1 Hæ sunt gentes quas Dominus dereliquit, ut erudiret in eis Israëlem, et omnes qui non noverant bella Chananæorum: 2 ut postea discerent filii eorum certare cum hostibus, et habere consuetudinem præliandi: 3 quinque satrapas Philisthinorum, omnemque Chananæum, et Sidonium, atque Hevæum, qui habitabat in monte Libano, de monte Baal Hermon usque ad introitum Emath. 4 Dimisitque eos, ut in ipsis experiretur Israëlem, utrum audiret mandata Domini quæ præceperat patribus eorum per manum Moysi, an non. 5 Itaque filii Israël habitaverunt in medio Chananæi, et Hethæi, et Amorrhæi, et Pherezæi, et Hevæi, et Jebusæi: 6 et duxerunt uxores filias eorum, ipsique filias suas filiis eorum tradiderunt, et servierunt diis eorum. 7 Feceruntque malum in conspectu Domini, et obliti sunt Dei sui, servientes Baalim et Astaroth. 8 Iratusque contra Israël Dominus, tradidit eos in manus Chusan Rasathaim regis Mesopotamiæ, servieruntque ei octo annis. 9 Et clamaverunt ad Dominum, qui suscitavit eis salvatorem, et liberavit eos, Othoniel videlicet filium Cenez, fratrem Caleb minorem: 10 fuitque in eo spiritus Domini, et judicavit Israël. Egressusque est ad pugnam, et tradidit Dominus in manus ejus Chusan Rasathaim regem Syriæ, et oppressit eum. 11 Quievitque terra quadraginta annis, et mortuus est Othoniel filius Cenez. 12 Addiderunt autem filii Israël facere malum in conspectu Domini: qui confortavit adversum eos Eglon regem Moab, quia fecerunt malum in conspectu ejus. 13 Et copulavit ei filios Ammon, et Amalec: abiitque et percussit Israël, atque possedit urbem palmarum. 14 Servieruntque filii Israël Eglon regi Moab decem et octo annis. 15 Et postea clamaverunt ad Dominum, qui suscitavit eis salvatorem vocabulo Aod, filium Gera, filii Jemini, qui utraque manu pro dextera utebatur. Miseruntque filii Israël per illum munera Eglon regi Moab. 16 Qui fecit sibi gladium ancipitem, habentem in medio capulum longitudinis palmæ manus, et accinctus est eo subter sagum in dextro femore. 17 Obtulitque munera Eglon regi Moab. Erat autem Eglon crassus nimis. 18 Cumque obtulisset ei munera, prosecutus est socios, qui cum eo venerant. 19 Et reversus de Galgalis, ubi erant idola, dixit ad regem: Verbum secretum habeo ad te, o rex. Et ille imperavit silentium: egressisque omnibus qui circa eum erant, 20 ingressus est Aod ad eum: sedebat autem in æstivo cœnaculo solus: dixitque: Verbum Dei habeo ad te. Qui statim surrexit de throno. 21 Extenditque Aod sinistram manum, et tulit sicam de dextro femore suo, infixitque eam in ventre ejus 22 tam valide, ut capulus sequeretur ferrum in vulnere, ac pinguissimo adipe stringeretur. Nec eduxit gladium, sed ita ut percusserat, reliquit in corpore: statimque per secreta naturæ alvi stercora proruperunt. 23 Aod autem clausis diligentissime ostiis cœnaculi, et obfirmatis sera, 24 per posticum egressus est. Servique regis ingressi viderunt clausas fores cœnaculi, atque dixerunt: Forsitan purgat alvum in æstivo cubiculo. 25 Expectantesque diu donec erubescerent, et videntes quod nullus aperiret, tulerunt clavem: et aperientes invenerunt dominum suum in terra jacentem mortuum. 26 Aod autem, dum illi turbarentur, effugit, et pertransiit locum idolorum, unde reversus fuerat. Venitque in Seirath: 27 et statim insonuit buccina in monte Ephraim, descenderuntque cum eo filii Israël, ipso in fronte gradiente. 28 Qui dixit ad eos: Sequimini me: tradidit enim Dominus inimicos nostros Moabitas in manus nostras. Descenderuntque post eum, et occupaverunt vada Jordanis quæ transmittunt in Moab: et non dimiserunt transire quemquam: 29 sed percusserunt Moabitas in tempore illo, circiter decem millia, omnes robustos et fortes viros. Nullus eorum evadere potuit. 30 Humiliatusque est Moab in die illo sub manu Israël: et quievit terra octoginta annis. 31 Post hunc fuit Samgar filius Anath, qui percussit de Philisthiim sexcentos viros vomere: et ipse quoque defendit Israël.
Jueces 3 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Personas y lugares de este capítulo
Del árbol genealógico y los mapas bíblicos de este sitio (en inglés), solo donde esas guías citan este capítulo.
Personas
Anath
Named only as the father of the judge Shamgar.
Citado en la guía: Judges 3:31; Judges 5:6
Cushan-rishathaim
King of Aram-naharaim into whose hand the LORD sold Israel for eight years until Othniel defeated him.
Citado en la guía: Judges 3:8; Judges 3:10
Eglon
Obese king of Moab who, joined by the Ammonites and Amalekites, defeated Israel, took the City of Palms and ruled Israel eighteen years until Ehud killed him in his upper room.
Citado en la guía: Judges 3:12; Judges 3:14; Judges 3:17
Ehud
Left-handed Benjamite whom the LORD raised up as deliverer, who killed Eglon king of Moab with a double-edged sword and led Israel to subdue Moab, giving the land eighty years of…
Citado en la guía: Judges 3:15; Judges 3:21; Judges 3:26
Gera
Benjamite named as the father of the judge Ehud.
Citado en la guía: Judges 3:15
Kenaz
Brother of Caleb (his younger brother, according to Judges) and father of Othniel, the first judge after Joshua.
Citado en la guía: Joshua 15:17; Judges 1:13; Judges 3:9
Othniel
Son of Caleb's brother Kenaz who captured Kiriath-sepher and so won Caleb's daughter Acsah as his wife, and later, with the Spirit of the LORD upon him, judged Israel and defeated…
Citado en la guía: Joshua 15:17; Judges 1:13; Judges 3:9–11
Shamgar
Son of Anath who saved Israel by striking down six hundred Philistines with an oxgoad, and whose days are recalled in Deborah's song.
Citado en la guía: Judges 3:31; Judges 5:6
Referencias cruzadas (26)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Jueces 2:21–22; Proverbios 17:3; Deuteronomio 7:22; 1 Pedro 4:12; Deuteronomio 8:16
- 2 2 Timoteo 2:3; Génesis 3:5; Génesis 2:17; Génesis 3:7; 2 Crónicas 12:8
- 3 Josué 13:3; Josué 13:5; 1 Samuel 6:18; 1 Samuel 13:5; Jueces 10:12
- 4 Jueces 2:22; Jueces 3:1; Éxodo 15:25; Deuteronomio 8:2; Deuteronomio 33:8
- 5 Salmo 106:34–38; Éxodo 3:8; Génesis 10:15–18; Éxodo 3:17; Josué 9:1
- 6 Éxodo 34:16; Deuteronomio 7:3–4; 1 Reyes 11:1–5; Esdras 9:11–12; Nehemías 13:23–27
- 7 Éxodo 34:13; Deuteronomio 4:9; 2 Reyes 23:6; 1 Reyes 18:19; 2 Reyes 23:14
- 8 Jueces 2:14; Salmo 85:3; Jueces 4:9; Habacuc 3:7; Deuteronomio 29:20
- 9 Jueces 3:15; Salmo 22:5; Jueces 1:13; Jueces 6:7; Jueces 10:10
- 10 Jueces 14:19; Jueces 11:29; Jueces 14:6; 1 Samuel 11:6; Jueces 13:25
- 11 Jueces 5:31; Jueces 3:30; Josué 11:23; Jueces 8:28; Ester 9:22
- 12 1 Samuel 12:9; Juan 19:11; Jueces 2:19; Daniel 5:18; 2 Reyes 5:1
- 13 Jueces 1:16; Deuteronomio 34:3; Jueces 5:14; Salmo 83:6–7
- 14 Levítico 26:23–25; Deuteronomio 28:40; Deuteronomio 28:47–48
- 15 Jueces 3:9; Salmo 78:34; Jueces 20:16; Isaías 36:16; Jeremías 33:3
- 16 Apocalipsis 2:12; Hebreos 4:12; Salmo 45:3; Jueces 3:21; Apocalipsis 1:16
- 17 Ezequiel 34:20; Job 15:27; Jeremías 5:28; Jueces 3:29; Salmo 73:19
- 19 Josué 4:20; Hechos 23:18–19; 2 Reyes 9:5–6; Jueces 3:20; Génesis 45:1
- 20 Jeremías 10:7; Amós 3:15; Jueces 3:19; Miqueas 6:9; 2 Samuel 24:12
- 21 1 Samuel 15:33; 2 Corintios 5:16; Zacarías 13:3; Job 20:25; Números 25:7–8
- 24 1 Samuel 24:3
- 27 1 Samuel 13:3; Jueces 6:34; Jueces 17:1; 2 Reyes 9:13; Jueces 7:24
- 28 Jueces 12:5; Jueces 7:15; Jueces 7:9; Josué 2:7; 1 Samuel 17:47
- 29 Deuteronomio 32:15; Jueces 3:17; Salmo 17:10; Job 15:27
- 30 Jueces 3:11; Jueces 5:31
- 31 Jueces 5:6; 1 Samuel 17:47; 1 Corintios 1:17; 1 Samuel 17:50; Jueces 2:16
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias