Saltar al texto

Lamentaciones · Vulgata Clementina

Lamentaciones 2 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

Lamentaciones no está en PT1904.

VUL Vulgata Clementina
PT1904 Texto Patriarcal 1904 (acentuado, edición de eBible)
1 [Aleph Quomodo obtexit caligine in furore suo Dominus filiam Sion; projecit de cælo in terram inclytam Israël, et non est recordatus scabelli pedum suorum in die furoris sui !
·
2 Beth Præcipitavit Dominus, nec pepercit omnia speciosa Jacob: destruxit in furore suo munitiones virginis Juda, et dejecit in terram; polluit regnum et principes ejus.
·
3 Ghimel Confregit in ira furoris sui omne cornu Israël; avertit retrorsum dexteram suam a facie inimici, et succendit in Jacob quasi ignem flammæ devorantis in gyro.
·
4 Daleth Tetendit arcum suum quasi inimicus, firmavit dexteram suam quasi hostis, et occidit omne quod pulchrum erat visu in tabernaculo filiæ Sion; effudit quasi ignem indignationem suam.
·
5 He Factus est Dominus velut inimicus, præcipitavit Israël: præcipitavit omnia mœnia ejus, dissipavit munitiones ejus, et replevit in filia Juda humiliatum et humiliatam.
·
6 Vau Et dissipavit quasi hortum tentorium suum; demolitus est tabernaculum suum. Oblivioni tradidit Dominus in Sion festivitatem et sabbatum; et in opprobrium, et in indignationem furoris sui, regem et sacerdotem.
·
7 Zain Repulit Dominus altare suum; maledixit sanctificationi suæ: tradidit in manu inimici muros turrium ejus. Vocem dederunt in domo Domini sicut in die solemni.
·
8 Heth Cogitavit Dominus dissipare murum filiæ Sion; tetendit funiculum suum, et non avertit manum suam a perditione: luxitque antemurale, et murus pariter dissipatus est.
·
9 Teth Defixæ sunt in terra portæ ejus, perdidit et contrivit vectes ejus; regem ejus et principes ejus in gentibus: non est lex, et prophetæ ejus non invenerunt visionem a Domino.
·
10 Jod Sederunt in terra, conticuerunt senes filiæ Sion; consperserunt cinere capita sua, accincti sunt ciliciis: abjecerunt in terram capita sua virgines Jerusalem.
·
11 Caph Defecerunt præ lacrimis oculi mei, conturbata sunt viscera mea; effusum est in terra jecur meum super contritione filiæ populi mei, cum deficeret parvulus et lactens in plateis oppidi.
·
12 Lamed Matribus suis dixerunt: Ubi est triticum et vinum? cum deficerent quasi vulnerati in plateis civitatis, cum exhalarent animas suas in sinu matrum suarum.
·
13 Mem Cui comparabo te, vel cui assimilabo te, filia Jerusalem? cui exæquabo te, et consolabor te, virgo, filia Sion? magna est enim velut mare contritio tua: quis medebitur tui?
·
14 Nun Prophetæ tui viderunt tibi falsa et stulta; nec aperiebant iniquitatem tuam, ut te ad pœnitentiam provocarent; viderunt autem tibi assumptiones falsas, et ejectiones.
·
15 Samech Plauserunt super te manibus omnes transeuntes per viam; sibilaverunt et moverunt caput suum super filiam Jerusalem: Hæccine est urbs, dicentes, perfecti decoris, gaudium universæ terræ?
·
16 Phe Aperuerunt super te os suum omnes inimici tui: sibilaverunt, et fremuerunt dentibus, et dixerunt: Devorabimus: en ista est dies quam exspectabamus; invenimus, vidimus.
·
17 Ain Fecit Dominus quæ cogitavit; complevit sermonem suum, quem præceperat a diebus antiquis: destruxit, et non pepercit, et lætificavit super te inimicum, et exaltavit cornu hostium tuorum.
·
18 Sade Clamavit cor eorum ad Dominum super muros filiæ Sion: Deduc quasi torrentem lacrimas per diem et noctem; non des requiem tibi, neque taceat pupilla oculi tui.
·
19 Coph Consurge, lauda in nocte, in principio vigiliarum; effunde sicut aquam cor tuum ante conspectum Domini: leva ad eum manus tuas pro anima parvulorum tuorum, qui defecerunt in fame in capite omnium compitorum.
·
20 Res Vide, Domine, et considera quem vindemiaveris ita. Ergone comedent mulieres fructum suum, parvulos ad mensuram palmæ? si occiditur in sanctuario Domini sacerdos et propheta?
·
21 Sin Jacuerunt in terra foris puer et senex; virgines meæ et juvenes mei ceciderunt in gladio: interfecisti in die furoris tui, percussisti, nec misertus es.
·
22 Thau Vocasti quasi ad diem solemnem, qui terrerent me de circuitu; et non fuit in die furoris Domini qui effugeret, et relinqueretur: quos educavi et enutrivi, inimicus meus consumpsit eos.]
·
Referencias cruzadas (22)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 1 Salmo 132:7; 1 Crónicas 28:2; Ezequiel 28:14–16; Lamentaciones 3:43–44; Apocalipsis 12:7–9
  2. 2 Salmo 89:39–40; Lamentaciones 2:17; Lamentaciones 3:43; Isaías 25:12; Isaías 43:28
  3. 3 Salmo 74:11; Salmo 75:5; Isaías 42:25; Salmo 75:10; Salmo 89:46
  4. 4 Jeremías 7:20; Ezequiel 24:25; Isaías 42:25; Jeremías 21:5; Job 6:4
  5. 5 Lamentaciones 2:2; Jeremías 30:14; 2 Reyes 25:9; Jeremías 52:13; Lamentaciones 2:4
  6. 6 Sofonías 3:18; Lamentaciones 1:4; Lamentaciones 4:16; Lamentaciones 4:20; Malaquías 2:9
  7. 7 Salmo 74:3–8; Amós 2:5; Ezequiel 24:21; Salmo 78:59–61; Jeremías 52:13
  8. 8 2 Reyes 21:13; Isaías 3:26; Jeremías 14:2; Isaías 34:11; Jeremías 5:10
  9. 9 Ezequiel 7:26; Oseas 3:4; Salmo 74:9; Nehemías 1:3; Miqueas 3:6–7
  10. 10 Isaías 3:26; Job 2:12–13; Isaías 15:3; Ezequiel 7:18; Lamentaciones 1:4
  11. 11 Lamentaciones 1:20; Job 16:13; Lamentaciones 1:16; Jeremías 4:19; Salmo 6:7
  12. 12 Ezequiel 30:24; Isaías 53:12
  13. 13 Lamentaciones 1:12; Jeremías 30:12–15; 2 Samuel 5:20; Jeremías 8:22; Jeremías 14:17
  14. 14 Jeremías 5:31; Isaías 58:1; Ezequiel 22:28; Ezequiel 22:25; Miqueas 3:5–7
  15. 15 Jeremías 18:16; Salmo 48:2; Salmo 50:2; Jeremías 19:8; Ezequiel 25:6
  16. 16 Salmo 35:21; Lamentaciones 3:46; Salmo 37:12; Job 16:9–10; Salmo 56:2
  17. 17 Ezequiel 5:11; Salmo 89:42; Lamentaciones 2:1–2; Levítico 26:14–46; Deuteronomio 28:15–68
  18. 18 Salmo 119:145; Lamentaciones 3:48–49; Lamentaciones 2:8; Salmo 119:136; Lamentaciones 1:16
  19. 19 Salmo 62:8; Isaías 26:9; Salmo 119:147–148; Salmo 142:2; Marcos 1:35
  20. 20 Lamentaciones 4:10; Jeremías 19:9; Salmo 78:64; Lamentaciones 4:13; Éxodo 32:11
  21. 21 Zacarías 11:6; 2 Crónicas 36:17; Lamentaciones 3:43; Jeremías 13:14; Jeremías 18:21
  22. 22 Jeremías 6:25; Salmo 31:13; Jeremías 20:3; Jeremías 16:2–4; Isaías 24:17–18

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias