1 Septem annorum erat Joas cum regnare cœpisset, et quadraginta annis regnavit in Jerusalem: nomen matris ejus Sebia de Bersabee. 2 Fecitque quod bonum est coram Domino cunctis diebus Jojadæ sacerdotis. 3 Accepit autem ei Jojada uxores duas, e quibus genuit filios et filias. 4 Post quæ placuit Joas ut instauraret domum Domini. 5 Congregavitque sacerdotes et Levitas, et dixit eis: Egredimini ad civitates Juda, et colligite de universo Israël pecuniam ad sartatecta templi Dei vestri per singulos annos, festinatoque hoc facite. Porro Levitæ egere negligentius. 6 Vocavitque rex Jojadam principem, et dixit ei: Quare tibi non fuit curæ, ut cogeres Levitas inferre de Juda et de Jerusalem pecuniam quæ constituta est a Moyse servo Domini, ut inferret eam omnis multitudo Israël in tabernaculum testimonii? 7 Athalia enim impiissima, et filii ejus, destruxerunt domum Dei, et de universis quæ sanctificata fuerant in templo Domini, ornaverunt fanum Baalim. 8 Præcepit ergo rex, et fecerunt arcam: posueruntque eam juxta portam domus Domini forinsecus. 9 Et prædicatum est in Juda et Jerusalem ut deferrent singuli pretium Domino, quod constituit Moyses servus Dei super omnem Israël in deserto. 10 Lætatique sunt cuncti principes, et omnis populus, et ingressi contulerunt in arcam Domini, atque miserunt ita ut impleretur. 11 Cumque tempus esset ut deferrent arcam coram rege per manus Levitarum (videbant enim multam pecuniam), ingrediebatur scriba regis, et quem primus sacerdos constituerat, effundebantque pecuniam quæ erat in arca, porro arcam reportabant ad locum suum: sicque faciebant per singulos dies. Et congregata est infinita pecunia, 12 quam dederunt rex et Jojada his qui præerant operibus domus Domini: at illi conducebant ex ea cæsores lapidum, et artifices operum singulorum ut instaurarent domum Domini: fabros quoque ferri et æris, ut quod cadere cœperat, fulciretur. 13 Egeruntque hi qui operabantur industrie, et obducebatur parietum cicatrix per manus eorum, ac suscitaverunt domum Domini in statum pristinum, et firmiter eam stare fecerunt. 14 Cumque complessent omnia opera, detulerunt coram rege et Jojada reliquam partem pecuniæ: de qua facta sunt vasa templi in ministerium, et ad holocausta, phialæ quoque, et cetera vasa aurea et argentea: offerebantur holocausta in domo Domini jugiter cunctis diebus Jojadæ. 15 Senuit autem Jojada plenus dierum, et mortuus est cum esset centum triginta annorum: 16 sepelieruntque eum in civitate David cum regibus, eo quod fecisset bonum cum Israël, et cum domo ejus. 17 Postquam autem obiit Jojada, ingressi sunt principes Juda, et adoraverunt regem: qui delinitus obsequiis eorum, acquievit eis. 18 Et dereliquerunt templum Domini Dei patrum suorum, servieruntque lucis et sculptilibus: et facta est ira contra Judam et Jerusalem propter hoc peccatum. 19 Mittebatque eis prophetas ut reverterentur ad Dominum, quos protestantes illi audire nolebant. 20 Spiritus itaque Dei induit Zachariam filium Jojadæ sacerdotem, et stetit in conspectu populi, et dixit eis: Hæc dicit Dominus Deus: Quare transgredimini præceptum Domini, quod vobis non proderit, et dereliquistis Dominum ut derelinqueret vos? 21 Qui congregati adversus eum, miserunt lapides juxta regis imperium in atrio domus Domini. 22 Et non est recordatus Joas rex misericordiæ quam fecerat Jojada pater illius secum, sed interfecit filium ejus. Qui cum moreretur, ait: Videat Dominus, et requirat. 23 Cumque evolutus esset annus, ascendit contra eum exercitus Syriæ: venitque in Judam et Jerusalem, et interfecit cunctos principes populi, atque universam prædam miserunt regi in Damascum. 24 Et certe cum permodicus venisset numerus Syrorum, tradidit Dominus in manibus eorum infinitam multitudinem, eo quod dereliquissent Dominum Deum patrum suorum: in Joas quoque ignominiosa exercuere judicia. 25 Et abeuntes dimiserunt eum in languoribus magnis: surrexerunt autem contra eum servi sui in ultionem sanguinis filii Jojadæ sacerdotis, et occiderunt eum in lectulo suo, et mortuus est: sepelieruntque eum in civitate David, sed non in sepulchris regum. 26 Insidiati vero sunt ei Zabad filius Semaath Ammanitidis, et Jozabad filius Semmarith Moabitidis. 27 Porro filii ejus, ac summa pecuniæ quæ adunata fuerat sub eo, et instauratio domus Dei, scripta sunt diligentius in libro regum: regnavit autem Amasias filius ejus pro eo.
2 Chronicles · Clementine Vulgate
2 Chronicles 24 Clementine Vulgate
Audio: World English Bible (WEB), read by Winfred W. Henson · About the recordings
People & places in this chapter
From this site's family tree and Bible maps, only where those guides cite this chapter.
People
Jehozabad
A servant of Joash, called 'son of Shomer', who struck Joash down at Beth-millo.
Cited in the guide: 2 Kings 12:21; 2 Chronicles 24:26
Jozabad
A servant of Joash, called 'son of Shimeath', who struck Joash down at Beth-millo.
Cited in the guide: 2 Kings 12:21; 2 Chronicles 24:26
Shimeath
Ammonitess named as the mother of Zabad, who conspired against Joash.
Cited in the guide: 2 Chronicles 24:26
Shimrith
Moabitess named as the mother of Jehozabad, who conspired against Joash.
Cited in the guide: 2 Chronicles 24:26
Zechariah
Son of Jehoiada the priest on whom the Spirit of God came; he rebuked the people and was stoned by order of King Joash in the courtyard, saying "May the LORD see this and call you…
Cited in the guide: 2 Chronicles 24:20; 2 Chronicles 24:21; 2 Chronicles 24:22
Zibiah
A woman of Beersheba named as the mother of King Joash of Judah.
Cited in the guide: 2 Kings 12:1; 2 Chronicles 24:1
Cross references (26)
Related passages for each verse, from the Treasury of Scripture Knowledge as collected and ranked by readers at OpenBible.info.
- 1 1 Chronicles 3:11; 2 Kings 11:21–12:15
- 2 2 Chronicles 25:2; 2 Chronicles 26:4–5; 2 Chronicles 24:17–22; 2 Kings 12:2; Isaiah 29:13
- 3 Matthew 19:4–8; Genesis 4:19; Genesis 21:21; 2 Chronicles 24:15; Genesis 24:4
- 5 2 Kings 12:4–7; 2 Chronicles 29:3; 2 Chronicles 34:8–9; 2 Chronicles 21:2
- 6 Exodus 30:12–16; Numbers 1:50; Numbers 17:7–8; Acts 7:44; 2 Samuel 24:3
- 7 2 Chronicles 21:17; Ezekiel 16:17–21; Daniel 5:2–4; Proverbs 10:7; 2 Kings 12:4
- 8 2 Kings 12:8–9; Mark 12:41
- 9 2 Chronicles 24:6; Matthew 17:24–27
- 10 2 Corinthians 9:7; Acts 2:45–47; 1 Chronicles 29:9; 2 Corinthians 8:2; Isaiah 64:5
- 11 1 Corinthians 16:2; 2 Kings 12:10–12
- 12 2 Chronicles 34:9–11; 1 Kings 5:15
- 13 Nehemiah 4:7; Haggai 2:3; 1 Chronicles 22:5; Mark 13:1–2
- 14 2 Kings 12:13–14; 1 Kings 7:50; Numbers 28:2–29; Proverbs 27:22; Exodus 29:38–42
- 15 Psalm 90:10; Genesis 25:8; Genesis 47:9; Psalm 91:16; Genesis 15:15
- 16 Hebrews 6:10; 2 Chronicles 31:20; Nehemiah 13:14; 2 Chronicles 23:1–21; 1 Kings 2:10
- 17 Deuteronomy 31:27; Daniel 11:32; Proverbs 20:19; Proverbs 29:12; 2 Peter 1:15
- 18 Joshua 22:20; Ephesians 5:6; 2 Chronicles 19:2; 2 Chronicles 24:4; 2 Chronicles 32:25
- 19 Jeremiah 26:5; Luke 16:31; 2 Kings 17:13–15; Isaiah 55:3; Matthew 13:9
- 20 Numbers 14:41; Jeremiah 5:25; 2 Chronicles 15:1–2; 2 Chronicles 20:14; 1 Chronicles 12:18
- 21 Nehemiah 9:26; Acts 7:58–59; Jeremiah 38:4–6; Jeremiah 18:18; Jeremiah 11:19
- 22 Genesis 9:5; Luke 11:51; John 10:32; Revelation 19:2; Revelation 6:9–11
- 23 2 Kings 12:17–18; Deuteronomy 32:35; 1 Kings 20:22; Psalm 82:6–7; 2 Chronicles 24:17–18
- 24 Leviticus 26:37; 2 Chronicles 22:8; Leviticus 26:8; Leviticus 26:25; Deuteronomy 28:25
- 25 2 Chronicles 28:27; 2 Chronicles 24:21–22; Psalm 10:14; 2 Kings 14:19–20; 2 Chronicles 21:18–20
- 26 2 Kings 12:21
- 27 2 Chronicles 16:11; 2 Chronicles 25:1; 2 Chronicles 24:12; 1 Chronicles 3:12; 2 Chronicles 9:29
Cross references: OpenBible.info (CC BY), drawn mainly from the public-domain Treasury of Scripture Knowledge. · Sources & licences