1 Onus Damasci. [Ecce Damascus desinet esse civitas, et erit sicut acervus lapidum in ruina. 2 Derelictæ civitates Aroër gregibus erunt, et requiescent ibi, et non erit qui exterreat. 3 Et cessabit adjutorium ab Ephraim, et regnum a Damasco; et reliquiæ Syriæ sicut gloria filiorum Israël erunt, dicit Dominus exercituum. 4 Et erit in die illa: attenuabitur gloria Jacob, et pinguedo carnis ejus marcescet. 5 Et erit sicut congregans in messe quod restiterit, et brachium ejus spicas leget; et erit sicut quærens spicas in valle Raphaim. 6 Et relinquetur in eo sicut racemus et sicut excussio oleæ duarum vel trium olivarum in summitate rami, sive quatuor aut quinque in cacuminibus ejus fructus ejus, dicit Dominus Deus Israël. 7 In die illa inclinabitur homo ad factorem suum, et oculi ejus ad Sanctum Israël respicient; 8 et non inclinabitur ad altaria quæ fecerunt manus ejus; et quæ operati sunt digiti ejus non respiciet lucos et delubra. 9 In die illa erunt civitates fortitudinis ejus derelictæ sicut aratra, et segetes quæ derelictæ sunt a facie filiorum Israël; et eris deserta. 10 Quia oblitus es Dei salvatoris tui, et fortis adjutoris tui non es recordata: propterea plantabis plantationem fidelem, et germen alienum seminabis; 11 in die plantationis tuæ labrusca, et mane semen tuum florebit; ablata est messis in die hæreditatis, et dolebit graviter. 12 Væ multitudini populorum multorum, ut multitudo maris sonantis; et tumultus turbarum, sicut sonitus aquarum multarum. 13 Sonabunt populi sicut sonitus aquarum inundantium, et increpabit eum, et fugiet procul; et rapietur sicut pulvis montium a facie venti, et sicut turbo coram tempestate. 14 In tempore vespere, et ecce turbatio; in matutino, et non subsistet. Hæc est pars eorum qui vastaverunt nos, et sors diripientium nos.]
Isaías 17 Vulgata Clementina
Referencias cruzadas (14)
Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.
- 1 Amós 1:3–5; Isaías 25:2; Zacarías 9:1; Jeremías 49:2; Jeremías 49:23–27
- 2 Ezequiel 25:5; Deuteronomio 2:36; Sofonías 2:6; Jeremías 7:33; Números 32:34
- 3 Isaías 7:16; Isaías 8:4; Oseas 9:11; Isaías 7:8; Miqueas 1:4–9
- 4 Isaías 10:16; Deuteronomio 32:15–27; Ezequiel 34:20; Isaías 9:8; Isaías 24:13
- 5 Mateo 13:30; Jeremías 51:33; Joel 3:13; 2 Samuel 5:18; Apocalipsis 14:15–20
- 6 Isaías 24:13; Deuteronomio 4:27; Abdías 5; Romanos 11:4–6; Romanos 9:27
- 7 Miqueas 7:7; Oseas 6:1; Oseas 3:5; Oseas 14:1–3; Isaías 29:24
- 8 Isaías 30:22; Isaías 27:9; Isaías 2:8; Miqueas 5:13–14; Oseas 10:1–2
- 9 Isaías 27:10; Amós 3:11–15; Oseas 10:14; Isaías 17:4–5; Oseas 13:15–16
- 10 Jeremías 2:32; Isaías 26:4; Salmo 106:21; Deuteronomio 32:18; Deuteronomio 32:4
- 11 Oseas 8:7; Job 4:8; Isaías 65:13–14; Romanos 2:5; Gálatas 6:7–8
- 12 Lucas 21:25; Jeremías 6:23; Salmo 18:4; Apocalipsis 17:15; Ezequiel 43:2
- 13 Salmo 9:5; Salmo 1:4; Isaías 41:15–16; Job 21:18; Isaías 29:5
- 14 2 Reyes 19:35; Proverbios 22:23; Ezequiel 39:10; Isaías 10:28–32; 2 Reyes 19:3
Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias