Isaiah 24 Clementine Vulgate
Audio: World English Bible (WEB), read by Winfred W. Henson · About the recordings
Isaiah is not in PT1904.
1 [Ecce Dominus dissipabit terram: et nudabit eam, et affliget faciem ejus, et disperget habitatores ejus.
·
2 Et erit sicut populus, sic sacerdos; et sicut servus, sic dominus ejus; sicut ancilla, sic domina ejus; sicut emens, sic ille qui vendit; sicut fœnerator, sic is qui mutuum accipit; sicut qui repetit, sic qui debet.
·
3 Dissipatione dissipabitur terra, et direptione prædabitur; Dominus enim locutus est verbum hoc.
·
4 Luxit, et defluxit terra, et infirmata est; defluxit orbis, infirmata est altitudo populi terræ.
·
5 Et terra infecta est ab habitatoribus suis, quia transgressi sunt leges, mutaverunt jus, dissipaverunt fœdus sempiternum.
·
6 Propter hoc maledictio vorabit terram, et peccabunt habitatores ejus; ideoque insanient cultores ejus, et relinquentur homines pauci.
·
7 Luxit vindemia, infirmata est vitis, ingemuerunt omnes qui lætabantur corde;
·
8 cessavit gaudium tympanorum, quievit sonitus lætantium, conticuit dulcedo citharæ.
·
9 Cum cantico non bibent vinum; amara erit potio bibentibus illam.
·
10 Attrita est civitas vanitatis, clausa est omnis domus, nullo introëunte.
·
11 Clamor erit super vino in plateis, deserta est omnia lætitia, translatum est gaudium terræ.
·
12 Relicta est in urbe solitudo, et calamitas opprimet portas.
·
13 Quia hæc erunt in medio terræ in medio populorum, quomodo si paucæ olivæ quæ remanserunt excutiantur ex olea et racemi, cum fuerit finita vindemia.]
·
14 [Hi levabunt vocem suam, atque laudabunt: cum glorificatus fuerit Dominus, hinnient de mari.
·
15 Propter hoc in doctrinis glorificate Dominum; in insulis maris nomen Domini Dei Israël.
·
16 A finibus terræ laudes audivimus, gloriam Justi. Et dixi: Secretum meum mihi, secretum meum mihi. Væ mihi ! prævaricantes prævaricati sunt, et prævaricatione transgressorum prævaricati sunt.
·
17 Formido, et fovea, et laqueus super te, qui habitator es terræ.
·
18 Et erit: qui fugerit a voce formidinis cadet in foveam; et qui se explicaverit de fovea tenebitur laqueo; quia cataractæ de excelsis apertæ sunt et concutientur fundamenta terræ.
·
19 Confractione confringetur terra, contritione conteretur terra, commotione commovebitur terra;
·
20 agitatione agitabitur terra sicut ebrius, et auferetur quasi tabernaculum unius noctis; et gravabit eam iniquitas sua, et corruet, et non adjiciet ut resurgat.
·
21 Et erit: in die illa visitabit Dominus super militiam cæli in excelso, et super reges terræ qui sunt super terram;
·
22 et congregabuntur in congregatione unius fascis in lacum, et claudentur ibi in carcere, et post multos dies visitabuntur.
·
23 Et erubescet luna, et confundetur sol, cum regnaverit Dominus exercituum in monte Sion et in Jerusalem et in conspectu senum suorum fuerit glorificatus.]
·
Cross references (23)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 Nahum 2:10; Isaiah 2:19; Isaiah 24:20; Isaiah 42:15; Isaiah 6:11–12
- 2 Hosea 4:9; Ezekiel 7:12–13; Lamentations 5:12–14; Jeremiah 42:18; Isaiah 5:15
- 3 Isaiah 24:1; Isaiah 6:11; Isaiah 21:17; Micah 4:4; Ezekiel 36:4
- 4 Hosea 4:3; Isaiah 2:11–12; Isaiah 33:9; Isaiah 3:26; Isaiah 28:1
- 5 Hebrews 13:20; Romans 8:20–21; Hebrews 9:1; Daniel 7:25; Ezekiel 20:13
- 6 Malachi 4:1; Matthew 7:14; Zechariah 5:3–4; Ezekiel 5:3; Romans 9:27
- 7 Isaiah 16:10; Joel 1:10–12; Isaiah 16:8; Hosea 9:1–2; Isaiah 32:9–13
- 8 Hosea 2:11; Ezekiel 26:13; Revelation 18:22; Jeremiah 7:34; Jeremiah 25:10
- 9 Isaiah 5:22; Ecclesiastes 9:7; Amos 8:3; Isaiah 5:11–12; Amos 6:5–7
- 10 Revelation 18:2; Revelation 17:5–6; Jeremiah 39:8; Jeremiah 39:4; Isaiah 34:11
- 11 Hosea 7:14; Isaiah 16:10; Isaiah 9:19; Isaiah 8:22; Matthew 22:11–13
- 12 Jeremiah 9:11; Lamentations 5:18; Isaiah 32:14; Micah 1:9; Lamentations 1:1
- 13 Isaiah 1:9; Matthew 24:22; Revelation 3:4; Isaiah 6:13; Ezekiel 9:4–6
- 14 Jeremiah 31:12; Jeremiah 33:11; Isaiah 26:1; Isaiah 12:1–6; Isaiah 52:7–9
- 15 Malachi 1:11; Isaiah 49:1; Isaiah 60:9; Isaiah 42:4; Isaiah 42:10
- 16 Isaiah 21:2; Isaiah 33:1; Jeremiah 5:11; Jeremiah 3:20; Psalm 22:27–31
- 17 Jeremiah 48:43–44; Leviticus 26:21–22; Ezekiel 14:21; 1 Kings 19:17; Jeremiah 8:3
- 18 Psalm 18:7; Genesis 7:11; Joshua 10:10–11; Amos 5:19; Job 20:24
- 19 Isaiah 34:4–10; Isaiah 24:1–5; Nahum 1:5; Deuteronomy 11:6; Revelation 20:11
- 20 Isaiah 19:14; Daniel 11:19; Isaiah 29:9; Hosea 4:1–5; Amos 8:14
- 21 Psalm 76:12; Zechariah 14:12–19; Isaiah 34:2–17; Psalm 149:6–9; Revelation 19:18–21
- 22 Zechariah 9:11; Isaiah 42:22; Jeremiah 38:6–13; Ezekiel 38:8; Joshua 10:16–17
- 23 Isaiah 60:19; Isaiah 13:10; Revelation 21:23; Revelation 22:5; Hebrews 12:22
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences