1 Onus quod vidit Habacuc propheta. 2 [Usquequo, Domine, clamabo, et non exaudies? vociferabor ad te, vim patiens, et non salvabis? 3 Quare ostendisti mihi iniquitatem et laborem, videre prædam et injustitiam contra me? Et factum est judicium, et contradictio potentior. 4 Propter hoc lacerata est lex, et non pervenit usque ad finem judicium; quia impius prævalet adversus justum, propterea egreditur judicium perversum. 5 Aspicite in gentibus, et videte; admiramini, et obstupescite: quia opus factum est in diebus vestris, quod nemo credet cum narrabitur. 6 Quia ecce ego suscitabo Chaldæos, gentem amaram et velocem, ambulantem super latitudinem terræ, ut possideat tabernacula non sua. 7 Horribilis et terribilis est: ex semetipsa judicium et onus ejus egredietur. 8 Leviores pardis equi ejus, et velociores lupis vespertinis: et diffundentur equites ejus: equites namque ejus de longe venient; volabunt quasi aquila festinans ad comedendum. 9 Omnes ad prædam venient, facies eorum ventus urens; et congregabit quasi arenam captivitatem. 10 Et ipse de regibus triumphabit, et tyranni ridiculi ejus erunt; ipse super omnem munitionem ridebit, et comportabit aggerem, et capiet eam. 11 Tunc mutabitur spiritus, et pertransibit, et corruet: hæc est fortitudo ejus dei sui.] 12 [Numquid non tu a principio, Domine, Deus meus, sancte meus, et non moriemur? Domine, in judicium posuisti eum, et fortem, ut corriperes, fundasti eum. 13 Mundi sunt oculi tui, ne videas malum, et respicere ad iniquitatem non poteris. Quare respicis super iniqua agentes, et taces devorante impio justiorem se? 14 Et facies homines quasi pisces maris, et quasi reptile non habens principem. 15 Totum in hamo sublevavit, traxit illud in sagena sua, et congregavit in rete suum. Super hoc lætabitur, et exsultabit. 16 Propterea immolabit sagenæ suæ, et sacrificabit reti suo, quia in ipsis incrassata est pars ejus, et cibus ejus electus. 17 Propter hoc ergo expandit sagenam suam, et semper interficere gentes non parcet.]
Habakkuk 1 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Habakkuk
The prophet who received the burden of his book in a vision.
Cited in the guide: Habakkuk 1:1; Habakkuk 3:1
Cross references (16)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Nahum 1:1; Isaiah 22:1
- 2 Psalm 22:1–2; Psalm 13:1–2; Lamentations 3:8; Jeremiah 14:9; Psalm 94:3
- 3 Psalm 55:9–11; Jeremiah 9:2–6; Micah 7:1–4; Ecclesiastes 5:8; Jeremiah 20:8
- 4 Psalm 94:20–21; Isaiah 1:21–23; Psalm 119:126; Job 21:7; Ezekiel 9:9
- 5 Acts 13:40–41; Isaiah 29:14; Lamentations 4:12; Jeremiah 5:12–13; Jeremiah 9:25–26
- 6 2 Kings 24:2; 2 Chronicles 36:6; Jeremiah 5:15; 2 Chronicles 36:17; Jeremiah 4:6
- 7 Jeremiah 39:5–9; Jeremiah 52:9–11; Isaiah 18:7; Deuteronomy 5:27; Deuteronomy 5:19
- 8 Jeremiah 4:13; Zephaniah 3:3; Deuteronomy 28:49; Hosea 8:1; Ezekiel 17:3
- 9 Jeremiah 25:9; Psalm 139:18; Job 29:18; Habakkuk 2:5–13; Judges 7:12
- 10 2 Chronicles 36:6; 2 Chronicles 36:10; Jeremiah 32:24; Isaiah 14:16; Jeremiah 33:4
- 11 Daniel 5:20; Daniel 4:30–34; Daniel 5:3–4; Jeremiah 4:11–12
- 12 Deuteronomy 32:4; Psalm 90:2; Deuteronomy 33:27; Jeremiah 46:28; Jeremiah 30:11
- 13 Psalm 5:4–5; Psalm 34:15–16; Jeremiah 12:1–2; Habakkuk 1:3–4; Proverbs 31:8–9
- 15 Amos 4:2; Jeremiah 16:16; Psalm 10:9; John 21:6–11; Ezekiel 35:15
- 16 Daniel 4:30; Habakkuk 1:11; Ezekiel 28:3; Deuteronomy 8:17; Isaiah 37:24
- 17 Isaiah 14:6; Jeremiah 25:9–26; Ezekiel 25:1–17; Jeremiah 52:1–34; Habakkuk 2:17
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences