Saltar al texto

Jeremías · Vulgata Clementina

Jeremías 51 Vulgata Clementina

Read in English
Sobre VUL
  • Católica
  • AT: Vulgata latina
  • NT: Vulgata latina
  • Católico (73 libros)
  • Lengua original
  • 1598
  • Dominio público

Audio: Reina-Valera Antigua (RVA), leído por Joyfull · Sobre las grabaciones

Jeremías no está en PT1904.

VUL Vulgata Clementina
PT1904 Texto Patriarcal 1904 (acentuado, edición de eBible)
1 [Hæc dicit Dominus: Ecce ego suscitabo super Babylonem et super habitatores ejus, qui cor suum levaverunt contra me, quasi ventum pestilentem:
·
2 et mittam in Babylonem ventilatores, et ventilabunt eam et demolientur terram ejus, quoniam venerunt super eam undique in die afflictionis ejus.
·
3 Non tendat qui tendit arcum suum, et non ascendat loricatus: nolite parcere juvenibus ejus; interficite omnem militiam ejus.
·
4 Et cadent interfecti in terra Chaldæorum, et vulnerati in regionibus ejus.
·
5 Quoniam non fuit viduatus Israël et Juda a Deo suo, Domino exercituum, terra autem eorum repleta est delicto a Sancto Israël.
·
6 Fugite de medio Babylonis, et salvet unusquisque animam suam: nolite tacere super iniquitatem ejus, quoniam tempus ultionis est a Domino: vicissitudinem ipse retribuet ei.
·
7 Calix aureus Babylon in manu Domini, inebrians omnem terram: de vino ejus biberunt gentes, et ideo commotæ sunt.
·
8 Subito cecidit Babylon, et contrita est. Ululate super eam: tollite resinam ad dolorem ejus, si forte sanetur.
·
9 Curavimus Babylonem, et non est sanata: derelinquamus eam, et eamus unusquisque in terram suam: quoniam pervenit usque ad cælos judicium ejus, et elevatum est usque ad nubes.
·
10 Protulit Dominus justitias nostras: venite, et narremus in Sion opus Domini Dei nostri.
·
11 Acuite sagittas, implete pharetras: suscitavit Dominus spiritum regum Medorum: et contra Babylonem mens ejus est ut perdat eam, quoniam ultio Domini est, ultio templi sui.
·
12 Super muros Babylonis levate signum, augete custodiam, levate custodes, præparate insidias: quia cogitavit Dominus, et fecit quæcumque locutus est contra habitatores Babylonis.
·
13 Quæ habitas super aquas multas, locuples in thesauris: venit finis tuus, pedalis præcisionis tuæ.
·
14 Juravit Dominus exercituum per animam suam: Quoniam replebo te hominibus quasi brucho, et super te celeuma cantabitur.
·
15 Qui fecit terram in fortitudine sua, præparavit orbem in sapientia sua, et prudentia sua extendit cælos.
·
16 Dante eo vocem, multiplicantur aquæ in cælo: qui levat nubes ab extremo terræ, fulgura in pluviam fecit, et produxit ventum de thesauris suis.
·
17 Stultus factus est omnis homo a scientia; confusus est omnis conflator in sculptili: quia mendax est conflatio eorum, nec est spiritus in eis.
·
18 Vana sunt opera, et risu digna: in tempore visitationis suæ peribunt.
·
19 Non sicut hæc, pars Jacob, quia qui fecit omnia ipse est: et Israël sceptrum hæreditatis ejus: Dominus exercituum nomen ejus.
·
20 Collidis tu mihi vasa belli: et ego collidam in te gentes, et disperdam in te regna:
·
21 et collidam in te equum et equitem ejus: et collidam in te currum et ascensorem ejus:
·
22 et collidam in te virum et mulierem: et collidam in te senem et puerum: et collidam in te juvenem et virginem:
·
23 et collidam in te pastorem et gregem ejus: et collidam in te agricolam et jugales ejus: et collidam in te duces et magistratus:
·
24 et reddam Babyloni, et cunctis habitatoribus Chaldææ, omne malum suum quod fecerunt in Sion, in oculis vestris, ait Dominus.
·
25 Ecce ego ad te, mons pestifer, ait Dominus, qui corrumpis universam terram: et extendam manum meam super te, et evolvam te de petris, et dabo te in montem combustionis:
·
26 et non tollent de te lapidem in angulum, et lapidem in fundamenta: sed perditus in æternum eris, ait Dominus.
·
27 Levate signum in terra, clangite buccina in gentibus, sanctificate super eam gentes, annuntiate contra illam regibus Ararat, Menni, et Ascenez: numerate contra eam Taphsar, adducite equum quasi bruchum aculeatum.
·
28 Sanctificate contra eam gentes, reges Mediæ, duces ejus, et universos magistratus ejus, cunctamque terram potestatis ejus.
·
29 Et commovebitur terra et conturbabitur, quia evigilabit contra Babylonem cogitatio Domini, ut ponat terram Babylonis desertam et inhabitabilem.
·
30 Cessaverunt fortes Babylonis a prælio; habitaverunt in præsidiis: devoratum est robur eorum, et facti sunt quasi mulieres: incensa sunt tabernacula ejus, contriti sunt vectes ejus.
·
31 Currens obviam currenti veniet, et nuntius obvius nuntianti, ut annuntiet regi Babylonis quia capta est civitas ejus a summo usque ad summum.
·
32 Et vada præoccupata sunt, et paludes incensæ sunt igni, et viri bellatores conturbati sunt.
·
33 Quia hæc dicit Dominus exercituum, Deus Israël: Filia Babylonis quasi area, tempus trituræ ejus: adhuc modicum, et veniet tempus messionis ejus.
·
34 Comedit me, devoravit me Nabuchodonosor rex Babylonis: reddidit me quasi vas inane, absorbuit me quasi draco, replevit ventrem suum teneritudine mea, et ejecit me.
·
35 Iniquitas adversum me et caro mea super Babylonem, dicit habitatio Sion: et sanguis meus super habitatores Chaldææ, dicit Jerusalem.
·
36 Propterea hæc dicit Dominus: Ecce ego judicabo causam tuam, et ulciscar ultionem tuam: et desertum faciam mare ejus, et siccabo venam ejus.
·
37 Et erit Babylon in tumulos, habitatio draconum, stupor et sibilus, eo quod non sit habitator.
·
38 Simul ut leones rugient; excutient comas veluti catuli leonum.
·
39 In calore eorum ponam potus eorum, et inebriabo eos ut sopiantur, et dormiant somnum sempiternum, et non consurgant, dicit Dominus.
·
40 Deducam eos quasi agnos ad victimam, et quasi arietes cum hædis.
·
41 Quomodo capta est Sesach, et comprehensa est inclyta universæ terræ ! quomodo facta est in stuporem Babylon inter gentes !
·
42 Ascendit super Babylonem mare: multitudine fluctuum ejus operta est.
·
43 Factæ sunt civitates ejus in stuporem, terra inhabitabilis et deserta, terra in qua nullus habitet, nec transeat per eam filius hominis.
·
44 Et visitabo super Bel in Babylone, et ejiciam quod absorbuerat de ore ejus: et non confluent ad eum ultra gentes, siquidem et murus Babylonis corruet.
·
45 Egredimini de medio ejus, populus meus, ut salvet unusquisque animam suam ab ira furoris Domini,
·
46 et ne forte mollescat cor vestrum, et timeatis auditum qui audietur in terra: et veniet in anno auditio, et post hunc annum auditio, et iniquitas in terra, et dominator super dominatorem.
·
47 Propterea ecce dies veniunt, et visitabo super sculptilia Babylonis, et omnis terra ejus confundetur, et universi interfecti ejus cadent in medio ejus.
·
48 Et laudabunt super Babylonem cæli et terra, et omnia quæ in eis sunt: quia ab aquilone venient ei prædones, ait Dominus.
·
49 Et quomodo fecit Babylon, ut caderent occisi in Israël, sic de Babylone cadent occisi in universa terra.
·
50 Qui fugistis gladium, venite, nolite stare: recordamini procul Domini, et Jerusalem ascendat super cor vestrum.
·
51 Confusi sumus, quoniam audivimus opprobrium: operuit ignominia facies nostras, quia venerunt alieni super sanctificationem domus Domini.
·
52 Propterea ecce dies veniunt, ait Dominus, et visitabo super sculptilia ejus, et in omni terra ejus mugiet vulneratus.
·
53 Si ascenderit Babylon in cælum, et firmaverit in excelso robur suum, a me venient vastatores ejus, ait Dominus.
·
54 Vox clamoris de Babylone, et contritio magna de terra Chaldæorum:
·
55 quoniam vastavit Dominus Babylonem, et perdidit ex ea vocem magnam: et sonabunt fluctus eorum quasi aquæ multæ; dedit sonitum vox eorum:
·
56 quia venit super eam, id est super Babylonem, prædo, et apprehensi sunt fortes ejus, et emarcuit arcus eorum, quia fortis ultor Dominus reddens retribuet.
·
57 Et inebriabo principes ejus, et sapientes ejus, et duces ejus, et magistratus ejus, et fortes ejus: et dormient somnum sempiternum, et non expergiscentur, ait Rex (Dominus exercituum nomen ejus).
·
58 Hæc dicit Dominus exercituum: Murus Babylonis ille latissimus suffossione suffodietur, et portæ ejus excelsæ igni comburentur, et labores populorum ad nihilum, et gentium in ignem erunt, et disperibunt.]
·
59 Verbum quod præcepit Jeremias propheta Saraiæ filio Neriæ filii Maasiæ, cum pergeret cum Sedecia rege in Babylonem, in anno quarto regni ejus: Saraias autem erat princeps prophetiæ.
·
60 Et scripsit Jeremias omne malum quod venturum erat super Babylonem, in libro uno: omnia verba hæc quæ scripta sunt contra Babylonem.
·
61 Et dixit Jeremias ad Saraiam: Cum veneris in Babylonem, et videris, et legeris omnia verba hæc,
·
62 dices: Domine, tu locutus es contra locum istum, ut disperderes eum, ne sit qui in eo habitet, ab homine usque ad pecus, et ut sit perpetua solitudo.
·
63 Cumque compleveris legere librum istum, ligabis ad eum lapidem, et projicies illum in medium Euphraten,
·
64 et dices: Sic submergetur Babylon, et non consurget a facie afflictionis quam ego adduco super eam, et dissolvetur. Hucusque verba Jeremiæ.
·

Personas y lugares de este capítulo

Del árbol genealógico y los mapas bíblicos de este sitio (en inglés), solo donde esas guías citan este capítulo.

Personas

  • Mahseiah

    Grandfather of Baruch

    Named as the father of Neriah, grandfather of Baruch and Seraiah.

    Citado en la guía: Jeremiah 32:12; Jeremiah 51:59

    Ver en el árbol genealógico

  • Neriah

    Father of Baruch

    Son of Mahseiah and father of Baruch and Seraiah.

    Citado en la guía: Jeremiah 32:12; Jeremiah 51:59

    Ver en el árbol genealógico

  • Seraiah

    Quartermaster to Zedekiah

    The quartermaster to whom Jeremiah gave his message against Babylon when he went there with King Zedekiah.

    Citado en la guía: Jeremiah 51:59

    Ver en el árbol genealógico

Referencias cruzadas (64)

Pasajes relacionados con cada versículo, del Treasury of Scripture Knowledge, tal como los reúnen y ordenan los lectores de OpenBible.info.

  1. 1 Oseas 13:15; Amós 3:6; Jeremías 4:11–12; Jeremías 50:24; Hechos 9:4
  2. 2 Jeremías 15:7; Mateo 3:12; Isaías 41:16; Jeremías 50:32; Jeremías 50:14–15
  3. 3 Jeremías 50:14; Jeremías 46:4; Jeremías 50:21; Jeremías 50:41–42; Santiago 2:13
  4. 4 Jeremías 49:26; Jeremías 50:30; Isaías 13:15; Jeremías 50:37; Isaías 14:19
  5. 5 Romanos 11:1–2; Zacarías 12:8; Oseas 4:1; Zacarías 12:6; Ezequiel 9:9
  6. 6 Jeremías 50:8; Jeremías 50:28; Jeremías 25:14; Jeremías 50:15; Jeremías 51:45
  7. 7 Apocalipsis 14:8; Apocalipsis 17:4; Apocalipsis 17:2; Apocalipsis 18:3; Daniel 2:32
  8. 8 Isaías 21:9; Jeremías 46:11; Apocalipsis 14:8; Apocalipsis 18:2; Jeremías 50:2
  9. 9 Jeremías 50:16; Apocalipsis 18:5; Isaías 13:14; Jeremías 46:16; Daniel 4:20–22
  10. 10 Jeremías 50:28; Salmo 37:6; Isaías 51:11; Isaías 40:2; Miqueas 7:9–10
  11. 11 Jeremías 46:4; Jeremías 50:45; Jeremías 46:9; Jeremías 50:9; Jeremías 50:14–15
  12. 12 Jeremías 51:11; Isaías 13:2; Nahúm 2:1; Jeremías 51:29; Proverbios 21:30
  13. 13 Apocalipsis 17:1; Isaías 45:3; Apocalipsis 17:15; Jeremías 51:36; Génesis 6:13
  14. 14 Jeremías 50:15; Amós 6:8; Joel 2:25; Jeremías 49:13; Jeremías 46:23
  15. 15 Jeremías 10:12–16; Apocalipsis 4:11; Jeremías 32:17; Colosenses 1:16–17; Hechos 14:15
  16. 16 Salmo 135:7; Salmo 18:13; Jonás 1:4; Jeremías 10:12–13; Éxodo 10:13
  17. 17 Jeremías 10:14; Habacuc 2:18–19; Isaías 44:18–20; Salmo 14:2; Romanos 1:20–23
  18. 18 Jeremías 46:25; Jonás 2:8; Jeremías 48:7; Sofonías 2:11; Isaías 19:1
  19. 19 Jeremías 10:16; Salmo 73:26; Salmo 33:12; 1 Pedro 2:9; Isaías 47:4
  20. 20 Isaías 41:15–16; Miqueas 4:13; Isaías 37:26; Zacarías 9:13–14; Jeremías 27:5–7
  21. 21 Éxodo 15:1; Zacarías 10:5; Zacarías 12:4; Nahúm 2:13; Hageo 2:22
  22. 22 2 Crónicas 36:17; Isaías 13:18; Ezequiel 9:6; 1 Samuel 15:3; Isaías 13:16
  23. 23 Jeremías 51:57
  24. 24 Jeremías 50:15; Apocalipsis 18:24; Isaías 63:1–4; Apocalipsis 18:20; Isaías 66:6
  25. 25 Apocalipsis 8:8; Zacarías 4:7; Jeremías 50:31; Jeremías 51:53; Jeremías 51:58
  26. 26 Isaías 13:19–22; Apocalipsis 18:20–24; Jeremías 50:12–13; Jeremías 51:43; Jeremías 50:40–41
  27. 27 Génesis 10:3; Génesis 8:4; 1 Crónicas 1:6; Jeremías 50:2; Jeremías 51:12
  28. 28 Jeremías 51:11; Jeremías 25:25; Daniel 6:8; Jeremías 51:27; Daniel 8:3–4
  29. 29 Jeremías 8:16; Jeremías 51:11–12; Jeremías 51:43; Isaías 13:19–20; Jeremías 50:13
  30. 30 Nahúm 3:13; Jeremías 50:36–37; Isaías 13:7–8; Isaías 19:16; Lamentaciones 2:9
  31. 31 2 Crónicas 30:6; 2 Samuel 18:19–31; Jeremías 4:20; Jeremías 50:24; Ester 8:14
  32. 32 Jeremías 51:30; Isaías 44:27; Jeremías 50:37–38
  33. 33 Isaías 21:10; Joel 3:13; Oseas 6:11; Apocalipsis 14:15–20; Isaías 41:15–16
  34. 34 Jeremías 50:17; Jeremías 51:44; Job 20:15; Mateo 23:13; Isaías 24:1–3
  35. 35 Jeremías 50:29; Apocalipsis 18:20; Jueces 9:24; Apocalipsis 18:6; Salmo 137:8–9
  36. 36 Jeremías 50:38; Romanos 12:19; Salmo 140:12; Deuteronomio 32:35; Hebreos 10:30–31
  37. 37 Apocalipsis 18:2; Jeremías 18:16; Jeremías 25:9; Apocalipsis 18:21–23; Jeremías 51:25–26
  38. 38 Jeremías 2:15; Jueces 16:20; Nahúm 2:11–13; Job 4:10–11; Isaías 35:9
  39. 39 Jeremías 51:57; Jeremías 25:27; Nahúm 3:11; Nahúm 1:10; Isaías 22:12–14
  40. 40 Jeremías 50:27; Salmo 44:22; Ezequiel 39:18; Salmo 37:20; Isaías 34:6
  41. 41 Jeremías 25:26; Isaías 13:19; Jeremías 49:25; Deuteronomio 28:37; Ezequiel 27:35
  42. 42 Isaías 8:7–8; Daniel 9:26; Salmo 65:7; Apocalipsis 17:15–16; Ezequiel 27:26–34
  43. 43 Jeremías 2:6; Isaías 13:20; Jeremías 51:29; Jeremías 51:37; Jeremías 50:12
  44. 44 Jeremías 51:58; Jeremías 51:34; Isaías 2:2; Jeremías 50:2; Esdras 1:7–8
  45. 45 Apocalipsis 18:4; Jeremías 51:6; Isaías 48:20; Hechos 2:40; Números 16:26
  46. 46 Isaías 19:2; Isaías 13:3–5; 2 Reyes 19:7; Isaías 21:2–3; Lucas 21:28
  47. 47 Jeremías 50:2; Jeremías 51:52; Isaías 46:1–2; Isaías 21:9; Jeremías 51:24
  48. 48 Isaías 44:23; Apocalipsis 18:20; Jeremías 50:3; Isaías 48:20; Isaías 49:13
  49. 49 Jeremías 50:29; Jeremías 51:24; Salmo 137:8–9; Jeremías 51:35; Jueces 1:7
  50. 50 Jeremías 44:28; Salmo 122:6; Apocalipsis 18:4; Jeremías 51:45; Esdras 1:3–5
  51. 51 Lamentaciones 1:10; Salmo 44:13–16; Salmo 79:4; Salmo 74:3–7; Jeremías 31:19
  52. 52 Jeremías 51:47; Jeremías 50:38; Ezequiel 30:24; Isaías 13:15–16; Daniel 5:30–31
  53. 53 Génesis 11:4; Jeremías 49:16; Jeremías 51:25; Salmo 139:8–10; Abdías 3–4
  54. 54 Jeremías 50:22; Jeremías 50:46; Jeremías 48:3–5; Isaías 13:6–9; Jeremías 50:43
  55. 55 Jeremías 25:10; Isaías 17:13; Salmo 18:4; Jeremías 50:10–15; Isaías 15:1
  56. 56 Jeremías 51:6; Habacuc 2:8; Salmo 46:9; Jeremías 51:48; Apocalipsis 19:2
  57. 57 Jeremías 46:18; Jeremías 48:15; Jeremías 25:27; Salmo 76:5–6; Jeremías 51:39
  58. 58 Habacuc 2:13; Jeremías 51:44; Jeremías 51:64; Jeremías 50:15; Isaías 45:1–2
  59. 59 Jeremías 32:12; Jeremías 36:4; Jeremías 28:1; Jeremías 45:1; Jeremías 52:1
  60. 60 Isaías 30:8; Habacuc 2:2–3; Jeremías 30:2–3; Jeremías 36:32; Daniel 12:4
  61. 61 Marcos 13:1; Colosenses 4:16; 1 Tesalonicenses 5:27; 1 Tesalonicenses 4:18; Jeremías 29:1–2
  62. 62 Jeremías 50:13; Jeremías 50:3; Apocalipsis 18:20–23; Isaías 14:22–23; Jeremías 50:39–40
  63. 63 Apocalipsis 18:21; Jeremías 19:10–11
  64. 64 Jeremías 51:58; Job 31:40; Nahúm 1:8–9; Apocalipsis 18:21; Salmo 72:20

Referencias cruzadas: OpenBible.info (CC BY), tomadas sobre todo del Treasury of Scripture Knowledge (dominio público). · Fuentes y licencias