Ezequiel 24 Vulgata Clementina
Audio: Reina-Valera Antigua (RVA), leído por Joyfull · Sobre las grabaciones
Ezequiel no está en PT1904.
1 Et factum est verbum Domini ad me in anno nono, in mense decimo, decima die mensis, dicens:
·
2 Fili hominis, scribe tibi nomen diei hujus, in qua confirmatus est rex Babylonis adversum Jerusalem hodie.
·
3 Et dices per proverbium ad domum irritatricem parabolam, et loqueris ad eos: Hæc dicit Dominus Deus: Pone ollam; pone, inquam, et mitte in eam aquam.
·
4 Congere frusta ejus in eam, omnem partem bonam, femur et armum, electa et ossibus plena.
·
5 Pinguissimum pecus assume, compone quoque strues ossium sub ea: efferbuit coctio ejus, et discocta sunt ossa illius in medio ejus.
·
6 Propterea hæc dicit Dominus Deus: Væ civitati sanguinum, ollæ cujus rubigo in ea est, et rubigo ejus non exivit de ea ! per partes et per partes suas ejice eam: non cecidit super eam sors.
·
7 Sanguis enim ejus in medio ejus est; super limpidissimam petram effudit illum: non effudit illum super terram, ut possit operiri pulvere.
·
8 Ut superinducerem indignationem meam, et vindicta ulciscerer, dedi sanguinem ejus super petram limpidissimam, ne operiretur.
·
9 Propterea hæc dicit Dominus Deus: Væ civitati sanguinum, cujus ego grandem faciam pyram !
·
10 Congere ossa, quæ igne succendam: consumentur carnes, et coquetur universa compositio, et ossa tabescent.
·
11 Pone quoque eam super prunas vacuam, ut incalescat, et liquefiat æs ejus, et confletur in medio ejus inquinamentum ejus, et consumatur rubigo ejus.
·
12 Multo labore sudatum est, et non exivit de ea nimia rubigo ejus, neque per ignem.
·
13 Immunditia tua execrabilis, quia mundare te volui, et non es mundata a sordibus tuis: sed nec mundaberis prius, donec quiescere faciam indignationem meam in te.
·
14 Ego Dominus locutus sum: veniet, et faciam: non transeam, nec parcam, nec placabor: juxta vias tuas, et juxta adinventiones tuas judicabo te, dicit Dominus.
·
15 Et factum est verbum Domini ad me, dicens:
·
16 Fili hominis, ecce ego tollo a te desiderabile oculorum tuorum in plaga: et non planges, neque plorabis, neque fluent lacrimæ tuæ.
·
17 Ingemisce tacens: mortuorum luctum non facies: corona tua circumligata sit tibi, et calceamenta tua erunt in pedibus tuis: nec amictu ora velabis, nec cibos lugentium comedes.
·
18 Locutus sum ergo ad populum mane, et mortua est uxor mea vespere: fecique mane sicut præceperat mihi.
·
19 Et dixit ad me populus: Quare non indicas nobis quid ista significent quæ tu facis?
·
20 Et dixi ad eos: Sermo Domini factus est ad me, dicens:
·
21 Loquere domui Israël: Hæc dicit Dominus Deus: Ecce ego polluam sanctuarium meum, superbiam imperii vestri, et desiderabile oculorum vestrorum, et super quo pavet anima vestra: filii vestri et filiæ vestræ quas reliquistis, gladio cadent.
·
22 Et facietis sicut feci: ora amictu non velabitis, et cibos lugentium non comedetis:
·
23 coronas habebitis in capitibus vestris, et calceamenta in pedibus: non plangetis, neque flebitis, sed tabescetis in iniquitatibus vestris, et unusquisque gemet ad fratrem suum.
·
24 Eritque Ezechiel vobis in portentum: juxta omnia quæ fecit, facietis cum venerit istud: et scietis quia ego Dominus Deus.
·
25 Et tu, fili hominis, ecce in die qua tollam ab eis fortitudinem eorum, et gaudium dignitatis, et desiderium oculorum eorum, super quo requiescunt animæ eorum, filios et filias eorum:
·
26 in die illa, cum venerit fugiens ad te ut annuntiet tibi:
·
27 in die, inquam illa, aperietur os tuum cum eo qui fugit, et loqueris, et non silebis ultra: erisque eis in portentum, et scietis quia ego Dominus.
·
Personas y lugares de este capítulo
Del árbol genealógico y los mapas bíblicos de este sitio (en inglés), solo donde esas guías citan este capítulo.
Personas
Ezekiel
The priest, son of Buzi, among the exiles by the Chebar Canal to whom the word of the LORD came.
Citado en la guía: Ezekiel 1:3; Ezekiel 24:24
Referencias cruzadas (25)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Ezequiel 20:1; Ezequiel 8:1; 2 Reyes 24:12; Ezequiel 32:1; Ezequiel 33:21
- 2 2 Reyes 25:1; Jeremías 39:1; Jeremías 52:4; Isaías 30:8–9; Habacuc 2:2–3
- 3 Ezequiel 20:49; Ezequiel 11:3; Ezequiel 17:2; Isaías 1:2; Ezequiel 2:6
- 4 Miqueas 3:2–3; Ezequiel 22:18–22; Mateo 7:2
- 5 Jeremías 52:24–27; Jeremías 52:10; Jeremías 39:6; Ezequiel 20:47; Ezequiel 24:9–10
- 6 Ezequiel 22:2; Nahúm 3:1; Ezequiel 22:27; Miqueas 7:2; Abdías 11
- 7 Levítico 17:13; Deuteronomio 12:16; Deuteronomio 12:24; Job 16:18; Jeremías 2:34
- 8 Deuteronomio 32:21–22; Ezequiel 23:45; Ezequiel 16:37–38; 1 Corintios 4:5; Deuteronomio 29:22–28
- 9 Habacuc 2:12; Ezequiel 24:6; 2 Pedro 3:7–12; Apocalipsis 16:6; Ezequiel 22:31
- 10 Lamentaciones 1:10; Jeremías 17:3; Jeremías 20:5; Lamentaciones 2:16
- 11 Jeremías 21:10; Malaquías 4:1; Isaías 1:25; Jeremías 38:18; 1 Corintios 3:12–13
- 12 Jeremías 5:3; Jeremías 9:5; Jeremías 2:13; Jeremías 51:58; Daniel 9:13–14
- 13 Ezequiel 5:13; Ezequiel 22:24; Ezequiel 16:42; Ezequiel 8:18; Sofonías 3:2
- 14 Mateo 16:27; Isaías 3:11; Ezequiel 18:30; Ezequiel 7:4; Ezequiel 5:11
- 16 Jeremías 22:10; Jeremías 13:17; 1 Tesalonicenses 4:13; Ezequiel 24:18; Cantar de los Cantares 7:10
- 17 Oseas 9:4; 2 Samuel 15:30; Levítico 21:10; Levítico 10:6; Jeremías 16:4–7
- 18 1 Corintios 7:29–30
- 19 Ezequiel 12:9; Ezequiel 37:18; Ezequiel 17:12; Ezequiel 20:49; Ezequiel 21:7
- 21 Ezequiel 23:47; Salmo 27:4; Jeremías 7:14; Ezequiel 23:25; Salmo 84:1
- 22 Jeremías 16:4–7; Amós 6:9–10; Ezequiel 24:16–17; Salmo 78:64; Jeremías 47:3
- 23 Ezequiel 4:17; Levítico 26:39; Ezequiel 33:10; Job 27:15; Isaías 59:11
- 24 Ezequiel 4:3; Ezequiel 12:11; Lucas 11:29–30; Isaías 20:3; Ezequiel 6:7
- 25 Ezequiel 24:21; Salmo 48:2; Jeremías 11:22; Salmo 50:2; Salmo 122:1–9
- 26 Job 1:15–19; Ezequiel 33:21–22; 1 Samuel 4:12–18
- 27 Ezequiel 33:22; Ezequiel 29:21; Éxodo 6:11–12; Salmo 51:15; Ezequiel 3:26–27
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias