Ezequiel 7 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Ezequiel no está en PT1904.
1 Et factus est sermo Domini ad me, dicens:
·
2 Et tu, fili hominis, hæc dicit Dominus Deus terræ Israël: [Finis venit: venit finis super quatuor plagas terræ.
·
3 Nunc finis super te, et immittam furorem meum in te: et judicabo te juxta vias tuas, et ponam contra te omnes abominationes tuas.
·
4 Et non parcet oculus meus super te, et non miserebor: sed vias tuas ponam super te, et abominationes tuæ in medio tui erunt, et scietis quia ego Dominus.
·
5 Hæc dicit Dominus Deus: Afflictio una, afflictio ecce venit.
·
6 Finis venit, venit finis: evigilavit adversum te, ecce venit.
·
7 Venit contritio super te, qui habitas in terra: venit tempus, prope est dies occisionis, et non gloriæ montium.
·
8 Nunc de propinquo effundam iram meam super te, et complebo furorem meum in te: et judicabo te juxta vias tuas, et imponam tibi omnia scelera tua,
·
9 et non parcet oculus meus, nec miserebor: sed vias tuas imponam tibi, et abominationes tuæ in medio tui erunt, et scietis quia ego sum Dominus percutiens.
·
10 Ecce dies, ecce venit: egressa est contritio, floruit virga, germinavit superbia,
·
11 iniquitas surrexit in virga impietatis: non ex eis, et non ex populo, neque ex sonitu eorum: et non erit requies in eis.
·
12 Venit tempus, appropinquavit dies: qui emit, non lætetur, et qui vendit, non lugeat: quia ira super omnem populum ejus.
·
13 Quia qui vendit, ad id quod vendidit non revertetur: et adhuc in viventibus vita eorum: visio enim ad omnem multitudinem ejus non regredietur, et vir in iniquitate vitæ suæ non confortabitur.]
·
14 [Canite tuba, præparentur omnes: et non est qui vadat ad prælium: ira enim mea super universum populum ejus.
·
15 Gladium foris, et pestis et fames intrinsecus: qui in agro est, gladio morietur, et qui in civitate, pestilentia et fame devorabuntur.
·
16 Et salvabuntur qui fugerint ex eis: et erunt in montibus quasi columbæ convallium omnes trepidi, unusquisque in iniquitate sua.
·
17 Omnes manus dissolventur, et omnia genua fluent aquis.
·
18 Et accingent se ciliciis, et operiet eos formido: et in omni facie confusio, et in universis capitibus eorum calvitium.
·
19 Argentum eorum foras projicietur, et aurum eorum in sterquilinium erit: argentum eorum et aurum eorum non valebit liberare eos in die furoris Domini: animam suam non saturabunt, et ventres eorum non implebuntur, quia scandalum iniquitatis eorum factum est.
·
20 Et ornamentum monilium suorum in superbiam posuerunt, et imagines abominationum suarum et simulacrorum fecerunt ex eo: propter hoc dedi eis illud in immunditiam.
·
21 Et dabo illud in manus alienorum ad diripiendum, et impiis terræ in prædam, et contaminabunt illud.
·
22 Et avertam faciem meam ab eis, et violabunt arcanum meum: et introibunt in illud emissarii, et contaminabunt illud.
·
23 Fac conclusionem, quoniam terra plena est judicio sanguinum, et civitas plena iniquitate.
·
24 Et adducam pessimos de gentibus, et possidebunt domos eorum: et quiescere faciam superbiam potentium, et possidebunt sanctuaria eorum.
·
25 Angustia superveniente, requirent pacem, et non erit.
·
26 Conturbatio super conturbationem veniet, et auditus super auditum: et quærent visionem de propheta, et lex peribit a sacerdote, et consilium a senioribus.
·
27 Rex lugebit, et princeps induetur mœrore, et manus populi terræ conturbabuntur: secundum viam eorum faciam eis, et secundum judicia eorum judicabo eos, et scient quia ego Dominus.]
·
Referencias cruzadas (26)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 2 Amós 8:2; Ezequiel 7:3; Amós 8:10; 1 Pedro 4:7; Ezequiel 11:13
- 3 Ezequiel 18:30; Ezequiel 5:13; Ezequiel 33:20; Ezequiel 7:8–9; Ezequiel 16:38
- 4 Ezequiel 6:7; Ezequiel 11:21; Ezequiel 5:11; Oseas 12:2; Ezequiel 7:27
- 5 2 Reyes 21:12–13; Nahúm 1:9; Ezequiel 5:9; Amós 3:2; Daniel 9:12
- 6 Zacarías 13:7; Ezequiel 7:10; Ezequiel 7:3; Jeremías 44:27; Ezequiel 21:25
- 7 Ezequiel 12:28; Génesis 19:15; Isaías 22:5; Ezequiel 7:12; Ezequiel 12:23–25
- 8 Ezequiel 9:8; Ezequiel 14:19; Ezequiel 20:8; Isaías 42:25; Nahúm 1:6
- 9 Apocalipsis 20:13; Gálatas 6:7; Miqueas 6:9; Isaías 9:13
- 10 Isaías 10:5; 1 Tesalonicenses 5:3; Santiago 4:6; Proverbios 16:18; Isaías 28:1
- 11 Sofonías 1:18; Jeremías 16:5–6; Ezequiel 7:23; Isaías 59:6–8; Salmo 78:64
- 12 Isaías 5:13–14; 1 Corintios 7:29–31; Ezequiel 7:10; Isaías 24:1–2; Jeremías 32:7–8
- 13 Levítico 25:24–28; Ezequiel 33:26–27; Job 15:25; Ezequiel 13:22; Salmo 52:7
- 14 Jeremías 4:5; Jeremías 7:20; Jeremías 6:11; Isaías 24:1–7; Jeremías 12:12
- 15 Ezequiel 5:12; Jeremías 14:18; Lamentaciones 1:20; Jeremías 15:2–3; Deuteronomio 32:23–25
- 16 Esdras 9:15; Isaías 59:11; Isaías 38:14; Isaías 37:31; Zacarías 12:10–14
- 17 Ezequiel 21:7; Hebreos 12:12; Ezequiel 22:14; Isaías 13:7–8; Jeremías 6:24
- 18 Amós 8:10; Isaías 15:2–3; Ezequiel 27:31; Isaías 3:24; Job 21:6
- 19 Proverbios 11:4; Sofonías 1:18; Ezequiel 14:7; Lucas 12:19–20; Isaías 2:20
- 20 Ezequiel 24:21; Jeremías 7:30; Ezequiel 8:15–16; Ezequiel 9:7; Isaías 64:11
- 21 2 Reyes 24:13; Salmo 74:2–8; 2 Reyes 25:13–16; 2 Reyes 25:9; 2 Crónicas 36:18–19
- 22 Jeremías 18:17; Salmo 35:22; Salmo 10:11; Ezequiel 39:23–24; Salmo 74:18–23
- 23 Jeremías 27:2; Ezequiel 9:9; 2 Reyes 21:16; Oseas 4:2; Ezequiel 11:6
- 24 Ezequiel 28:7; Salmo 106:41; Ezequiel 33:28; Ezequiel 21:31; 2 Crónicas 7:19–20
- 25 Isaías 59:8–12; Jeremías 8:15–16; Lamentaciones 4:17–18; Isaías 57:21; Ezequiel 13:10
- 26 Jeremías 4:20; Ezequiel 14:1; Miqueas 3:6; Salmo 74:9; Jeremías 37:17
- 27 Ezequiel 7:4–8; Ezequiel 18:30; Ezequiel 12:10–22; Ezequiel 26:16; Joel 3:17
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias