1 Profectus est autem Roboam in Sichem: illuc enim cunctus Israël convenerat ut constituerent eum regem. 2 Quod cum audisset Jeroboam filius Nabat, qui erat in Ægypto (fugerat quippe illuc ante Salomonem), statim reversus est. 3 Vocaveruntque eum, et venit cum universo Israël: et locuti sunt ad Roboam, dicentes: 4 Pater tuus durissimo jugo nos pressit: tu leviora impera patre tuo, qui nobis imposuit gravem servitutem, et paululum de onere subleva, ut serviamus tibi. 5 Qui ait: Post tres dies revertimini ad me. Cumque abiisset populus, 6 iniit consilium cum senibus qui steterant coram patre ejus Salomone dum adhuc viveret, dicens: Quid datis consilii ut respondeam populo? 7 Qui dixerunt ei: Si placueris populo huic, et leniveris eos verbis clementibus, servient tibi omni tempore. 8 At ille reliquit consilium senum, et cum juvenibus tractare cœpit, qui cum eo nutriti fuerant, et erant in comitatu illius. 9 Dixitque ad eos: Quid vobis videtur? vel respondere quid debeo populo huic, qui dixit mihi: Subleva jugum quod imposuit nobis pater tuus? 10 At illi responderunt ut juvenes, et nutriti cum eo in deliciis, atque dixerunt: Sic loqueris populo qui dixit tibi: Pater tuus aggravavit jugum nostrum, tu subleva: et sic respondebis ei: Minimus digitus meus grossior est lumbis patris mei. 11 Pater meus imposuit vobis grave jugum, et ego majus pondus apponam; pater meus cecidit vos flagellis, ego vero cædam vos scorpionibus. 12 Venit ergo Jeroboam et universus populus ad Roboam die tertio, sicut præceperat eis. 13 Responditque rex dura, derelicto consilio seniorum: 14 locutusque est juxta juvenum voluntatem: Pater meus grave vobis imposuit jugum, quod ego gravius faciam; pater meus cecidit vos flagellis, ego vero cædam vos scorpionibus. 15 Et non acquievit populi precibus: erat enim voluntatis Dei ut compleretur sermo ejus quem locutus fuerat per manum Ahiæ Silonitis ad Jeroboam filium Nabat. 16 Populus autem universus rege duriora dicente, sic locutus est ad eum: Non est nobis pars in David, neque hæreditas in filio Isai. Revertere in tabernacula tua, Israël; tu autem pasce domum tuam David. Et abiit Israël in tabernacula sua. 17 Super filios autem Israël qui habitabant in civitatibus Juda, regnavit Roboam. 18 Misitque rex Roboam Aduram, qui præerat tributis, et lapidaverunt eum filii Israël, et mortuus est: porro rex Roboam currum festinavit ascendere, et fugit in Jerusalem. 19 Recessitque Israël a domo David, usque ad diem hanc.
2 Crónicas · Vulgata Clementina
2 Crónicas 10 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Personas y lugares de este capítulo
Del árbol genealógico y los mapas bíblicos de este sitio (en inglés), solo donde esas guías citan este capítulo.
Personas
Adoram
Listed in David's administration as the official in charge of the forced labor.
Citado en la guía: 2 Samuel 20:24; 1 Kings 12:18; 2 Chronicles 10:18
Rehoboam
His harsh answer to the people split the kingdom of Israel in two.
Citado en la guía: 1 Kings 12; 14:21-31; 2 Chron. 10-12; Matt. 1:7
Referencias cruzadas (19)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 1 Reyes 12:1–20; 1 Reyes 4:1; Mateo 1:7; 1 Crónicas 3:10; Jueces 9:1
- 2 1 Reyes 11:40; 1 Reyes 12:2; 1 Reyes 11:26; 1 Reyes 11:28
- 3 1 Reyes 12:3
- 4 1 Reyes 12:4; 1 Samuel 8:11–18; Éxodo 1:13–14; Éxodo 2:23; 1 Juan 5:3
- 5 1 Reyes 12:5; Proverbios 3:28
- 6 Job 32:7; Job 12:12–13; 2 Samuel 16:20; Proverbios 12:15; Jeremías 42:2–5
- 7 Proverbios 15:1; Génesis 49:21; 1 Reyes 12:7; 2 Samuel 15:2–6
- 8 2 Samuel 17:14; Proverbios 1:25; Proverbios 9:9; 2 Crónicas 25:15–16; Proverbios 19:20
- 9 2 Crónicas 10:6; 2 Samuel 17:5–6; 1 Reyes 22:6–8
- 10 Proverbios 18:6–7; Proverbios 29:23; Isaías 19:11–13; Proverbios 28:25; 2 Samuel 17:7–13
- 11 Éxodo 1:13–14; Mateo 11:29; Apocalipsis 9:5; Isaías 47:6; Apocalipsis 9:10
- 12 2 Crónicas 10:5; 1 Reyes 12:12–15
- 13 1 Reyes 20:6–11; Proverbios 15:1; 1 Samuel 25:10–11; Proverbios 19:27; Génesis 42:7
- 14 Eclesiastés 10:16; Santiago 3:14–4:2; Eclesiastés 2:19; Proverbios 12:5; Daniel 6:7
- 15 1 Reyes 11:29–39; 1 Samuel 2:25; 2 Crónicas 25:16–20; Hechos 2:23; 1 Reyes 12:15
- 16 2 Samuel 20:1; 2 Crónicas 10:19; Lucas 19:27; 1 Crónicas 17:14; Salmo 2:1–6
- 17 1 Reyes 11:36; 2 Crónicas 11:1; 1 Reyes 12:17
- 18 1 Reyes 5:14; 1 Reyes 4:6; 2 Crónicas 24:21; Hechos 7:57–58
- 19 2 Crónicas 10:16; 2 Reyes 17:21–23; 1 Reyes 12:19–20; Esdras 9:7; Salmo 89:30
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias