentos currus, et quadraginta millia equitum: et Sobach principem militiæ percussit, qui statim mortuus est. 19 Videntes autem universi reges qui erant in præsidio Adarezer, se victos esse ab Israël, expaverunt, et fugerunt quinquaginta et octo millia coram Israël. Et fecerunt pacem cum Israël, et servierunt eis: timueruntque Syri auxilium præbere ultra filiis Ammon.
2 Samuel 10 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Abishai
Son of Zeruiah and brother of Joab, who went down with David to Saul's sleeping camp, commanded a third of David's army, rescued David from Ishbi-benob, and won a name as chief of…
Cited in the guide: 1 Samuel 26:6; 2 Samuel 2:18; 2 Samuel 10:10
David
The shepherd who became Israel's greatest king and a man after God's own heart.
Cited in the guide: 1 Sam. 16 - 1 Kings 2; 2 Sam. 7; 1 Chron. 2:15; Matt. 1:6
Hadadezer
King of Zobah, son of Rehob, whom David defeated at the Euphrates and whose Aramean allies from Damascus and beyond the Euphrates were also beaten.
Cited in the guide: 2 Samuel 8:3; 2 Samuel 8:5; 2 Samuel 10:16
Hanun
Son and successor of Nahash, who shaved half the beards of David's envoys and cut off their garments at the hips, provoking war with David.
Cited in the guide: 2 Samuel 10:1; 2 Samuel 10:2; 2 Samuel 10:4
Shobach
Commander of Hadadezer's army, who led the Arameans from beyond the Euphrates to Helam and was struck down there by David.
Cited in the guide: 2 Samuel 10:16; 2 Samuel 10:18; 1 Chronicles 19:16
Cross references (17)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 1 Samuel 11:1–3; Judges 11:12–28; Judges 10:7–9; 1 Chronicles 19:1–19
- 2 1 Samuel 11:1; Deuteronomy 23:3–6; Nehemiah 13:1–3; Nehemiah 4:3–7; 1 Samuel 22:3–4
- 3 Genesis 42:9; Genesis 42:16; 1 Corinthians 13:7; 1 Corinthians 13:5
- 4 Isaiah 20:4; Jeremiah 41:5; 1 Chronicles 19:3–4; Isaiah 15:2; Psalm 109:4–5
- 5 1 Chronicles 19:5; Joshua 6:24–26; 1 Kings 16:34
- 6 2 Samuel 8:3; 2 Samuel 8:5; Genesis 34:30; Judges 11:3; Judges 18:28
- 7 2 Samuel 23:8–39; 1 Chronicles 19:8–19
- 8 2 Samuel 10:6; Joshua 19:28; Numbers 13:21; 1 Chronicles 19:7; Judges 1:31
- 9 Judges 20:42–43; Joshua 8:21–22
- 11 Galatians 6:2; Philippians 1:27–28; 1 Chronicles 19:9–12; Romans 15:1; Nehemiah 4:20
- 12 1 Corinthians 16:13; Deuteronomy 31:6; 1 Samuel 3:18; Nehemiah 4:14; Hebrews 13:6
- 13 1 Kings 20:13–21; 2 Chronicles 13:5–16; 1 Chronicles 19:14–15; 1 Kings 20:28–30
- 15 Revelation 19:19–21; Micah 4:11–12; Psalm 2:1; Zechariah 14:2–3; Isaiah 8:9–10
- 16 1 Chronicles 19:16; 2 Samuel 8:3–8; 1 Chronicles 18:3; 1 Chronicles 18:5
- 17 1 Chronicles 19:17
- 18 1 Chronicles 19:18; Psalm 18:38; 2 Samuel 8:4; Judges 5:26; Judges 4:2
- 19 2 Samuel 8:6; Revelation 18:10; Judges 1:7; Daniel 2:37; Psalm 18:37–38
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences