1 Et factum est quasi post mensem, ascendit Naas Ammonites, et pugnare cœpit adversum Jabes Galaad. Dixeruntque omnes viri Jabes ad Naas: Habeto nos fœderatos, et serviemus tibi. 2 Et respondit ad eos Naas Ammonites: In hoc feriam vobiscum fœdus, ut eruam omnium vestrum oculos dextros, ponamque vos opprobrium in universo Israël. 3 Et dixerunt ad eum seniores Jabes: Concede nobis septem dies, ut mittamus nuntios ad universos terminos Israël, et si non fuerit qui defendat nos, egrediemur ad te. 4 Venerunt ergo nuntii in Gabaa Saulis: et locuti sunt verba hæc, audiente populo: et levavit omnis populus vocem suam, et flevit. 5 Et ecce Saul veniebat, sequens boves de agro, et ait: Quid habet populus quod plorat? Et narraverunt ei verba virorum Jabes. 6 Et insilivit spiritus Domini in Saul cum audisset verba hæc, et iratus est furor ejus nimis. 7 Et assumens utrumque bovem, concidit in frustra, misitque in omnes terminos Israël per manum nuntiorum, dicens: Quicumque non exierit, et secutus fuerit Saul et Samuel, sic fiet bobus ejus. Invasit ergo timor Domini populum, et egressi sunt quasi vir unus. 8 Et recensuit eos in Bezech: fueruntque filiorum Israël trecenta millia, virorum autem Juda triginta millia. 9 Et dixerunt nuntiis qui venerant: Sic dicetis viris qui sunt in Jabes Galaad: Cras erit vobis salus, cum incaluerit sol. Venerunt ergo nuntii, et annuntiaverunt viris Jabes: qui lætati sunt. 10 Et dixerunt: Mane exibimus ad vos: et facietis nobis omne quod placuerit vobis. 11 Et factum est, cum dies crastinus venisset, constituit Saul populum in tres partes: et ingressus est media castra in vigilia matutina, et percussit Ammon usque dum incalesceret dies: reliqui autem dispersi sunt, ita ut non relinquerentur in eis duo pariter. 12 Et ait populus ad Samuelem: Quis est iste qui dixit: Saul num regnabit super nos? Date viros, et interficiemus eos. 13 Et ait Saul: Non occidetur quisquam in die hac, quia hodie fecit Dominus salutem in Israël. 14 Dixit autem Samuel ad populum: Venite, et eamus in Galgala, et innovemus ibi regnum. 15 Et perrexit omnis populus in Galgala, et fecerunt ibi regem Saul coram Domino in Galgala, et immolaverunt ibi victimas pacificas coram Domino. Et lætatus est ibi Saul, et cuncti viri Israël nimis.
1 Samuel 11 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Nahash
King of the Ammonites who besieged Jabesh-gilead and demanded the right eye of every man there until Saul defeated him; his later kindness to David is recalled when David consoles…
Cited in the guide: 1 Samuel 11:1; 1 Samuel 11:2; 1 Samuel 12:12
Cross references (14)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 1 Samuel 12:12; Ezekiel 17:13; 1 Kings 20:34; Judges 21:8; Genesis 26:28
- 2 1 Samuel 17:26; Genesis 34:14; Numbers 16:14; Exodus 3:6; 2 Kings 18:31
- 4 1 Samuel 10:26; Judges 2:4; Judges 21:2; 1 Samuel 30:4; 1 Samuel 15:34
- 5 1 Kings 19:19; 1 Samuel 9:1; Genesis 21:17; Isaiah 22:1; Judges 18:23
- 6 1 Samuel 10:10; Judges 6:34; Judges 3:10; 1 Samuel 16:13; Judges 13:25
- 7 Judges 19:29; Judges 20:1; 2 Chronicles 17:10; Judges 21:5–11; Genesis 35:5
- 8 Judges 1:4–5; 2 Samuel 24:9; 2 Chronicles 17:12–19; 1 Samuel 13:15; 1 Samuel 15:4
- 9 Psalm 18:17
- 10 1 Samuel 11:2–3
- 11 Judges 7:16; Genesis 22:14; James 2:13; Exodus 14:24; Judges 1:7
- 12 1 Samuel 10:27; Luke 19:27; Psalm 21:8
- 13 2 Samuel 19:22; Exodus 14:13; 1 Samuel 19:5; 1 Samuel 14:45; Exodus 14:30
- 14 1 Samuel 10:8; 1 Samuel 7:16; 1 Chronicles 12:38–39; 1 Samuel 10:24–25; 1 Samuel 5:3
- 15 1 Samuel 10:8; 1 Samuel 10:17; 1 Chronicles 29:21–24; 1 Samuel 12:13–15; Hosea 13:10–11
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences