Jeremiah 19 Clementine Vulgate
Audio: World English Bible (WEB), read by Winfred W. Henson · About the recordings
Jeremiah is not in PT1904.
1 Hæc dicit Dominus: Vade, et accipe lagunculam figuli testeam a senioribus populi et a senioribus sacerdotum,
·
2 et egredere ad vallem filii Ennom, quæ est juxta introitum portæ fictilis: et prædicabis ibi verba quæ ego loquar ad te.
·
3 Et dices: [Audite verbum Domini, reges Juda, et habitatores Jerusalem. Hæc dicit Dominus exercituum, Deus Israël: Ecce ego inducam afflictionem super locum istum, ita ut omnis qui audierit illam, tinniant aures ejus,
·
4 eo quod dereliquerint me, et alienum fecerint locum istum, et libaverunt in eo diis alienis quos nescierunt, ipsi et patres eorum, et reges Juda: et repleverunt locum istum sanguine innocentum,
·
5 et ædificaverunt excelsa Baalim, ad comburendos filios suos igni in holocaustum Baalim: quæ non præcepi, nec locutus sum, nec ascenderunt in cor meum.
·
6 Propterea ecce dies veniunt, dicit Dominus, et non vocabitur amplius locus iste Topheth, et vallis filii Ennom, sed vallis occisionis.
·
7 Et dissipabo consilium Juda et Jerusalem in loco isto, et subvertam eos gladio in conspectu inimicorum suorum, et in manu quærentium animas eorum: et dabo cadavera eorum escam volatilibus cæli et bestiis terræ.
·
8 Et ponam civitatem hanc in stuporem, et in sibilum: omnis qui præterierit per eam obstupescet, et sibilabit super universa plaga ejus.
·
9 Et cibabo eos carnibus filiorum suorum et carnibus filiarum suarum: et unusquisque carnem amici sui comedet in obsidione, et in angustia in qua concludent eos inimici eorum, et qui quærunt animas eorum.]
·
10 Et conteres lagunculam in oculis virorum qui ibunt tecum,
·
11 et dices ad eos: [Hæc dicit Dominus exercituum: Sic conteram populum istum, et civitatem istam, sicut conteritur vas figuli, quod non potest ultra instaurari: et in Topheth sepelientur, eo quod non sit alius locus ad sepeliendum.
·
12 Sic faciam loco huic, ait Dominus, et habitatoribus ejus, et ponam civitatem istam sicut Topheth.
·
13 Et erunt domus Jerusalem, et domus regum Juda, sicut locus Topheth, immundæ, omnes domus in quarum domatibus sacrificaverunt omni militiæ cæli, et libaverunt libamina diis alienis.]
·
14 Venit autem Jeremias de Topheth, quo miserat eum Dominus ad prophetandum, et stetit in atrio domus Domini, et dixit ad omnem populum:
·
15 Hæc dicit Dominus exercituum, Deus Israël: Ecce ego inducam super civitatem hanc, et super omnes urbes ejus, universa mala quæ locutus sum adversum eam, quoniam induraverunt cervicem suam ut non audirent sermones meos.
·
Cross references (15)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Ezekiel 8:11–12; Isaiah 30:14; Jeremiah 18:2–4; Numbers 11:16; Lamentations 4:2
- 2 Joshua 15:8; 2 Kings 23:10; Jeremiah 32:35; Jeremiah 7:31–32; 2 Chronicles 33:6
- 3 1 Samuel 3:11; Jeremiah 17:20; Jeremiah 6:19; Isaiah 28:19; 2 Kings 21:12–13
- 4 Jeremiah 2:34; 2 Kings 21:16; Deuteronomy 28:20; Isaiah 65:11; Jeremiah 7:9
- 5 Jeremiah 32:35; Deuteronomy 12:31; Psalm 106:37–38; Leviticus 18:21; Jeremiah 7:31–32
- 6 Joshua 15:8; Isaiah 30:33; Jeremiah 19:2; Jeremiah 7:32–33; Jeremiah 19:11
- 7 Leviticus 26:17; Jeremiah 16:4; Jeremiah 15:2; Jeremiah 7:33; Deuteronomy 28:25–26
- 8 Jeremiah 18:16; 1 Kings 9:8; Jeremiah 49:13; 2 Chronicles 7:20–21; Jeremiah 50:13
- 9 Isaiah 9:20; Leviticus 26:29; Lamentations 4:10; Ezekiel 5:10; Deuteronomy 28:53–57
- 10 Jeremiah 51:63–64; Jeremiah 48:12; Jeremiah 19:1
- 11 Psalm 2:9; Isaiah 30:14; Lamentations 4:2; Revelation 2:27; Jeremiah 13:14
- 12 Jeremiah 10:13; Jeremiah 11:5
- 13 Jeremiah 32:29; 2 Kings 23:12; Jeremiah 7:18; Zephaniah 1:5; Deuteronomy 4:19
- 14 Jeremiah 26:2; 2 Chronicles 20:5; Jeremiah 19:2–3; Jeremiah 17:19; Acts 5:20
- 15 Jeremiah 7:26; Jeremiah 17:23; Nehemiah 9:29; Jeremiah 35:15–17; Nehemiah 9:17
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences