1 Hæc ostendit mihi Dominus Deus: et ecce fictor locustæ in principio germinantium serotini imbris, et ecce serotinus post tonsionem regis. 2 Et factum est, cum consummasset comedere herbam terræ, dixi: Domine Deus, propitius esto, obsecro; quis suscitabit Jacob, quia parvulus est? 3 Misertus est Dominus super hoc: Non erit, dixit Dominus. 4 Hæc ostendit mihi Dominus Deus: et ecce vocabat judicium ad ignem Dominus Deus; et devoravit abyssum multam, et comedit simul partem. 5 Et dixi: Domine Deus, quiesce, obsecro; quis suscitabit Jacob, quia parvulus est? 6 Misertus est Dominus super hoc: Sed et istud non erit, dixit Dominus Deus. 7 Hæc ostendit mihi Dominus: et ecce Dominus stans super murum litum, et in manu ejus trulla cæmentarii. 8 Et dixit Dominus ad me: Quid tu vides, Amos? Et dixi: Trullam cæmentarii. Et dixit Dominus: [Ecce ego ponam trullam in medio populi mei Israël; non adjiciam ultra superinducere eum. 9 Et demolientur excelsa idoli, et sanctificationes Israël desolabuntur, et consurgam super domum Jeroboam in gladio.] 10 Et misit Amasias, sacerdos Bethel, ad Jeroboam, regem Israël, dicens: Rebellavit contra te Amos in medio domus Israël; non poterit terra sustinere universos sermones ejus. 11 Hæc enim dicit Amos: In gladio morietur Jeroboam, et Israël captivus migrabit de terra sua. 12 Et dixit Amasias ad Amos: Qui vides, gradere: fuge in terram Juda, et comede ibi panem, et prophetabis ibi. 13 Et in Bethel non adjicies ultra ut prophetes, quia sanctificatio regis est, et domus regni est. 14 Responditque Amos, et dixit ad Amasiam: Non sum propheta, et non sum filius prophetæ: sed armentarius ego sum vellicans sycomoros. 15 Et tulit me Dominus cum sequerer gregem, et dixit Dominus ad me: Vade, propheta ad populum meum Israël. 16 Et nunc audi verbum Domini: [Tu dicis: Non prophetabis super Israël, et non stillabis super domum idoli. 17 Propter hoc hæc dicit Dominus: Uxor tua in civitate fornicabitur, et filii tui et filiæ tuæ in gladio cadent, et humus tua funiculo metietur: et tu in terra polluta morieris, et Israël captivus migrabit de terra sua.]
Amos 7 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Amaziah
The priest of Bethel who sent word to Jeroboam against Amos and told him to flee to Judah.
Cited in the guide: Amos 7:10; Amos 7:12; Amos 7:14
Amos
A sheep breeder from Tekoa whose words concerned Israel in the days of Uzziah and Jeroboam, whom Amaziah the priest told to go flee to Judah.
Cited in the guide: Amos 1:1; Amos 7:8; Amos 7:10
Cross references (17)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Joel 1:4; Amos 8:1; Nahum 3:15–17; Isaiah 33:4; Joel 2:25
- 2 Isaiah 37:4; Ezekiel 11:13; Exodus 10:15; Jeremiah 14:20–21; Jeremiah 42:2
- 3 Deuteronomy 32:36; Jonah 3:10; Hosea 11:8; Psalm 106:45; Amos 7:6
- 4 Amos 7:1; Isaiah 66:15–16; Amos 4:11; Amos 7:7; Exodus 9:23–24
- 5 Psalm 85:4; Amos 7:2–3; Joel 2:17; Isaiah 10:25; Jeremiah 30:19
- 6 Jeremiah 26:19; Amos 7:3; Judges 10:16; Jonah 4:2; Psalm 135:14
- 7 2 Kings 21:13; Isaiah 28:17; Revelation 21:15; Zechariah 2:1–2; Revelation 11:1
- 8 Amos 8:2; Lamentations 2:8; Jeremiah 15:6; Ezekiel 7:2–9; Isaiah 28:17
- 9 2 Kings 15:8–10; Genesis 46:1; Amos 5:5; Isaiah 63:18; Amos 8:14
- 10 Jeremiah 38:4; 1 Kings 12:31–32; Jeremiah 26:8–11; Matthew 21:23; Acts 24:5
- 11 Amos 6:7–8; 2 Kings 17:6; Psalm 56:5; Amos 7:9; Acts 6:14
- 12 1 Corinthians 2:14; Matthew 8:34; Isaiah 30:10; 1 Samuel 9:9; Romans 16:18
- 13 1 Kings 12:32; Amos 2:12; 1 Kings 12:29; 1 Kings 13:1; Acts 5:40
- 14 Amos 1:1; Zechariah 13:5; 2 Kings 4:38; 2 Kings 2:5; 1 Corinthians 1:27
- 15 2 Samuel 7:8; Ezekiel 2:3–4; Jeremiah 1:7; Psalm 78:70–72; Matthew 9:9
- 16 Ezekiel 20:46; Ezekiel 21:2; Micah 2:6; Jeremiah 28:15–17; Deuteronomy 32:2
- 17 Hosea 9:3; 2 Kings 17:6; Ezekiel 4:13; Jeremiah 28:16; Hosea 4:13–14
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences