Skip to the text

1 Samuel · Clementine Vulgate

1 Samuel 5 Clementine Vulgate

Leer en español
About VUL
  • Catholic
  • OT: Latin Vulgate
  • NT: Latin Vulgate
  • Catholic (73 books)
  • Original language
  • 1598
  • Public domain

Audio: World English Bible (WEB), read by Winfred W. Henson · About the recordings

1 Philisthiim autem tulerunt arcam Dei, et asportaverunt eam a lapide Adjutorii in Azotum. 2 Tuleruntque Philisthiim arcam Dei, et intulerunt eam in templum Dagon, et statuerunt eam juxta Dagon. 3 Cumque surrexissent diluculo Azotii altera die, ecce Dagon jacebat pronus in terra ante arcam Domini: et tulerunt Dagon, et restituerunt eum in locum suum. 4 Rursumque mane die altera consurgentes, invenerunt Dagon jacentem super faciem suam in terra coram arca Domini: caput autem Dagon, et duæ palmæ manuum ejus abscissæ erant super limen: 5 porro Dagon solus truncus remanserat in loco suo. Propter hanc causam non calcant sacerdotes Dagon, et omnes qui ingrediuntur templum ejus, super limen Dagon in Azoto, usque in hodiernum diem. 6 Aggravata est autem manus Domini super Azotios, et demolitus est eos: et percussit in secretiori parte natium Azotum, et fines ejus. Et ebullierunt villæ et agri in medio regionis illius, et nati sunt mures et facta est confusio mortis magnæ in civitate. 7 Videntes autem viri Azotii hujuscemodi plagam, dixerunt: Non maneat arca Dei Israël apud nos: quoniam dura est manus ejus super nos, et super Dagon deum nostrum. 8 Et mittentes congregaverunt omnes satrapas Philisthinorum ad se, et dixerunt: Quid faciemus de arca Dei Israël? Responderuntque Gethæi: Circumducatur arca Dei Israël. Et circumduxerunt arcam Dei Israël. 9 Illis autem circumducentibus eam, fiebat manus Domini per singulas civitates interfectionis magnæ nimis: et percutiebat viros uniuscujusque urbis, a parvo usque ad majorem, et computrescebant prominentes extales eorum. Inieruntque Gethæi consilium, et fecerunt sibi sedes pelliceas. 10 Miserunt ergo arcam Dei in Accaron. Cumque venisset arca Dei in Accaron, exclamaverunt Accaronitæ, dicentes: Adduxerunt ad nos arcam Dei Israël ut interficiat nos et populum nostrum. 11 Miserunt itaque et congregaverunt omnes satrapas Philisthinorum: qui dixerunt: Dimittite arcam Dei Israël, et revertatur in locum suum, et non interficiat nos cum populo nostro. 12 Fiebat enim pavor mortis in singulis urbibus, et gravissima valde manus Dei. Viri quoque qui mortui non fuerant, percutiebantur in secretiori parte natium: et ascendebat ululatus uniuscujusque civitatis in cælum.

Cross references (12)

Related passages for each verse, from the Treasury of Scripture Knowledge as collected and ranked by readers at OpenBible.info.

  1. 1 1 Samuel 7:12; 1 Samuel 4:1; 1 Samuel 4:22; Joshua 13:3; 1 Samuel 4:11
  2. 2 Judges 16:23; Daniel 5:2; 1 Chronicles 10:10; Daniel 5:23; Habakkuk 1:16
  3. 3 Isaiah 19:1; Isaiah 46:1–2; Isaiah 46:7; Mark 3:11; Zephaniah 2:11
  4. 4 Micah 1:7; Isaiah 2:18–19; Jeremiah 50:2; Jeremiah 10:11; Isaiah 27:9
  5. 5 Zephaniah 1:9; Psalm 115:4–7; Joshua 5:15; Psalm 135:15–18
  6. 6 1 Samuel 5:11; Psalm 32:4; Acts 13:11; Deuteronomy 28:27; Exodus 9:3
  7. 7 Exodus 12:33; 1 Chronicles 15:13; Jeremiah 48:7; 1 Samuel 5:3–4; Exodus 8:8
  8. 8 1 Samuel 5:11; Zechariah 12:3; Amos 6:2; 1 Samuel 17:4
  9. 9 1 Samuel 5:6; 1 Samuel 7:13; Deuteronomy 2:15; 1 Samuel 12:15; Psalm 78:66
  10. 10 Amos 1:8; 2 Kings 1:2; Joshua 15:45; Judges 1:18
  11. 11 1 Samuel 5:6; 1 Samuel 5:8–9; Isaiah 13:7–9; Jeremiah 48:42–44
  12. 12 Exodus 12:30; Amos 5:19; Jeremiah 14:2; 1 Kings 19:17; 1 Samuel 9:16

Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences