Ezekiel 7 Clementine Vulgate
Audio: World English Bible (WEB), read by Winfred W. Henson · About the recordings
Ezekiel is not in PT1904.
1 Et factus est sermo Domini ad me, dicens:
·
2 Et tu, fili hominis, hæc dicit Dominus Deus terræ Israël: [Finis venit: venit finis super quatuor plagas terræ.
·
3 Nunc finis super te, et immittam furorem meum in te: et judicabo te juxta vias tuas, et ponam contra te omnes abominationes tuas.
·
4 Et non parcet oculus meus super te, et non miserebor: sed vias tuas ponam super te, et abominationes tuæ in medio tui erunt, et scietis quia ego Dominus.
·
5 Hæc dicit Dominus Deus: Afflictio una, afflictio ecce venit.
·
6 Finis venit, venit finis: evigilavit adversum te, ecce venit.
·
7 Venit contritio super te, qui habitas in terra: venit tempus, prope est dies occisionis, et non gloriæ montium.
·
8 Nunc de propinquo effundam iram meam super te, et complebo furorem meum in te: et judicabo te juxta vias tuas, et imponam tibi omnia scelera tua,
·
9 et non parcet oculus meus, nec miserebor: sed vias tuas imponam tibi, et abominationes tuæ in medio tui erunt, et scietis quia ego sum Dominus percutiens.
·
10 Ecce dies, ecce venit: egressa est contritio, floruit virga, germinavit superbia,
·
11 iniquitas surrexit in virga impietatis: non ex eis, et non ex populo, neque ex sonitu eorum: et non erit requies in eis.
·
12 Venit tempus, appropinquavit dies: qui emit, non lætetur, et qui vendit, non lugeat: quia ira super omnem populum ejus.
·
13 Quia qui vendit, ad id quod vendidit non revertetur: et adhuc in viventibus vita eorum: visio enim ad omnem multitudinem ejus non regredietur, et vir in iniquitate vitæ suæ non confortabitur.]
·
14 [Canite tuba, præparentur omnes: et non est qui vadat ad prælium: ira enim mea super universum populum ejus.
·
15 Gladium foris, et pestis et fames intrinsecus: qui in agro est, gladio morietur, et qui in civitate, pestilentia et fame devorabuntur.
·
16 Et salvabuntur qui fugerint ex eis: et erunt in montibus quasi columbæ convallium omnes trepidi, unusquisque in iniquitate sua.
·
17 Omnes manus dissolventur, et omnia genua fluent aquis.
·
18 Et accingent se ciliciis, et operiet eos formido: et in omni facie confusio, et in universis capitibus eorum calvitium.
·
19 Argentum eorum foras projicietur, et aurum eorum in sterquilinium erit: argentum eorum et aurum eorum non valebit liberare eos in die furoris Domini: animam suam non saturabunt, et ventres eorum non implebuntur, quia scandalum iniquitatis eorum factum est.
·
20 Et ornamentum monilium suorum in superbiam posuerunt, et imagines abominationum suarum et simulacrorum fecerunt ex eo: propter hoc dedi eis illud in immunditiam.
·
21 Et dabo illud in manus alienorum ad diripiendum, et impiis terræ in prædam, et contaminabunt illud.
·
22 Et avertam faciem meam ab eis, et violabunt arcanum meum: et introibunt in illud emissarii, et contaminabunt illud.
·
23 Fac conclusionem, quoniam terra plena est judicio sanguinum, et civitas plena iniquitate.
·
24 Et adducam pessimos de gentibus, et possidebunt domos eorum: et quiescere faciam superbiam potentium, et possidebunt sanctuaria eorum.
·
25 Angustia superveniente, requirent pacem, et non erit.
·
26 Conturbatio super conturbationem veniet, et auditus super auditum: et quærent visionem de propheta, et lex peribit a sacerdote, et consilium a senioribus.
·
27 Rex lugebit, et princeps induetur mœrore, et manus populi terræ conturbabuntur: secundum viam eorum faciam eis, et secundum judicia eorum judicabo eos, et scient quia ego Dominus.]
·
Cross references (26)
Related passages for each verse, from the Treasury of Scripture Knowledge as collected and ranked by readers at OpenBible.info.
- 2 Amos 8:2; Ezekiel 7:3; Amos 8:10; 1 Peter 4:7; Ezekiel 11:13
- 3 Ezekiel 18:30; Ezekiel 5:13; Ezekiel 33:20; Ezekiel 7:8–9; Ezekiel 16:38
- 4 Ezekiel 6:7; Ezekiel 11:21; Ezekiel 5:11; Hosea 12:2; Ezekiel 7:27
- 5 2 Kings 21:12–13; Nahum 1:9; Ezekiel 5:9; Amos 3:2; Daniel 9:12
- 6 Zechariah 13:7; Ezekiel 7:10; Ezekiel 7:3; Jeremiah 44:27; Ezekiel 21:25
- 7 Ezekiel 12:28; Genesis 19:15; Isaiah 22:5; Ezekiel 7:12; Ezekiel 12:23–25
- 8 Ezekiel 9:8; Ezekiel 14:19; Ezekiel 20:8; Isaiah 42:25; Nahum 1:6
- 9 Revelation 20:13; Galatians 6:7; Micah 6:9; Isaiah 9:13
- 10 Isaiah 10:5; 1 Thessalonians 5:3; James 4:6; Proverbs 16:18; Isaiah 28:1
- 11 Zephaniah 1:18; Jeremiah 16:5–6; Ezekiel 7:23; Isaiah 59:6–8; Psalm 78:64
- 12 Isaiah 5:13–14; 1 Corinthians 7:29–31; Ezekiel 7:10; Isaiah 24:1–2; Jeremiah 32:7–8
- 13 Leviticus 25:24–28; Ezekiel 33:26–27; Job 15:25; Ezekiel 13:22; Psalm 52:7
- 14 Jeremiah 4:5; Jeremiah 7:20; Jeremiah 6:11; Isaiah 24:1–7; Jeremiah 12:12
- 15 Ezekiel 5:12; Jeremiah 14:18; Lamentations 1:20; Jeremiah 15:2–3; Deuteronomy 32:23–25
- 16 Ezra 9:15; Isaiah 59:11; Isaiah 38:14; Isaiah 37:31; Zechariah 12:10–14
- 17 Ezekiel 21:7; Hebrews 12:12; Ezekiel 22:14; Isaiah 13:7–8; Jeremiah 6:24
- 18 Amos 8:10; Isaiah 15:2–3; Ezekiel 27:31; Isaiah 3:24; Job 21:6
- 19 Proverbs 11:4; Zephaniah 1:18; Ezekiel 14:7; Luke 12:19–20; Isaiah 2:20
- 20 Ezekiel 24:21; Jeremiah 7:30; Ezekiel 8:15–16; Ezekiel 9:7; Isaiah 64:11
- 21 2 Kings 24:13; Psalm 74:2–8; 2 Kings 25:13–16; 2 Kings 25:9; 2 Chronicles 36:18–19
- 22 Jeremiah 18:17; Psalm 35:22; Psalm 10:11; Ezekiel 39:23–24; Psalm 74:18–23
- 23 Jeremiah 27:2; Ezekiel 9:9; 2 Kings 21:16; Hosea 4:2; Ezekiel 11:6
- 24 Ezekiel 28:7; Psalm 106:41; Ezekiel 33:28; Ezekiel 21:31; 2 Chronicles 7:19–20
- 25 Isaiah 59:8–12; Jeremiah 8:15–16; Lamentations 4:17–18; Isaiah 57:21; Ezekiel 13:10
- 26 Jeremiah 4:20; Ezekiel 14:1; Micah 3:6; Psalm 74:9; Jeremiah 37:17
- 27 Ezekiel 7:4–8; Ezekiel 18:30; Ezekiel 12:10–22; Ezekiel 26:16; Joel 3:17
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences