Saltar al texto

Ezequiel · Vulgata Clementina

Ezequiel 27 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

Ezequiel no está en PT1904.

VUL Vulgata Clementina
PT1904 Texto Patriarcal 1904 (acentuado, edición de eBible)
1 Et factum est verbum Domini ad me, dicens:
·
2 Tu ergo, fili hominis, assume super Tyrum lamentum:
·
3 et dices Tyro, quæ habitat in introitu maris, negotiationi populorum ad insulas multas: [Hæc dicit Dominus Deus: O Tyre, tu dixisti: Perfecti decoris ego sum,
·
4 et in corde maris sita. Finitimi tui qui te ædificaverunt, impleverunt decorem tuum:
·
5 abietibus de Sanir exstruxerunt te cum omnibus tabulatis maris: cedrum de Libano tulerunt ut facerent tibi malum.
·
6 Quercus de Basan dolaverunt in remos tuos, et transtra tua fecerunt tibi ex ebore indico, et prætoriola de insulis Italiæ.
·
7 Byssus varia de Ægypto texta est tibi in velum ut poneretur in malo: hyacinthus et purpura de insulis Elisa facta sunt operimentum tuum.
·
8 Habitatores Sidonis et Aradii fuerunt remiges tui: sapientes tui, Tyre, facti sunt gubernatores tui.
·
9 Senes Giblii et prudentes ejus habuerunt nautas ad ministerium variæ supellectilis tuæ: omnes naves maris, et nautæ earum, fuerunt in populo negotiationis tuæ.
·
10 Persæ, et Lydii, et Libyes erant in exercitu tuo viri bellatores tui: clypeum et galeam suspenderunt in te pro ornatu tuo.
·
11 Filii Aradii cum exercitu tuo erant super muros tuos in circuitu: sed et Pigmæi qui erant in turribus tuis, pharetras suas suspenderunt in muris tuis per gyrum: ipsi compleverunt pulchritudinem tuam.
·
12 Carthaginenses negotiatores tui, a multitudine cunctarum divitiarum, argento, ferro, stanno, plumboque repleverunt nundinas tuas.
·
13 Græcia, Thubal, et Mosoch, ipsi institores tui: mancipia, et vasa ærea advexerunt populo tuo.
·
14 De domo Thogorma, equos, et equites, et mulos adduxerunt ad forum tuum.
·
15 Filii Dedan negotiatores tui; insulæ multæ, negotiatio manus tuæ: dentes eburneos et hebeninos commutaverunt in pretio tuo.
·
16 Syrus negotiator tuus propter multitudinem operum tuorum: gemmam, et purpuram, et scutulata, et byssum, et sericum, et chodchod proposuerunt in mercatu tuo.
·
17 Juda et terra Israël, ipsi institores tui in frumento primo: balsamum, et mel, et oleum, et resinam proposuerunt in nundinis tuis.
·
18 Damascenus negotiator tuus in multitudine operum tuorum, in multitudine diversarum opum, in vino pingui, in lanis coloris optimi.
·
19 Dan, et Græcia, et Mosel, in nundinis tuis proposuerunt ferrum fabrefactum: stacte et calamus in negotiatione tua.
·
20 Dedan institores tui in tapetibus ad sedendum.
·
21 Arabia et universi principes Cedar, ipsi negotiatores manus tuæ: cum agnis, et arietibus, et hædis, venerunt ad te negotiatores tui.
·
22 Venditores Saba et Reema, ipsi negotiatores tui: cum universis primis aromatibus, et lapide pretioso, et auro, quod proposuerunt in mercatu tuo.
·
23 Haran, et Chene, et Eden, negotiatores tui; Saba, Assur, et Chelmad venditores tui.
·
24 Ipsi negotiatores tui multifariam, involucris hyacinthi, et polymitorum, gazarumque pretiosarum, quæ obvolutæ et astrictæ erant funibus: cedros quoque habebant in negotiationibus tuis.
·
25 Naves maris, principes tui in negotiatione tua: et repleta es, et glorificata nimis in corde maris.]
·
26 [In aquis multis adduxerunt te remiges tui: ventus auster contrivit te in corde maris.
·
27 Divitiæ tuæ, et thesauri tui, et multiplex instrumentum tuum: nautæ tui et gubernatores tui, qui tenebant supellectilem tuam, et populo tuo præerant: viri quoque bellatores tui, qui erant in te, cum universa multitudine tua quæ est in medio tui, cadent in corde maris in die ruinæ tuæ:
·
28 a sonitu clamoris gubernatorum tuorum conturbabuntur classes.
·
29 Et descendent de navibus suis omnes qui tenebant remum: nautæ et universi gubernatores maris in terra stabunt.
·
30 Et ejulabunt super te voce magna: et clamabunt amare, et superjacient pulverem capitibus suis, et cinere conspergentur.
·
31 Et radent super te calvitium, et accingentur ciliciis: et plorabunt te in amaritudine animæ, ploratu amarissimo.
·
32 Et assument super te carmen lugubre, et plangent te: Quæ est ut Tyrus, quæ obmutuit in medio maris?
·
33 Quæ in exitu negotiationum tuarum de mari implesti populos multos: in multitudine divitiarum tuarum, et populorum tuorum, ditasti reges terræ.
·
34 Nunc contrita es a mari: in profundis aquarum opes tuæ, et omnis multitudo tua quæ erat in medio tui, ceciderunt.
·
35 Universi habitatores insularum obstupuerunt super te, et reges earum omnes tempestate perculsi mutaverunt vultus.
·
36 Negotiatores populorum sibilaverunt super te: ad nihilum deducta es, et non eris usque in perpetuum.]
·
Referencias cruzadas (35)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 2 Jeremías 9:17–20; Ezequiel 19:1; Jeremías 9:10; Ezequiel 28:12; Ezequiel 26:17
  2. 3 Ezequiel 27:4; Apocalipsis 18:3; Isaías 23:2–3; Apocalipsis 18:11–15; Salmo 50:2
  3. 4 Ezequiel 26:5
  4. 5 Deuteronomio 3:9; Cantar de los Cantares 4:8; Isaías 14:8; Salmo 29:5; Salmo 104:16
  5. 6 Isaías 2:13; Génesis 10:4; Zacarías 11:2; Jeremías 2:10; Números 24:24
  6. 7 Éxodo 25:4; Jeremías 10:9; Génesis 10:4; Isaías 19:9; 1 Reyes 10:28
  7. 8 Génesis 10:18; 1 Reyes 9:27; Ezequiel 27:11; Génesis 49:13; 1 Reyes 5:6
  8. 9 1 Reyes 5:18; Josué 13:5; Salmo 83:7
  9. 10 Ezequiel 30:5; Ezequiel 38:5; Jeremías 46:9; Cantar de los Cantares 4:4; Isaías 66:19
  10. 11 Ezequiel 27:3–4
  11. 12 1 Reyes 10:22; Génesis 10:4; Isaías 23:10; Ezequiel 38:13; Jonás 1:3
  12. 13 Génesis 10:2; Isaías 66:19; Ezequiel 39:1; 1 Crónicas 1:5; Apocalipsis 18:13
  13. 14 Génesis 10:3; Ezequiel 38:6; 1 Crónicas 1:6
  14. 15 Apocalipsis 18:12; 1 Reyes 10:22; Génesis 10:7; Ezequiel 27:20; Jeremías 25:23
  15. 16 Jueces 10:6; Ezequiel 28:13; Génesis 28:5; Génesis 10:22; 2 Samuel 10:6
  16. 17 Jueces 11:33; 1 Reyes 5:9; Deuteronomio 32:14; Esdras 3:7; Génesis 43:11
  17. 18 Isaías 7:8; 1 Reyes 11:24–25; Ezequiel 47:16–18; Génesis 14:15; Génesis 15:2
  18. 19 Éxodo 30:23–24; Salmo 45:8; Jueces 18:29; Cantar de los Cantares 4:13–14
  19. 20 Génesis 25:3; Ezequiel 27:15
  20. 21 Isaías 60:7; Génesis 25:13; Hechos 2:11; Cantar de los Cantares 1:5; 2 Crónicas 17:11
  21. 22 Génesis 10:7; Isaías 60:6; Salmo 72:15; Salmo 72:10; Ezequiel 38:13
  22. 23 2 Reyes 19:12; Isaías 37:12; Génesis 10:22; Amós 1:5; Números 24:22
  23. 24 2 Reyes 2:8
  24. 25 Isaías 2:16; Isaías 23:14; Salmo 48:7; Isaías 60:9; 1 Reyes 10:22
  25. 26 Salmo 48:7; Hechos 27:14; Ezequiel 26:19; Jeremías 18:17; Apocalipsis 17:15
  26. 27 Proverbios 11:4; Ezequiel 27:34; Ezequiel 26:21; Ezequiel 26:14; Ezequiel 27:18–19
  27. 28 Ezequiel 26:10; Nahúm 2:3; Ezequiel 26:15–18; Éxodo 15:14; Ezequiel 31:16
  28. 29 Ezequiel 26:16; Apocalipsis 18:17–24; Ezequiel 32:10
  29. 30 Jeremías 6:26; Lamentaciones 2:10; 2 Samuel 1:2; Jonás 3:6; 1 Samuel 4:12
  30. 31 Ezequiel 7:18; Isaías 22:12; Isaías 16:9; Isaías 15:2; Isaías 22:4
  31. 32 Ezequiel 26:17; Ezequiel 27:2; Apocalipsis 18:18; Ezequiel 26:4–5; Ezequiel 27:26
  32. 33 Apocalipsis 18:19; Apocalipsis 18:12–15; Isaías 23:3–8; Ezequiel 28:16; Apocalipsis 18:3
  33. 34 Ezequiel 27:26–27; Zacarías 9:3–4; Ezequiel 26:19–21; Ezequiel 26:12–15
  34. 35 Isaías 23:6; Ezequiel 32:10; Ezequiel 26:15–18; Apocalipsis 18:9–10; Ezequiel 28:17–19
  35. 36 Jeremías 18:16; Ezequiel 26:21; Salmo 37:10; Salmo 37:36; Sofonías 2:15

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias