Saltar al texto

Job · Vulgata Clementina

Job 16 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

1 Respondens autem Job, dixit: 2 [Audivi frequenter talia: consolatores onerosi omnes vos estis. 3 Numquid habebunt finem verba ventosa? aut aliquid tibi molestum est, si loquaris? 4 Poteram et ego similia vestri loqui, atque utinam esset anima vestra pro anima mea: 5 consolarer et ego vos sermonibus, et moverem caput meum super vos; 6 roborarem vos ore meo, et moverem labia mea, quasi parcens vobis. 7 Sed quid agam? Si locutus fuero, non quiescet dolor meus, et si tacuero, non recedet a me. 8 Nunc autem oppressit me dolor meus, et in nihilum redacti sunt omnes artus mei. 9 Rugæ meæ testimonium dicunt contra me, et suscitatur falsiloquus adversus faciem meam, contradicens mihi. 10 Collegit furorem suum in me, et comminans mihi, infremuit contra me dentibus suis: hostis meus terribilibus oculis me intuitus est. 11 Aperuerunt super me ora sua, et exprobrantes percusserunt maxillam meam: satiati sunt pœnis meis. 12 Conclusit me Deus apud iniquum, et manibus impiorum me tradidit. 13 Ego ille quondam opulentus, repente contritus sum: tenuit cervicem meam, confregit me, et posuit me sibi quasi in signum. 14 Circumdedit me lanceis suis; convulneravit lumbos meos: non pepercit, et effudit in terra viscera mea. 15 Concidit me vulnere super vulnus: irruit in me quasi gigas. 16 Saccum consui super cutem meam, et operui cinere carnem meam. 17 Facies mea intumuit a fletu, et palpebræ meæ caligaverunt. 18 Hæc passus sum absque iniquitate manus meæ, cum haberem mundas ad Deum preces. 19 Terra, ne operias sanguinem meum, neque inveniat in te locum latendi clamor meus: 20 ecce enim in cælo testis meus, et conscius meus in excelsis. 21 Verbosi amici mei: ad Deum stillat oculus meus: 22 atque utinam sic judicaretur vir cum Deo, quomodo judicatur filius hominis cum collega suo. 23 Ecce enim breves anni transeunt, et semitam per quam non revertar ambulo.]

Referencias cruzadas (21)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 2 Job 13:4–5; Santiago 1:19; Salmo 69:26; Filipenses 1:16; Job 6:6
  2. 3 Job 6:26; Job 15:2; Job 32:3–6; Tito 2:8; Tito 1:11
  3. 4 Salmo 109:25; Salmo 22:7; Lamentaciones 2:15; 2 Reyes 19:21; Jeremías 18:16
  4. 5 Proverbios 27:9; Isaías 35:3–4; Gálatas 6:1; Proverbios 27:17; Job 6:14
  5. 6 Job 10:1; Salmo 88:15–18; Salmo 77:1–9
  6. 7 Job 7:3; Job 1:15–19; Proverbios 3:11–12; Miqueas 6:13; Job 3:17
  7. 8 Job 10:17; Job 19:20; Rut 1:21; Salmo 109:24; Salmo 106:15
  8. 9 Salmo 35:16; Job 13:24; Lamentaciones 2:16; Oseas 6:1; Job 19:11
  9. 10 Salmo 35:15; Salmo 22:13; Isaías 50:6; Lamentaciones 3:30; Miqueas 5:1
  10. 11 Salmo 27:12; Salmo 7:14; Salmo 31:8; Job 2:7; Job 1:13–19
  11. 12 Job 7:20; Lamentaciones 3:11–12; Lamentaciones 3:4; Job 9:17; Salmo 44:19
  12. 13 Job 20:25; Job 6:4; Lamentaciones 2:11; Romanos 8:32; Génesis 49:23
  13. 14 Job 9:17; Joel 2:7; Jueces 15:8; Lamentaciones 3:3–5; Salmo 42:7
  14. 15 Génesis 37:34; Salmo 7:5; 1 Reyes 21:27; Isaías 22:12; Salmo 75:5
  15. 16 Lamentaciones 1:16; Marcos 14:34; Salmo 102:3–5; Job 17:7; Salmo 32:3
  16. 17 Proverbios 15:8; Salmo 66:18–19; Job 27:6–7; Job 8:5–6; Salmo 7:3–5
  17. 18 Isaías 26:21; Ezequiel 24:7; Salmo 66:18–19; Génesis 4:11; Nehemías 4:5
  18. 19 Romanos 1:9; Génesis 31:50; 1 Tesalonicenses 2:5; 1 Tesalonicenses 2:10; Romanos 9:1
  19. 20 Hebreos 5:7; Salmo 142:2; Job 17:2; Job 12:4–5; Salmo 109:4
  20. 21 Eclesiastés 6:10; Isaías 45:9; Romanos 9:20; Job 40:1–5; Job 31:35
  21. 22 Job 14:10; Job 14:14; Job 7:9–10; Job 14:5; Eclesiastés 12:5

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias