Saltar al texto

Ezequiel · Vulgata Clementina

Ezequiel 30 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

1 Et factum est verbum Domini ad me, dicens: 2 Fili hominis, propheta, et dic: [Hæc dicit Dominus Deus: Ululate: Væ, væ diei ! 3 quia juxta est dies, et appropinquat dies Domini, dies nubis: tempus gentium erit. 4 Et veniet gladius in Ægyptum, et erit pavor in Æthiopia, cum ceciderint vulnerati in Ægypto, et ablata fuerit multitudo illius, et destructa fundamenta ejus. 5 Æthiopia, et Libya, et Lydi, et omne reliquum vulgus, et Chub, et filii terræ fœderis, cum eis gladio cadent. 6 Hæc dicit Dominus Deus: Et corruent fulcientes Ægyptum, et destruetur superbia imperii ejus: a turre Syenes gladio cadent in ea, ait Dominus Deus exercituum. 7 Et dissipabuntur in medio terrarum desolatarum, et urbes ejus in medio civitatum desertarum erunt: 8 et scient quia ego Dominus, cum dedero ignem in Ægypto, et attriti fuerint omnes auxiliatores ejus. 9 In die illa egredientur nuntii a facie mea in trieribus ad conterendam Æthiopiæ confidentiam: et erit pavor in eis in die Ægypti, quia absque dubio veniet. 10 Hæc dicit Dominus Deus: Cessare faciam multitudinem Ægypti in manu Nabuchodonosor regis Babylonis. 11 Ipse et populus ejus cum eo, fortissimi gentium, adducentur ad disperdendam terram: et evaginabunt gladios suos super Ægyptum, et implebunt terram interfectis. 12 Et faciam alveos fluminum aridos, et tradam terram in manus pessimorum: et dissipabo terram et plenitudinem ejus manu alienorum: ego Dominus locutus sum. 13 Hæc dicit Dominus Deus: Et disperdam simulacra, et cessare faciam idola de Memphis: et dux de terra Ægypti non erit amplius, et dabo terrorem in terra Ægypti. 14 Et disperdam terram Phathures, et dabo ignem in Taphnis, et faciam judicia in Alexandria. 15 Et effundam indignationem meam super Pelusium, robur Ægypti, et interficiam multitudinem Alexandriæ. 16 Et dabo ignem in Ægypto: quasi parturiens dolebit Pelusium, et Alexandria erit dissipata, et in Memphis angustiæ quotidianæ. 17 Juvenes Heliopoleos et Bubasti gladio cadent, et ipsæ captivæ ducentur. 18 Et in Taphnis nigrescet dies, cum contrivero ibi sceptra Ægypti, et defecerit in ea superbia potentiæ ejus: ipsam nubes operiet, filiæ autem ejus in captivitatem ducentur. 19 Et judicia faciam in Ægypto: et scient quia ego Dominus.] 20 Et factum est in undecimo anno, in primo mense, in septima mensis: factum est verbum Domini ad me, dicens: 21 [Fili hominis, brachium Pharaonis regis Ægypti confregi, et ecce non est obvolutum ut restitueretur ei sanitas, ut ligaretur pannis, et fasciaretur linteolis, ut recepto robore posset tenere gladium. 22 Propterea hæc dicit Dominus Deus: Ecce ego ad Pharaonem regem Ægypti, et comminuam brachium ejus forte, sed confractum: et dejiciam gladium de manu ejus, 23 et dispergam Ægyptum in gentibus, et ventilabo eos in terris. 24 Et confortabo brachia regis Babylonis, daboque gladium meum in manu ejus, et confringam brachia Pharaonis, et gement gemitibus interfecti coram facie ejus. 25 Et confortabo brachia regis Babylonis, et brachia Pharaonis concident: et scient quia ego Dominus, cum dedero gladium meum in manu regis Babylonis, et extenderit eum super terram Ægypti. 26 Et dispergam Ægyptum in nationes, et ventilabo eos in terras: et scient quia ego Dominus.]

Referencias cruzadas (25)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 2 Isaías 13:6; Ezequiel 21:12; Joel 1:11; Joel 1:5; Isaías 15:2
  2. 3 Abdías 15; Joel 2:1–2; Isaías 24:21–23; Sofonías 1:7; Zacarías 14:3–19
  3. 4 Ezequiel 29:19; Ezequiel 29:8; Éxodo 15:14–16; Isaías 19:16–17; Apocalipsis 18:9–10
  4. 5 Jeremías 25:20; Ezequiel 27:10; Jeremías 25:24; Isaías 18:1; Nahúm 3:8–9
  5. 6 Ezequiel 29:10; Isaías 20:3–6; Isaías 31:3; Nahúm 3:9; Job 9:13
  6. 7 Ezequiel 29:12; Jeremías 25:18–26; Ezequiel 32:18–32; Jeremías 46:1–28
  7. 8 Ezequiel 29:6; Amós 1:7; Amós 1:12; Ezequiel 30:16; Ezequiel 22:31
  8. 9 Isaías 18:1–2; Ezequiel 32:9–10; Isaías 23:5; Ezequiel 27:35; Amós 4:2
  9. 10 Ezequiel 29:19; Ezequiel 32:11–16; Ezequiel 29:4–5; Ezequiel 30:24–25
  10. 11 Ezequiel 28:7; Sofonías 1:17–18; Ezequiel 31:12; Ezequiel 39:4; Habacuc 1:6–9
  11. 12 Ezequiel 29:3; Nahúm 1:4; Ezequiel 28:10; Isaías 44:27; Isaías 19:4–10
  12. 13 Zacarías 10:11; Jeremías 2:16; Jeremías 46:14; Jeremías 46:25; Sofonías 2:11
  13. 14 Jeremías 46:25; Ezequiel 29:14; Salmo 78:43; Salmo 78:12; Nahúm 3:8
  14. 15 Salmo 11:6; Nahúm 1:6; Apocalipsis 16:1
  15. 16 Ezequiel 30:8–9; Ezequiel 28:18
  16. 17 Génesis 41:45
  17. 18 Ezequiel 30:3; Jeremías 2:16; Ezequiel 29:15; Isaías 10:27; Isaías 5:30
  18. 19 Apocalipsis 17:1; Ezequiel 30:14; Ezequiel 5:8; Ezequiel 25:11; Salmo 9:16
  19. 20 Ezequiel 29:17; Ezequiel 26:1; Ezequiel 29:1; Ezequiel 1:2; Ezequiel 31:1
  20. 21 Jeremías 30:13; Jeremías 46:11; Salmo 37:17; Jeremías 48:25; Salmo 10:15
  21. 22 Salmo 37:17; Jeremías 37:7; Ezequiel 29:3; 2 Reyes 24:7; Ezequiel 34:16
  22. 23 Ezequiel 30:26; Ezequiel 30:17–18; Ezequiel 29:12–13
  23. 24 Sofonías 2:12; Ezequiel 30:25; Nehemías 6:9; Isaías 45:1; Isaías 45:5
  24. 25 Ezequiel 39:21–22; Ezequiel 32:15; Ezequiel 38:23; Ezequiel 30:19; Ezequiel 38:16
  25. 26 Daniel 11:42; Ezequiel 29:12; Ezequiel 6:13; Ezequiel 30:17–18; Ezequiel 30:23

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias